Warumi 14:1 - Pokomo

¹ Hawaḍe wahikiza wenzenu weo na faro isiyodzangora nao pia wakaraḅisheni humu vit̯aroni mwenu. Na wala namutsejumuya yuḍaat̯o nao dzuu ya mambo yao weyonayaona kwamba ni sawa ambu si sawa.

Warumi 14:1 ပူးပေါင်းရင်းမြစ်များ

Matayo 12:20

Nkat̯okudzawayaga mojo hawaḍe weo wadhaifu, wala hawaḍe weo na katsemeela ka madzikwat̯yo, hat̯a hapfaḍe adzepfoshinda na kuit̯imiza miro yangu.

Matayo 14:31

Na pfapfo Yesu kamupfiikia mukono kamugija na kamwamba, “E wewe wiye na faro ndoḍo! Kut̯i wiwa nkukuniserefat̯a?”

Matayo 18:10

D̯ubva manyani mutsebalifa hat̯a mumodza jwa hawa hawa wantu wanihikiziyeo, weo dza wana vichuchu. Koro hachi nyakumwambiani, hawa malaika wao saa zonse waa usoni pfa Baba jwangu jwa mbinguni.”

Marko 7:19

Maanaye chakuḍya ntakinjie mojoni, kinanjia humboni kisa kikayawa mwiini kwa njia ya kwenda dhaka.” (Yesu epfonena hivi, ewa na maana kwamba vyakuḍya vyonse vinafaa kuḍigwa.)

Luka 17:2

Vindeewa urembo t̯ambere huyo huyo muntu andefungwa iwe ḍya kupaazia ot̯ini na angukijwe ḅaharini kuliko, kuyatswa ahendeze mumodza jwa hawa wachuchu hawa agwe nabviseni.

Yohana 13:20

Hachi nyakumwambiani, yuḍejwonse adzeemupfokea ntumi jwangu, huyo kanipfokea mimi. Na yuḍejwonse anipfokeeye mimi, huyo kamupfokea huyuḍe anihumiye.”

Mahendo 28:2

Hawa wenye hichi kilulu wahuhendea wema mwinji muno. Kwiwa kumaḍabva kunya mvuya na kwiwa na mpepfo, ndookomu wahukozea moho na wahukaraḅisha hwonse.

Warumi 11:15

Koro ikiwa kwamba Muungu epfowadziza Waisiraeli t̯u, kahendeza wantu wa vyeet̯i vingine lumwenguni wawe waḅamuzwe. Ehe fat̯i adzepfowakuḅali Waisiraeli kawii? Ntavinawa dza kwamba kakuwafufuyani kawii wantu weokuwa dza kwamba wafwa?

Warumi 14:2

Kwa mufaano, muntu anaweza kuhikiza kwamba kudziḍia chakuḍya kiḍechonse ni sawa. Ela yungine asiyedzangora faroni anaweza kuona kwamba sawa ni kuḍya mboga t̯u.

Warumi 14:21

Ni heri kutsaaḍya nyama, wala kunwa mvinyo ambu kuhenda kintu kiḍechonse chichonaweza kumugisa nabviseni ndugu mwenziwo.

Warumi 14:3

Hawaḍe weonaona kwamba ni vyema kuḍya chakuḍya kiḍechonse ntawa ruhusa ya kuwanyira hawaḍe wasiodziḍia ḅasi kula kintu. Na hawaḍe weonakwiya vyakuḍya vingine, nawatseona kwamba hawaḍe weonaḍya kula kintu wakuhendani matsowa. Koro Muungu mwenye ndiye akiwakuḅali kuwa wantuwe.

Warumi 15:1

Swiswi hungoreyeo faroni, hunamala kuwatsukwiiya hawaḍe wasiodzangora. Ni kutsadzihendea mambo ḅasi ya kudzitsakiza swiswi t̯u.

Warumi 15:7

D̯ubva ikaani mukikaraḅishana vit̯aroni mwenu dza hiviḍe vya Kirist̯o amukaraḅishiyevyo uhajuni mwa Muungu, ili Muungu apate kushad̯wa.

1 Wakorint̯o 9:22

Na kahi ya wantu weo na faro zisizodzangora, nadzihendeza dzao nipate kuwanuha kwa Kirist̯o. D̯ubva nadzingiza kwa kula hali ya kula muntu, nipate kupfonya wangine wao kwa njia iḍeyonse niyonaweza.

Wafilipi 2:29

D̯ubva mupfokeyeni na tsekea yonse dza muntu jwa Ḅwana. Wahileni na wangine wonse weo dzae,

1 Watesalonike 5:14

Wandugu, hwakumuyombani muno muwakanye hawaḍe weonadzikaiya ḅasi, wasiotsaka kuhenda kazi. Wangizeni mojo hawaḍe wafwiyeo mojo, na muwagijiije hawaḍe wasiodzangora faro zao. Na pia wani wampowe kwa wantu wonse.

Waeburania 5:14

Wantu wangoreyeo wanaḍya chakuḍya chumu chumu. Wao wakidzizoweza na wamanya ugaragara wa hikiḍe chicho chema na chicho kizuka.

2 Yohana 1:10

D̯ubva muntu yuḍejwonse akimudzia, na akitsamudzia na haya haya mayongweezo, namutsemukaraḅisha nyumbani kwenu. Na hat̯a kumukedhya, namutsemukedhya!