Warumi 11:17 - Pokomo

¹⁷ Nywinywi wantu wa vyeet̯i vingine mwaa dza mahambi ya muzeituni wa bad̯ani yakomezejweyo kwa muzeituni wa nkondeni. Muhwaa pfantu pfa hayaḍe mahambi yakentejweyo. Haya mahambi yanagija na yanaḍabva kunuha madzi kuyawa kwa hiḍi sina, na yakakuya ureembo. D̯ubva hu muzeituni na mahambiye niyokunenani, ni mufaano wa Iburahimu na kivyazi chakwe. Wayahud̯i wangine Muungu kawadziza kwa kutsaawa na faro, na kamutsana nywinywi wantu wa vyeet̯i dza wantuwe. Sasa hayaḍe mema yonse ya Muungu amuahid̯iiyeyo Iburahimu, nanywi pia mwakuyapatani.

Warumi 11:17 ပူးပေါင်းရင်းမြစ်များ

Matayo 21:43

Yesu kagija kunena kamba, “Ndookomu nichokunenani ni kwamba, mvoni za Uhaju wa Muungu munazipfokwa na zinapfegwa wantu wangine wadzeoweza kumuvyaiya Muungu matunda ya kiruhu.

Yohana 15:1

Yesu kagija kunena na wanafund̯iwe kawamba, “Mimi ndimi muzabibu wa ḍugha, na Baba ndiye mwenye hi nkonde.

Yohana 15:2

Kula hambi ḍya hu muzabibu ḍisiḍyovyaa matunda, anaḍikenta. Ela kula hambi ḍiḍyonavyaa matunda, anaḍipfeeya ili ḍipate kuvyaa matunda zaid̯i.

Yohana 15:6

Yuḍejwonse asiyekaa kuzimuni mwangu, huyo anawa dza hambi ḍisiḍyovyaa. Na mahambi dzayo yanafat̯ulwa yakanyuuka kisa yanaundukizwa na yakatsomwa.

Mahendo 2:39

Koro ahad̯i ya Muungu iwa iwekwa kwenu na kwa vivyazi vyenu, na kwa wonse weo kuye, na kwa wonse wa Ḅwana Muungu jwehu ahaniyeo kwakwe.”

Warumi 11:24

Nywinywi musiokuwa Waisiraeli mwaa dza mahambi ya muzeituni wa bad̯ani yakomezejweyo kwa sina ḍya muzeituni wa kiyad̯a. Na hiḍi si dzambo ḍya kawaiḍa. Hawa Waisiraeli waa dza mahambi ya muzeituni wa kiyad̯a. Ndookomu ni rahisi muno kwa Muungu kuwakuḅali Waisiraeli dza wantuwe kawii, koro ndiwo haya mahambi ya hu muzeituni wa kiyad̯a yakentejweyo.

Wagalatia 2:15

Ni ḍugha, swiswi huvyajwa Wayahud̯i, na ntahukwaa hawa wantu wa vyeet̯i hwiwonawahwaa kuwa wanabvise.

Waefeso 3:6

Hi ngadzi ni hi ya kwamba, kuchiiya na kwa kuyahikiza haya *Maagu Mema, wantu wa vyeet̯i nao pia wanazipfokea hizi mvoni za Muungu ezonawaḍalisa wanawe. Kuchiiya na kwa Kirist̯o Yesu, wonse wagala dza viiriiri vya mwii mumodza, na wanazipfokea hizi mvoni za Muungu aahid̯iyezo.

Wakolosai 2:13

Nywinywi mwiiwa dza wantu mufwiyeo kwa dzambo ḍya kuishi maisha ya nabvise na kwa dzambo mwikit̯awaligwa ni t̯amaa zenu nzuka nzuka mwizokuwa nazo. Ela sasa, Muungu kamufufuya kamumpa maisha mapfya pfamodza na Kirist̯o. Jeje kahuyatsia nabvise zehu zonse.

Upfenuo wa Yohana 11:4

Na hawa mashaahiḍi wowii ni hi mihi myowii ya mizeituni na hi mihi myowii ya kupfatsikia tsaa, isumamiyeo usoni kwa Ḅwana jwa lumwengu yuzima.