Warumi 14:11 - Pokomo

¹¹ Koro humu matsoroni Ḅwana kamba, “Hakika kula muntu kadzanivunzia nkuhi, na kadzanena na kanwa kakwe jeje mwenye, kwamba mimi ndimi Muungu.”

Warumi 14:11 ပူးပေါင်းရင်းမြစ်များ

Matayo 10:32

Yuḍejwonse adzeenena usoni ya wantu kwamba jeje njwangu, nami nidzanena usoni kwa Baba jwangu jwa mbinguni kwamba huyo huyo muntu njwangu.

Warumi 10:9

Koro ukit̯amuka na kanwa kako wewe mwenye kwamba Yesu ni Ḅwana, na ukihikiza mojoni mwako kwamba Muungu kamufufuya kuyawa kwa wafu, unapfonywa.

Warumi 15:9

Na pia kadza ili kwamba wantu wa vyeet̯i vingine waweze kumushad̯a Muungu kwa dzambo ḍya t̯eiye. Koro haya matsoro yamba, “D̯ubva nakushad̯a wewe nikiwa kahi ya wantu wa vyeet̯i vingine, na nakwimbia meya ya kuḍikuzya sariḍyo.”

1 Yohana 4:15

Yuḍejwonse ashuhuḍie ya kwamba Yesu ni Mwana jwa Muungu, Muungu kakuishini kuzimuni mwakwe, nae kakuishini Muunguni.

2 Yohana 1:7

Humu lumwenguni kuhika waalimu wenji na wenji weo na makulekule. Hawa ni wantu weokudzizani kuhikiza ya kwamba Yesu *Kirist̯o kadza dza mwanaad̯amu. Wantu dzao ni wapfinga Kirist̯o na ni wantu weonakulakula.

Upfenuo wa Yohana 5:14

Na hiviḍe viumbe vyoone vyamba, “Amina.” Na hawaḍe wazee miyongo miwii na wane wamugwiya Muungu na huyu Mwana Mbuzi kuwayomba.