Warumi 2:4 - Pokomo

⁴ Ambu kwakumubalifani Muungu kwa dzambo ḍya kwamba jeje ni munanso muno kwako? Yani kwakuonani kwamba jeje si muharaka jwa kukuadhiḅu na kakukuit̯isiani! Munamba nkwaona hat̯a kwamba hu huu wemawe wonse eokukuhendeani, kakukupfani namfasi nangere ili upate kupfyehuza mama?

Warumi 2:4 ပူးပေါင်းရင်းမြစ်များ

Warumi 10:12

Ndookomu ntaku ugaragara kahi ya Muyahud̯i na muntu jwa kyeet̯i chingine. Muungu ndiye Ḅwana jwa wantu wonse, na anawavodhya kwa winji hawaḍe wonse weonamuyomba.

Warumi 11:22

T̯ayowani namuna ya Muungu aivyo mut̯ei na namuna evyonahukumu. Hawaḍe wamutsoweeyeo kawahukumu vyumuni. Ela nywinywi mukigija kumuserefat̯a, jeje anamufwiya t̯ei. Ela mukiyatsa kumuserefat̯a, hat̯a nanywi pia anamujibat̯a.

Warumi 11:33

Hu wema wa Muungu eonahuyanga ni mukuu kuchia mama za wanaad̯amu! Mvidhyoye na mipango eyonayo ntahunaweza kuipima. Ya Muungu eyonahuna kuhenda, hat̯a hukiḍema kuyat̯aria na mvidhyo iiyodze, ntahunaweza kuyarorot̯a meshi! Na hat̯a hukiḍema kuzimamat̯a njiaze, ni ga jwa kuziimuka?

Warumi 3:25

Muungu kamuyavya Yesu awe dza mvuugiya ili kwamba kuchiiya na kwa hu mwaziwe ehiyeo, hawaḍe wamuhikiziyeo wapate kuyatsijwa nabvise zao. Kavihenda nangere ili apate kuwayanga wanaad̯amu kwamba jeje ni muhachi. Koro kae Muungu kawait̯isia wanaad̯amu hat̯a nkakuwahukumu kwa nabvise zao wahendeyezo.

Warumi 6:1

D̯ubva hwambedze? Hwambe kwamba hugije kuhenda nabvise amaale ili kwamba Muungu agije kuhufwiya t̯ei na kuhuyatsia zaid̯i na zaid̯i?

Warumi 6:15

Ikimaawa kwamba hi t̯ei ya Muungu ihuweka huru hutseewa wahumwa wa Sharia, d̯ubva ni kunena kwamba hunaweza kugija kudzihendea nabvise ḅasi? Moro sivyo hat̯a!

2 Wakorint̯o 8:2

Hawa wahikiza wa Makedonia wapatwa ni maḍemo makali muno kwa dzambo ḍya hizi d̯ina wakuntiyezo, ela tsekea yao, iyokuwa nkuu muno, ntaikuwayawa. Na umasikini wao wonse, wayavya wevyokuwa navyo na mojo wa ubalicha.

Waefeso 1:18

Pia nyakumuyombeani kwamba amupfenuye akili zenu, mupate kuyaimuka haya madzikwat̯yo amumpiyeyo epfomuhana muwe wantuwe. Na nyakumuyombeani muweze kumanya haya mema menji na menji aahid̯iyeyo kuyawapfa wantuwe.

Waefeso 1:7

Muungu kahukombowa na mwazi wa Kirist̯o ehiyeo epfofwa muhini mwa mpatsa na kahuweka huru. Yani kahuyatsia nabvise zehu. Na kwa hi hii njia, Muungu kahuyanga namuna aivyo mut̯ei kwehu

Waefeso 2:4

Ela hat̯a vivyo, kwa dzambo ḍya matsakoye makuu kwehu, Muungu kahufwiya t̯ei muno.

Waefeso 2:7

Muungu kahenda hivi ili kwamba, ngera zonse zidzezokudza, wantu waone namuna aivyo mut̯ei kuchia chima kuchiiya na kwa Kirist̯o Yesu.

Waefeso 3:16

Nyakumuyombeani kwamba, kuyawana na winji wa memaye yasiyo chima, amumpe nguvu za kut̯osa za kumukumiiza hi myojo yenu kuchiiya na kwa Ruhu jwakwe.

Waefeso 3:8

Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima.

Wafilipi 4:19

Na huyu Muungu jwangu niyenamuhumikia namut̯imiziye haḍya zenu zonse kuyawana na jabvawe mwinji eo nao, eonamumpa kuchiiya kwa Kirist̯o Yesu.

Wakolosai 1:27

Muungu kaona vyema kuiwapfenwiiya wantuwe hi hii ngadzi, ili waweze kumanya kwamba hu ni mupangowe mukuu, wiiwo na maana muno kwa hat̯a wantu wa vyeet̯i vingine. Na hu mupangowe ni kwamba Kirist̯o aishi myojoni mwenu, ili muweze kuwa na uhakika kwamba mudzawa pfamodza nae maremboni mwakwe.

Wakolosai 2:2

Nyakuhendani hivi nipate kumungiza mojo na mupate kutsakana muno, na mupate kuwa dza kintu kimodza. Natsaka muwe na uhakika kaḅisa kwamba hichi chuuwo cha Muungu ncha hachi, ili kwamba hi ngadzi ya Muungu, yani *Kirist̯o, mumuimuke urembo.

1 Timoteo 1:16

Ela kwa hiḍi hiḍi dzambo, Muungu ewa mut̯ei kwangu. Na kanipfonya ili kwamba Kirist̯o Yesu aweze kuwayanga wantu wangine namuna aivyo mwema na mumpowe. Na kwa dzambo ḍya kwamba mimi ndimi niyekuwa munabvise mukuu jwa mwiso, nikaa dza mufaano wa kuyanga kula muntu, kwamba yuḍejwonse adzeyemuhikiza Kirist̯o anapata maisha ya kuunga na yuungo.

1 Timoteo 6:17

Waamuru hawaḍe weo majabva huju huju lumwengu, watsedziona na wala watsedzikwat̯ya hu huu ujabva usiwo maana. Ishinu nawadzimukwat̯ye Muungu, eye mubalicha jwa kuhupfa kula kintu cha kuhutsekeza.

1 Pet̯ero 3:20

Hizi ziwa ni ruhu za hawaḍe wadziziyeo kumut̯ii Muungu hangu kae, ngera za Nuhu. Nuhu epfoakielekanya hi safina, Muungu kawaindiiya muno wapfyehuze mama wapfone. Ela wantu wanjiiyeo humu safinani wewa ni wanane t̯u, nao ndiwo wapfoneyeo na hi zuruwa.

2 Pet̯ero 1:11

Ndookomu nanywi mudzapfokejwa urembo, muunjie hu uhaju wa kuunga na yuungo, wa Ḅwana na mupfonya jwehu Yesu Kirist̯o.

2 Pet̯ero 3:15

Huku kuit̯isa kwa Ḅwana ekokumuit̯isiani, kuhwaeni dza namfasi eyokumumpani mupate kupfonyegwa, dza vya ndugu yehu mutsakwa Paulo amworeevyo kwa mvidhyo aipfegejweyo ni Muungu.

2 Pet̯ero 3:3

Cha d̯ura ni had̯i muimuke kwamba ngera za mwiso kudzawa wantu wabalifit̯u, weonat̯awaligwa ni t̯amaa zao t̯u. Wadzamunonza

2 Pet̯ero 3:9

Si ya kwamba Ḅwana ni mumpompowe kut̯imiza ḍamanoḍye, dza vya wangine wevyonat̯ara hat̯a. Ela kakumuit̯isiani nywinywi ili muyatse nabvise zenu mupfyehuze mama, koro nkanatsaka hat̯a mumodza jwenu aare.

Upfenuo wa Yohana 2:21

Mimi nimumpa muḍa wa kupfyehuza mama, ela jeje kadziza kuyatsa uḅariwe.

Upfenuo wa Yohana 3:20

T̯ayowani! Mimi nisumama muḍyangoni nyakubigani hoḍi. Huyuḍe adzeyeisikia saut̯i yangu na akinifungwiiya muḍyango, nanjia mwakwe naḍya pfamodza nae, nae anaḍya pfamodza nami.