Warumi 15:6 - Pokomo

⁶ ili nyonse muweze kuungana pfamodza mukimushad̯a huyu Muungu, eye Baba jwa Ḅwana jwehu Yesu Kirist̯o.

Warumi 15:6 ပူးပေါင်းရင်းမြစ်များ

Yohana 20:17

Yesu kamwamba, “Sinigije, koro mimi sidzapfaa kwenda kwa Baba. Ela enda kwa hawa wandugu zangu ukawambe ya kwamba, nyakwendani kwa Baba, eye Baba jwenu pia, nyakwendani kwa Muungu jwangu eye Muungu jwenu pia.”

Mahendo 4:24

Wepfosikia haya maagu, watsanganika pfamodza kumuyomba Muungu na umodza wakyamba, “Ḅwana na Muumba jwa mbingu na nsi, rukanga na vyonse vivyo kuzimuye!

Mahendo 4:32

Hichi kit̯aro cha hawa wahikiza kiiwa dza muntu mumodza mat̯aroni na myojoni mwao. Ntaku afalamiye kijache kuwa chakwe jeje heket̯u. Kula mumodza katumia na mwenziwe hichi echokuwa nacho.

2 Wakorint̯o 1:3

Nahumuyavize ḍuḍa Muungu, Baba jwa Ḅwana jwehu Yesu Kirist̯o, eye Baba mut̯ei na Muungu eyenahuingamaza.

2 Wakorint̯o 11:31

Huyu Muungu, Baba jwa Ḅwana Yesu nashad̯we maishi na maishi! Jeje ndiye amanyiye, kwamba sikwakunenani nsuwe.

Waefeso 1:17

Nyakumuyombeani kwa Baba jwehu mwenye marembo, eye Muungu jwa Ḅwana jwehu Yesu Kirist̯o. Nyakumuyombeani kwamba Muungu amumpe huyu Ruhu jwa kumumpa mvidhyo na uimufu wa kumumanya jeje zaid̯i na zaid̯i.

Waefeso 1:3

Nahumushad̯eni Muungu eye Baba jwa Ḅwana jwehu Yesu Kirist̯o, ahuvodhyeye na kula kintu cha kiruhu cha kuyawa mbinguni, kwa kwamba hwaa hariani mwa Kirist̯o.

Wakolosai 1:3

Husikia namuna mumuhikiziyevyo Kirist̯o Yesu, na namuna muwatsakiyevyo wantu wonse wa Muungu. Ndookomu kula hukwakumuyombeyani, hunamuyaviza ḍuḍa Muungu, Baba jwa Ḅwana jwehu Yesu Kirist̯o.

1 Pet̯ero 1:3

Nahumuyavizeni ḍuḍa Muungu, eye Baba jwa Ḅwana jwehu Yesu Kirist̯o; koro kahufwiya t̯ei muno, hat̯a kahupfa maisha mapfya. Kwa dzambo ḍya kwamba kamufufuya Yesu Kirist̯o kuyawa kwa wafu, kahupfa madzikwat̯yo makuu.

Upfenuo wa Yohana 1:6

Kahuhendeza huwe wantu wa Uhajuwe na wakohani wa kumuhumikia Muungu Babajwe. D̯ubva jeje Yesu nashad̯we na kukuzwa maishi na maishi. Amina.