Warumi 16:4 - Pokomo

⁴ na hat̯a wewa wayangiza maisha yao hat̯arini kwa dzambo ḍyangu. Hachi nina ḍuḍa nao muno. Kisa simi t̯u niyekuwayaviani ḍuḍa, ela hat̯a haya matsanganiko yonse ya wantu wa vyeet̯i vingine, yana ḍuḍa nao.

Warumi 16:4 ပူးပေါင်းရင်းမြစ်များ

Yohana 15:13

Ntaku tsako ḍiḍyo kuu kuchia tsako ḍya muntu kuyayavya maishaye kwa dzambo ḍya waḅamuzwe.

Mahendo 15:26

wadzingiziyeo hat̯arini ya kufwa kwa dzambo ḍya Ḅwana jwehu Yesu *Kirist̯o.

Mahendo 15:41

Wachia na Siria na Kilikia, wakyenda na kuyangiza nguvu haya matsanganiko.

Mahendo 16:5

Ndookomu haya matsanganiko yangizwa nguvu faroni, na yagija kukuya kula nsiku.

Mahendo 9:31

D̯ubva tsanganiko ḍiwa na ngera ya naghea Yud̯aya, Galilaya na Samaria yonse. Chima cha tsanganiko ḍimuhiliyevyo Ḅwana, ndiyo mala ḍikwiiyevyo na kwongezeka kwa kungizwa mojo ni Ruhu Mudheru.

Warumi 16:3

Nikedhyeani Pirisila na Akwila. Huyu huyu muke na muumewe nihenda nao kazi ya kumuhumikia *Kirist̯o Yesu,

Warumi 16:5

Nikedhyeani hat̯a hiḍi tsanganiko ḍiḍyonayomba nyumbani mwao. Nikedhyeani huyu ḅamu jwangu mutsakwa Epaneto. Jeje ewa ndiye muntu jwa d̯ura jwa ḍyimbo ḍya Asia amuhikiziye Kirist̯o.

Warumi 5:7

Si rahisi kuona muntu adzibigie koḅela kuyagwa kwa dzambo ḍya muntu muhachi yuḍejwonse. Pfangine muntu anaweza kudzit̯olea kuyagwa kwa dzambo ḍya muntu mwema.

1 Wakorint̯o 16:1

Na dzuu ya hizi mvuugiya za kuyavigwa kwa dzambo ḍya ugijo wa wahikiza weo Yerusalemi, hendani dza hivi niyaḍamiyevyo haya matsanganiko ya Galatia yahende.

1 Wakorint̯o 7:17

Kula muntu naishi haya maisha ya Ḅwana amumpiyeyo kuishi, na akae dza viviḍe evyokuwa Muungu epfomuhana. Hi ndiyo amuri niwekeyeyo kwa matsanganiko yonse.

Wafilipi 2:30

koro ewa kayangiza hat̯arini haya maishaye hat̯a echamba afwe kwa dzambo ḍye kazi ya Kirist̯o, ili aweze kuunimpa hu ugijo musioweza kuuniyeheya nywinywi wenye na mukono.

1 Watesalonike 2:14

Wandugu zanguni, yayaḍe yayapatiyeyo haya matsanganiko ya Muungu yamuhikiziyeo Kirist̯o Yesu hukuḍe Yud̯aya, ndiyo yamupatiyeyo nanywi. Yani, mukuntiswa d̯ina ni wantu wa kyeet̯i chenu wenye dza viviḍe vya hawa Wakirist̯o Wayahud̯i wakuntisijwevyo d̯ina ni wantu wa kyeet̯i chao.

1 Yohana 3:16

Kwa kuyavya haya maishaye kwa dzambo ḍyehu, Kirist̯o kahuyanga ya kwamba matsako ni kintu ga. D̯ubva naswi pia, hunamala kuyavya maisha yehu kwa dzambo ḍya wandugu zehu.

Upfenuo wa Yohana 1:4

Mimi Yohana, nyakumworeani nywinywi wantu wa matsanganiko mofungahe yeyo ḍyimbo ḍya Asia. Huyu eyekuwapfo, eyepfo na adzeyekudza, pfamodza na hizi ruhu mfungahe zizonasumama usoni ya kitiche cha kihaju na Yesu Kirist̯o eye shaahiḍi jwa kuhikizika, nawamuvodhye na kumumpa naghea nto. Yesu Kirist̯o ndiye jwa d̯ura afufukie kuyawa kwa wafu na akiwa Haju jwa mahaju yonse ya humu lumwenguni. Jeje kahutsaka na kahuweka huru kuyawana na nabvise kwa kwiha mwaziwe.