Warumi 12:1 - Pokomo

¹ D̯ubva wandugu zanguni, kwa dzambo ḍya hivi vya Muungu ahufwiiyevyo t̯ei, nyakumuyombani muno kwamba mudziyavye kwakwe kaḅisa kaḅisa. Dziyavyeni kwa Muungu dza mvuugiya nd̯eru iyo mojo na iyonatsakiza usoni kwakwe. Hendani hivi kwa kwamba hi ndiyo njia halisi ya kiruhu ya kumuyomba Muungu.

Warumi 12:1 ပူးပေါင်းရင်းမြစ်များ

Luka 7:47

D̯ubva nyakumwambiani, matsako makuu ya huyu muke ayangiyeo ni ushaahiḍi kwamba nabviseze ziizo nyinji kaziyatsijwa. Ela yuḍejwonse ayatsiijwe kachuchu anayanga matsako machuchu.”

Warumi 12:2

Na manyani amaale mutsekaiya kuuḅa myenendo mizuka mizuka ya huju lumwengu. Ishinu muyatseni Muungu agije kuziperuya mama zenu, na ndipfo mudzepfoihambuya miroye. Yani mudzahambuya kwamba Muungu anatsaka meshi mukikaa na kuhenda mambo mema yeyonamutsakiza na yeyo sawa usoni kwakwe.

Warumi 15:16

kanimpa hi hii kazi ya kuwa muhumisi jwa Kirist̯o Yesu, kuwahumikia wantu wasikwaa Wayahud̯i. Nami nikwakusumwiiyani haya *Maagu Mema ya Muungu, nawa kwamba nyakuhendani kazi ya kikohani. Nahenda hivi ili wantu wa vyeet̯i vingine nao wakuḅalike usoni kwa Muungu, dza hiviḍe vya Muungu evyonakuḅali mvuugiya ya kutsomwa iyonayavigwa ni *mukohani. Na Muungu anawapfa Ruhu Mudheru jwa kukaa kuzimuni mwao na kuwadheresa.

Warumi 15:30

Wandugu zanguni, nyakumuyombani muno kwa sari ḍya Ḅwana jwehu Yesu Kirist̯o, kwamba munigijiije na mayombo muno. Hendani hivi kwa dzambo ḍya haya matsako mwiyonayo kwangu, muyapfegejweyo ni huyu Ruhu Mudheru.

Warumi 2:4

Ambu kwakumubalifani Muungu kwa dzambo ḍya kwamba jeje ni munanso muno kwako? Yani kwakuonani kwamba jeje si muharaka jwa kukuadhiḅu na kakukuit̯isiani! Munamba nkwaona hat̯a kwamba hu huu wemawe wonse eokukuhendeani, kakukupfani namfasi nangere ili upate kupfyehuza mama?

Warumi 6:13

Namutseziyatsa sehemu ziḍezonse za mii yenu ziihumikie nabvise kwa kuhenda mazuka. Ishinu dziyavyeni kwa Muungu koro muyawa kufwani na sasa mumapfegwa maisha mapfya. Kula kiiriiri cha mii yenu nakihumike kwa kazi nyema ya Muungu.

Warumi 6:16

Dzaambia ntamukumanya kwamba mukidziyavya kumut̯ii muntu, ḅasi mu wahumwa wa huyo huyo muntu? Munaweza kutsana kuit̯ii nabvise na mwisowe munjie kufwani, ambu munaweza kutsana kumut̯ii Muungu na muwe wantu wa kuhenda yeyo ya hachi usoni kwakwe.

Warumi 6:19

Nyakumumpani mufaano wa wahumwa na maḅwana zao nangere, kwa dzambo ḍya udhaifu wenu wa kibenaad̯amu. Kae mwiiwa mudziyavya kuwa wahumwa wa mambo machafu na mwikihenda kula aina ya mazuka. Ela sasa dziyavyeni kuwa wahumwa wa kuhenda mambo yeyo ya hachi, ili mugije kuwa wantu wa Muungu ḍugha.

Warumi 9:23

Na pia ekitsaka kuhuyanga swiswi ahufwiiyeo t̯ei, namuna aivyo mut̯ei. Ekitsaka kuhuyanga uwezowe kwa dzambo ḍya kwamba swiswi ndiswi ahutsaniyeo huwe dza hiviḍe aivyo.

1 Wakorint̯o 1:10

Wandugu zanguni, nyakumuyombani kwa sari ḍya Ḅwana jwehu Yesu Kirist̯o musikiane, ili kutseewa migawikano kahi yenu. Wani kintu kimodza mat̯aroni na kuhendani kwenu.

2 Wakorint̯o 10:1

Wangine wenu wanakwamba, mimi nipfonawa pfamodza nanywi ni mupfoozi mupfoozi, ela nipfonawa kuye nanywi nahenda mukali. Ela mimi Paulo, nyakunenani nanywi na umpowe na wema dza huḍe wa *Kirist̯o eokuwa nao.

2 Wakorint̯o 4:1

Muungu kahupfa hu huu uhumisi kwa t̯eiye, ndookomu naswi ntahufwe mojo kuuhenda.

2 Wakorint̯o 4:16

Kwa hivyo swiswi ntahufwe mojo. Hat̯a ingawa mii yehu yakusiani mpompowe mpompowe, ela untu wehu wa kiruhu wakumbakwani upfya nsiku ḅaad̯a ya nsiku.

2 Wakorint̯o 5:20

D̯ubva swiswi hu maḅalozi wa Kirist̯o, na Muungu mwenye kakuhutumiani swiswi kunena nanywi. Kwa sari ḍya Kirist̯o, hwakumuyombani mumuyatse Muungu amuhendeze muwe waḅamuzwe kawii.

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

Waefeso 4:1

D̯ubva mimi niye mufungwa kwa dzambo ḍya kumuhumikia Ḅwana, nyakumuyombani muishi maisha ya kuyanga kwamba mu wantu wa Muungu ahaniyeo ḍugha!

Waefeso 5:10

Ḍemani kulacha hikiḍe chichonamutsakiza Ḅwana na mukihende.

Wafilipi 1:20

Hamu yangu nkuu na madzikwat̯yo yangu ni kwamba nitsehenda kiḍechonse cha kunigiza yutswa. Ela meshi natsaka kumuhumikia Kirist̯o pfasipfo oga uḍewonse dza nivyonikihenda iiḍe. Na natsaka kwamba nikikaa mojo ambu nikifwa, mimi nimukuzye Kirist̯o na haya mahendo yangu.

Wafilipi 2:17

Hat̯a ikiwa kwamba mimi ni kuyavigwa dza sehemu ya hi mvuugiya mwiyokumuyavizani Muungu kwa dzambo ḍya serefano yenu kwakwe, mimi nya t̯ayari na natsaika pfamodza nanywi nyonse.

Wafilipi 4:18

Nisakupfokea ugijo mwema muno kuyawa kwenu, ndookomu sasa nina vinji kuchia hivi nivyonatsaka. Si t̯uri kawii kwa dzambo hizi nt̯unu mumumpiyezo Epafurodito aniyeheye nisakuzipfokea. Hachi zinatsakiza dza harufu nyema ya mvuugiya ya kutsomwa iyonayavigwa kwa Muungu, ikamutsakiza nae akaikuḅali.

1 Watesalonike 4:1

D̯ubva wandugu zangu, zaid̯i ya yonse, hwakumuyombani na kumuriria kwa sari ḍya Ḅwana jwehu Yesu, muishi maisha ya kumutsakiza Muungu dza humuyongweezeyevyo. Gula humanya ya kwamba ndivyo mwivyokuishini, ela hunatsaka mumutsakize Muungu zaid̯i na zaid̯i.

1 Watesalonike 4:10

Gula muwatsaka wahikiza wenzenu wonse weo ḍyimbo ḍya Makedonia, ela hwakumuyombani nywinywi wandugu zehu, muwatsake wenzenu zaid̯i na zaid̯i.

1 Watesalonike 5:12

Wandugu, hwakumuyombani muwahile hawaḍe weonahenda kazi na hiḍu kahi yenu, weonamusumamia dza wayongozi humu matsanganikoni na kumukanya mutseegwa nabviseni.

1 Timoteo 2:3

Hivi ni urembo, na vinamutsakiza Muungu mupfonya jwehu,

1 Timoteo 5:4

Ela ikiwa kwamba muke muchiwa ana wana ambu wadzukuu, wao ni had̯i nguzi wadziyongweeze kuit̯unza hi nyumba yao kwa kumushooga Muungu. Na kwe hi namuna wanawagalichia ḍuḍa wavyazi wao na wabibi zao, koro ndivyo vya Muungu evyonatsaka.

Filemoni 1:10

Nyakumuyombeani Onesimo kwako, eye mwanangu jwa kiruhu. Koro hivi hivi niivyo gerenzani nimusumwiiya nae kagala muhikiza.

Filemoni 1:9

Ela kwa dzambo ḍya hivi hutsakananiyevyo, niona kwamba heri nikuyombe kuliko kukuamuru. Ndiyo maana mimi Paulo niiye jarisa, na nifungijwee gerenzani kwa dzambo ḍya Yesu, nyakukuyombani dza ḅamujo.

Waeburania 13:22

D̯ubva wandugu zangu, nyakumuyombani mutsetsoka kusikiiya hivi vyuuwo vya kungiza mojo nivyokumwambiani. Koro hi hii ḅaruwa nimworeeyo si ndeya ya kwambadze.

1 Pet̯ero 2:20

Koro kuna d̯aha ga, muntu akibigwa kwa dzambo ḍya tsowa ahendeeḍyo ḍugha kisa akait̯isa? Ikiwa kwamba muntu kakunta d̯ina kwa dzambo ḍya kuhenda mema, na kait̯isa, Muungu anatsakizwa nae.

1 Pet̯ero 2:5

Nanywi wani dza mawe ya maana ya kumbakia Hekalu ya kiruhu, ili muwe wakohani wa kuyavya mvuugiya za kiruhu, zizonakuḅaligwa ni Muungu kuchiiya na kwa Yesu Kirist̯o.