Warumi 2:5 - Pokomo

⁵ Ela kwa dzambo ḍya kitswacho chumu na kutsaatsaka kupfyehuza mama kwako, kwakudzifundikiani adhaḅu nkuu idzeyokudza hiyo hiyo nsiku ya Muungu adzeyowarejea wanabvise, na kuwahukumu na hachi.

Warumi 2:5 ပူးပေါင်းရင်းမြစ်များ

Warumi 1:18

Muungu kakuhuyangani wazi tswee kwamba karejeswa ni haya mazuka na nabvise zonse za wanaad̯amu wezonahenda. Kakuhuyangani kwamba anawahukumu na hukuḍe mbinguni aiko, koro kwa haya mazuka yao weyonahenda, wanaikaiya machingama hi hachi itsemanyikana.

Warumi 11:25

Wandugu zanguni, kuna siri modza natsaka muiimuke ili kwamba mutsekudzanjia kudzionani. Waisiraeli wangine wahendezwa wawe na myojo myumu watseewa na haḍya ya kumuhikiza *Kirist̯o. Ela saa ya Muungu adzeyokwisa kuwatsana hawa wantu wa vyeet̯i vingine vyonse kuwa wantuwe, ndipfo pfa myojo ya hawa Waisiraeli idzepfot̯epoka na wadzamuhikiza Kirist̯o.

Warumi 9:22

Ḅasi hat̯a kwa Muungu vyaa dzevihivi. Ingawa Muungu ekitsaka kuiyanga hi ngoroye na ayange uwezowe eokuwa nao, kawaindiiya na kuwait̯isia hawaḍe eowarejea, yani hawaḍe weonamala kunangwa-nangwa.

2 Wakorint̯o 5:10

Koro hwonse ni had̯i hudzehusumame usoni ya *Kirist̯o, muhukumu jwehu. Jeje anahukumu kula mumodza jwehu na kumumpa t̯ubvo ambu adhaḅu dza evyonamala, akiyowa mahendo mema ambu mazuka ya muntu ahendeyeyo kuzimuni mwa maisha yakwe hapfa lumwenguni.

2 Watesalonike 1:5

Wantu wadzaona tswee kwamba, Muungu anamuhukumu kula muntu dza evyonamala. Nywinywi hi saasambi mwakufwani kuit̯isa mad̯inani kwa dzambo ḍya hu Uhaju wa Muungu. Na kwa dzambo ḍyevyohivyo, Muungu nae anamut̯ala kuwa wantu mwiwonamala kuunjia uhajuwe.

Waeburania 3:13

Ishinu fundanani kula nansiku, chima cha “Nsiku ya yeo” ivyopfo, ili kutseewa hat̯a mumodza jwenu jwa kukulika-kulika na nabvise na auhendeze mojowe kuwa mumu.

Waeburania 3:15

Haya matsoro yamba, “Mukiisikia saut̯i yakwe yeo, namutseihendeza myumu myojo yenu, dza vya wabibi zenu wevyodziza kumusikia Muungu.”

Waeburania 4:7

D̯ubva Muungu kaweka nsiku yehu ya kunjia kuntukwe kwa kuyavya hara, na hiyo hiyo nsiku ni yeo. Myaka na myaka ḅaad̯aye, Muungu kanena dzuu ya hi hii nsiku kuchiiya na kwa D̯aud̯i aneneye matsoroni akyamba, “Mukiisikia saut̯i yakwe yeo, namutseihendeza myumu myojo yenu.”

Yakobo 5:3

Dhahaḅu na fwedha zenu zihenda nkanga. Na hiyo hiyo nkanga idzakaa dza ushaahiḍi wa nabvise zenu nsiku ya hukumu. Nanywi mudzanangwa-nangwa dza kwamba munangwa-nangwa ni moho. Nywinywi munadziundukizia mali menji na menji, ntamudzi kwamba azi ni nsiku za mwiso?

2 Pet̯ero 2:9

D̯ubva haya yonse yanahuyanga namuna ya Muungu amanyiyevyo kuwayavya mad̯inani hawaḍe weonamuhila. Na pia kamanya namuna ya kuwaadhiḅu wantu wazuka, hali wakwakuindiiyani hi nsiku halisi ya hukumu.

2 Pet̯ero 3:7

Kwa chicho chuuwo kimodza cha Muungu, hizi mbingu na huju lumwengu jwa yeo vyakuwekwani kudzanangwa na moho nsiku ya hukumu. Judzanangwa pfamodza na wantu wonse wasiomumanya Muungu.

Yud̯a 1:6

Na pia natsaka kumukumbusya kwamba hawaḍe malaika wayayatsiyeo haya mamulaka ya Muungu awapfiyeyo, na wakikuyatsa hukuḍe kuntu kwao wapangiijweko kukaa, Muungu kawafunga-funga na minyoro isiyohunika meshi. Kisa kawangiza simo ḍya kiza wemokuindiiyani Nsiku ya kuhukumigwa.

Upfenuo wa Yohana 2:21

Mimi nimumpa muḍa wa kupfyehuza mama, ela jeje kadziza kuyatsa uḅariwe.

Upfenuo wa Yohana 6:17

Koro nsiku yao ya kuhuhukumu ifika. Ni ga adzeyepfona?”