Warumi 10:19 - Pokomo

¹⁹ Ela awa Wayahud̯i waimuka kintu? Gula ikiwa kwamba ni kuimuka waimuka kaḅisa! Koro cha d̯ura ni kwamba, Muungu kanena kuchiiya na kwa nabii Musa kamba, “Namuhendeza munawafwia ḍea wantu wa kyeet̯i chingine. Wantu wa kyeet̯i musichokihwaa dza kyeet̯i cha ḍugha. Namuhendeza munakirejea kyeet̯i cha wantu wangine mwichonakihana kyeet̯i cha maḍyura.”

Warumi 10:19 ပူးပေါင်းရင်းမြစ်များ

Warumi 10:18

Ehe awa Wayahud̯i, munamba ntawadzayasikia hat̯a aya maagu? Gula kuyasikia wayasikia kaḅisa. Dza vya matsoro yambiyevyo: “Madzwi ya hawa wahumijweo kwendasumwiiya haya maagu, yasikijwa lumwengu yuzima. Na hivi vyuuwo vyao waneneyevyo, visikijwa hat̯a mwiso wa lumwengu.”

Warumi 11:11

D̯ubva natsaka kumuuza bve, mwakut̯arani kwamba avi vya awa Waisiraeli wagwiyevyo nabviseni, ntawakwaa kupfonyegwa kawii hat̯a? Moro sivyo hat̯a! Wao wamutsowea Muungu. Na kwa dzambo ḍya hivi wamutsoweeyevyo, Muungu kawapfa mupfonyo wantu wa vyeet̯i vingine. Kahenda hivi nangere ili kwamba Waisiraeli waone wivu ili nao wamulache Muungu kawii wapate kupfonyegwa.

Warumi 11:14

Koro natsaka hawa Waisiraeli wenzangu wamuoneye wivu kwa hivi vya Muungu evyokumuhendeani nywinywi, ili wangine wao, nao waweze kupata mupfonyo kuchiiya na kwa hi kazi niyokuhendani.

Warumi 3:26

Na kwehii ngera ya yeo, Muungu kayanga wazi tswee kwamba jeje ni muhachi. Na hawaḍe wanabvise wamuhikiziyeo Yesu, jeje anawahwaa kuwa wahachi usoni kwakwe.

1 Wakorint̯o 1:12

Nichokunenani ni kwamba, wangine wenu wanakwamba mbwa Paulo, wangine wanakwamba mbwa Apolo, wangine wanakwamba mbwa Pet̯ero, na wangine wanakwamba mbwa Kirist̯o!

1 Wakorint̯o 10:19

Nichokunenani ni kintu ga? Munamba nyakunenani kwamba masanamu ni miungu ya ḍugha? Ambu, avi vyakuḍya viyavijwevyo mvuugiya kwa masanamu, ni mvuugiya ya ḍugha?

1 Wakorint̯o 11:22

Munamba ntamu makwenu kwa kwamba munaḍya na kunwa hat̯a? Ambu munatsaka kuḍibalifa hiḍi tsanganiko ḍya Muungu na muwagize yutswa hawa wasio kintu? Kisa nami nimwambedze, nimufaarise? Hat̯a, siwezi kumufaarisa kaḅisa!

1 Wakorint̯o 12:2

Mumanya ya kwamba mwipfokuwa walumwengu mwikit̯awaligwa ni miungu ifwiyeyo iyoikimwaarya kut̯wa.

1 Wakorint̯o 15:50

Wandugu, nichokunenani ni kwamba, kiumbijwecho na mwazi na nyama ntakiwezi kuunjia uhaju wa Muungu, na chichonafwa ntakiwezi kuwa na hali ya kutsaafwa.

1 Wakorint̯o 7:29

Nichokunenani, wandugu, ni kwamba, hu muḍa usaiyeo ni mufufi. Na hangu hi hii saasambi, hawaḍe wahwaiyeo nawaishi dza kwamba ntawadzahwaa.

Tito 3:3

Koro swiswi wenye d̯ura hwiiwa wantu maḍyura, husiwomut̯ii Muungu na hwaariyeo. Hwiiwa wahumwa wa t̯amaa zehu za kudzitsekeza na wahumwa wa kula aina ya raha. Maisha yehu yonse yasiiya mazukani na kufwiyanani ḍea; wantu wehukeva naswi hwiiwakeva.

1 Pet̯ero 2:10

Kae ntamwiiwa wantu wa Muungu, ela sasa mumaawa wantu wa Muungu. Kae ntamwiimanya t̯ei ya Muungu, kenge sasa mumapata t̯eiye.