Warumi 14:2 - Pokomo

² Kwa mufaano, muntu anaweza kuhikiza kwamba kudziḍia chakuḍya kiḍechonse ni sawa. Ela yungine asiyedzangora faroni anaweza kuona kwamba sawa ni kuḍya mboga t̯u.

Warumi 14:2 ပူးပေါင်းရင်းမြစ်များ

Warumi 14:1

Hawaḍe wahikiza wenzenu weo na faro isiyodzangora nao pia wakaraḅisheni humu vit̯aroni mwenu. Na wala namutsejumuya yuḍaat̯o nao dzuu ya mambo yao weyonayaona kwamba ni sawa ambu si sawa.

Warumi 14:14

Kuuḅana na hivi vya Ḅwana Yesu aneneyevyo, nimanya na nina uhakika kwamba, ntaku kiḍechonse kisichomala kuḍigwa. Ela muntu akihikiza kwamba kuna vyakuḍya visivyokuwa vidheru na visivyomala kuḍigwa, ḅasi kwakwe jeje ntavinamala kuḍigwa ḍugha.

Warumi 14:20

Hivi vyakuḍya mwivyonaḍya navitsemuhendeza muinange-nange hi kazi ya Muungu. Kumbukani kwamba vyakuḍya vyonse ni sawa kuviḍya. Ela ni matsowa kuḍya chakuḍya chichonaweza kumuhendeza yungine agwe nabviseni.

Warumi 15:1

Swiswi hungoreyeo faroni, hunamala kuwatsukwiiya hawaḍe wasiodzangora. Ni kutsadzihendea mambo ḅasi ya kudzitsakiza swiswi t̯u.

1 Wakorint̯o 10:25

Ḍyani kula aina ya nyama zizonaguzwa sokoni pfasipfo kuuza maswali ya kuzikajela.

1 Wakorint̯o 8:9

Ela hat̯a vivyo, manyani mutseuyatsa uhuru wenu mwiwonao uwagise nabviseni hawaḍe weo na faro zisizodzangora.

1 Wakorint̯o 9:22

Na kahi ya wantu weo na faro zisizodzangora, nadzihendeza dzao nipate kuwanuha kwa Kirist̯o. D̯ubva nadzingiza kwa kula hali ya kula muntu, nipate kupfonya wangine wao kwa njia iḍeyonse niyonaweza.

Wagalatia 2:12

Koro epfokudza na d̯ura, ekikaa na kuḍya pfamodza na hawa wahikiza wasiokuwa Wayahud̯i. Ela kwipfokudza wantu wahumijweo ni Yakobo, Pet̯ero kadzit̯anya na kaḍabva kutsaaḍya na hawa wahikiza wasiokuwa Wayahud̯i. Kahenda hivi kwa dzambo ḍya kwamba ekiwashooga hawaḍe Wayahud̯i weowakyamba wantu wa vyeet̯i vingine wahikiziyeo ni had̯i wahinywe.

1 Timoteo 4:4

Koro kula cha Muungu aumbiyecho ni chema. Ntaku ruhusa ya kintu cha kudzizigwa, ela kula kintu ni kupfokejwa kwa mayombo ya ḍuḍa.

Tito 1:15

Kwa hawaḍe weo wadheru, ntaku kisichokuwa kidheru. Ela kwa hawaḍe wanangijweo ni nabvise na wasiohikiza, ntaku chicho kidheru, koro akili zao na myojo yao inangwa ni nabvise.

Waeburania 13:9

D̯ubva namutseyatsa kula aina ya mayongweezo mageni yamwaarye. T̯ei ya Muungu kwehu, ndiyo iyonahungiza nguvu, ela kuuḅa masharia ya kuḍya chakuḍya kisiku ambu kutsaaḍya chakuḍya kisiku ntakusaiḍie yuḍejwonse.

Waeburania 9:10

Haya haya masharia ni dzuu ya kuḍya na kunwa na maad̯a yangine garagara ya kudzidheresa. Haya ni masharia yawekejweyo, yasiyohora mojo wa muntu. Yakutumikani mumpaka ngera ya Muungu adzepfoperuya mambo yonse kuwa mapfya.