Warumi 12:6 - Pokomo

⁶ Ndookomu kwa kwamba Muungu kahupfa t̯ola garagara, ni had̯i huzitumiye kuuḅana na namuna ahuvodhyeyevyo. Muntu eye na t̯ola ya kuyavya maagu ya Muungu, ni akikaa na kuyayavya haya maagu akiwa na faro yonse kwamba kayapfegwa ni Muungu ḍugha.

Warumi 12:6 ပူးပေါင်းရင်းမြစ်များ

Matayo 23:34

D̯ubva namuhumia manabii na wantu makaro na waalimu wa Sharia. Wangine wao mudzawayaga kwa kuwapfatsika, na wangine mudzawabiga malucha masunagogini mwenu, mukiwalacha mudzi kwa mudzi ili muwakuntise d̯ina.

Matayo 25:22

Makisa kunjia huyuḍe muhumisi apfegejwe t̯alant̯a mbii za fwedha. Nae epfokwenda kamwamba, ‘Ḅwana, kunimpa t̯alant̯a mbii za fwedha, nami nizihendea kazi hat̯a nipata faiḍa ya t̯alant̯a zingine mbii.’

Luka 11:49

D̯ubva Muungu kanena mvidhyoni mwakwe kamba, ‘Nawahumia manabii na *ntumi. Wangine wao wanawayaga na wangine wao wanawakuntisa d̯ina.’

Mahendo 13:1

Humu mwa hiḍi tsanganiko ḍya wantu wa Antiokia kwiwa manabii na waalimu. Wewa Baranaba, Simioni eyeakihanwa Mweusi, Lukio jwa kuyawa Ukirene, Manaeni ayeyejwee pfamodza na haju *Herod̯e, na Sauli.

Mahendo 15:32

Yud̯a na Sila, weokuwa manabii, wanena na hawa wandugu kwa muḍa muyeya, wakiwafunda na kuwangiza mojo.

Mahendo 2:17

Haya ndiyo nidzeyohenda nsiku za mwiso. Wantu wonse nidzawakakanyia Ruhu jwangu. Wanawayume na wanawake wenu wadzayavya unabii. Orani wenu wadzaona nzozi, na wazee wenu wadzayoheswa ndoho.

Mahendo 21:9

Ewa na wanawake wane wasiodzahwajwa weokuwa manabii.

Warumi 1:11

Nina hamu ya kuonana nanywi muno ili niweze kudzamumpa mvoni ya kiruhu idzeyokumiiza hizi faro zenu.

Warumi 12:3

Kwa kwamba Muungu kanifwiya t̯ei na kanihendeza niwe *ntumi jwakwe, nyakumwambiani nyonse kwamba mutsedzihwaa kuchia chima. Ela ni mukidzihwaa dza viviḍe muivyo, kula mumodza akidzipima jeje mwenye kuuḅana na hi faro ya Muungu amumpiyeyo.

1 Wakorint̯o 12:18

Ela hivi viivyo ni kwamba, kula kiiriiri humu mwiini, Muungu kachiweka dza atsakiyevyo mwenye.

1 Wakorint̯o 13:2

Na naweza kuwa na t̯ola ya kusumwiiya maagu ya Muungu, naweza kumanya kula kintu na kuimuka ngadzi zonse, naweza kuwa na faro ya kut̯osa kusamya mirima, ela ninkitsaawa na matsako kwa wangine, mimi si maana yaḍeyonse.

1 Wakorint̯o 14:1

Jwaniani zaid̯i kuwa na matsako na muyalache muno haya mat̯ola yeyonayawa kwa huyu Ruhu, na haswa hi t̯ola ya kusumwiiya Maagu ya Muungu.

1 Wakorint̯o 14:24

Ela kukidza muntu asiyedzahikiza ambu muntu jwa kawaiḍa akiona kula muntu kakusumwiiyani maagu ya Muungu, haya adzeyosikia yanamumpa kudzihambuya nabviseze na anadzisikia kuhukumika.

1 Wakorint̯o 14:29

Hawa wa kusumwiiya maagu ya Muungu, nakusumwiiye wawii ambu wahahu huku hawa wangine wakiyapima haya weyokunenani.

1 Wakorint̯o 3:5

Hivi ami na aḍe Apolo munamba hu aḍe ga? Swiswi hu wahumisi t̯u wa Muungu humuhendezeyeo mukihikiza. Kula mumodza jwehu kakuhendani hi kazi ya Ḅwana amumpiyeyo.

1 Wakorint̯o 7:7

Nindetsaka kula muntu akae dza hivi niivyo mimi. Ela kula muntu ana t̯ola yakwe aipfegejweyo ni Muungu. Muntu mumodza anawa na t̯ola hii, na yungine akawa na t̯ola ingine.

2 Wakorint̯o 8:12

Koro muntu eye na mojo wa kuyavya, Muungu anapfokea hichiḍe echonaweza kuyavya; si ya kwamba anamuyoweeya muntu ayavye asichokuwa nacho.

Waefeso 3:5

Hangu kae na kae hi hii ngadzi ntaikumanyigwa ni muntu. Ela sasa, Ruhu Mudheru kaiwapfenwiiya hawaḍe wantu watsanijweo byeka ni Muungu kuwa *ntumi na manabii wakwe.

Waefeso 4:11

Ndiye apfiye wantu mat̯ola ya kuwa *ntumi, wangine wawe manabii na wangine wawe wainjilisti. Wangine kawapfa mat̯ola ya kuwa wat̯ikisa na waalimu.

Wafilipi 3:15

Ndookomu hwonse hungoreyeo kiruhu hunamala kuwa na mat̯aro dzayahaya. Na ikiwa kwamba wangine wenu wana mat̯aro yangine, Muungu anayawapfenwiiya haya niyokumwambiani.

1 Watesalonike 5:20

Wala namutsebalifa vyuuwo vya unabii.

2 Pet̯ero 1:20

Na zaid̯i ya hayo yonse, natsaka muimuke kwamba ntaku yuḍejwonse eyenaweza kuyaimuka haya matsoro ya hawa manabii na akili yakwe jeje mwenye, pfasipfo kuyongojwa ni Ruhu jwa Muungu.