Warumi 10:16 - Pokomo

¹⁶ Ela si kula muntu kwamba kayahikiza haya Maagu Mema. Koro nabii Isaya kamba, “Ḅwana, ae ni ga ayahikiziye aya maagu husumwiiyeyo?”

Warumi 10:16 ပူးပေါင်းရင်းမြစ်များ

Matayo 13:14

Ndookomu huḍe unabii wa Isaya unat̯imia kwao. Koro vyoregwa kwamba, ‘Munapfindiiya na kupfindiiya, ela ntamut̯oimuka kintu. Munachimiza na kuchimiza, ela ntamut̯oona kintu.

Yohana 10:26

Ela nywinywi mwakudzizani kunihikiza kwa kwamba ntamukwaa mbuzi za mwona wangu.

Mahendo 28:24

Wangine wao wahikiza hivi vyuuwovye, ela wangine ntawakuhikiza.

Warumi 1:5

Kuchiiya na kwa Yesu, Muungu kanivodhya niwe ntumi jwakwe, ili kwa dzambo ḍyakwe niwahendeze wantu wonse wasiokuwa Wayahud̯i wamuhikize na kumut̯ii jeje.

Warumi 11:17

Nywinywi wantu wa vyeet̯i vingine mwaa dza mahambi ya muzeituni wa bad̯ani yakomezejweyo kwa muzeituni wa nkondeni. Muhwaa pfantu pfa hayaḍe mahambi yakentejweyo. Haya mahambi yanagija na yanaḍabva kunuha madzi kuyawa kwa hiḍi sina, na yakakuya ureembo. D̯ubva hu muzeituni na mahambiye niyokunenani, ni mufaano wa Iburahimu na kivyazi chakwe. Wayahud̯i wangine Muungu kawadziza kwa kutsaawa na faro, na kamutsana nywinywi wantu wa vyeet̯i dza wantuwe. Sasa hayaḍe mema yonse ya Muungu amuahid̯iiyeyo Iburahimu, nanywi pia mwakuyapatani.

Warumi 16:26

Dza vya matsoro ya manabii yat̯aḅiriyevyo hangu kae na kae, sasa haya haya maagu yapfenujwa ili kula mumodza aweze kuyasikia na kuyaimuka. Huyu Muungu eyenaishi maishi na maishi, kahuamuru swiswi ntumi wakwe huyawasumwiiye wantu wa vyeet̯i vyonse, ili kula muntu aweze kumuhikiza na kumut̯ii Yesu Kirist̯o.

Warumi 2:8

Ela hawaḍe weo na umimi, weonayatsa haya mambo ya hachi wakauḅa mazuka, ngoro ya Muungu idzawasukia.

Warumi 3:3

Gula ni ḍugha kwamba wangine wao ntaweewa wahikizika kwa Muungu le. Ela hivyo hivyo ni kunena kwamba nae Muungu anavunza ahad̯i zakwe?

Warumi 6:17

Hat̯a vivyo namuyaviza ḍuḍa Muungu, koro kae mwiiwa wahumwa wa nabvise, makisa mudzamuyat̯ii na mojo mumodza haya mayongweezo ya hachi muyongweezejweyo.

Wagalatia 3:1

Kut̯i nywinywi Wagalatia mwakuhendekani dza maḍyura? Munamba azi akili zenu ziyogwa? Na hali niimusumwiiya wazi wazi tswee namuna ya Yesu *Kirist̯o afwiyevyo muhini mwa mpatsa kwa dzambo ḍyenu.

Wagalatia 5:7

Dzaambia mwikyenda ureembo! Ayu adziyeakimunjia na kahi akimuhendeza muiyatse hi njia ya hachi ni ga?

2 Watesalonike 1:8

wakiwa waringwa ni maḅiliḅili ya moho. Kadzawahukumu hawaḍe wonse wasiomumanya Muungu na weonayadziza haya *Maagu Mema ya Ḅwana jwehu Yesu.

Waeburania 11:8

Kwa kwamba Iburahimu ewa kamuserefat̯a Muungu, Muungu epfomwamba anuke na kwao ende hiḍe nsi aahid̯iyeyo kuimumpa, Iburahimu kat̯ii na kenda, hat̯a ingawa ewa nkaidzi hiḍe nsi.

Waeburania 4:2

Swiswi huyasikia haya *Maagu Mema yasumwiijweyo kwehu, dza viviḍe vya hawa weokuwa hukuḍe yuwandani wayasikiiyevyo. Ela wao, haya Maagu Mema ntayakuwafaiḍi kintu, kwa kwamba ntawakuyahikiza.

Waeburania 5:9

Na epfoit̯imiza hi kaziye kawa ndiye muntu jwa kuwapfonya maishi hawaḍe wantu wonse weonamut̯ii jeje.

1 Pet̯ero 1:22

Na sasa, kwa dzambo muit̯ii hi hachi, mudhereswa kuyawana na nabvise zenu, na muwatsaka na mojo hawa wahikiza wenzenu. D̯ubva tsakanani na mojo ḍugha,

1 Pet̯ero 2:8

Na kawii yamba, “Ni iwe ḍiḍyonahendeza wantu wakolasike wagwe.” Wanakolasika, koro ntawat̯ii chuuwo cha Muungu, ndookomu Muungu kawapangia kwamba wakolasike na kugwa dzevihivi.

1 Pet̯ero 3:1

Dza vivyo, nywinywi wake, ni had̯i mudziweke nsii ya mamulaka ya wayume wenu, hat̯a ikiwa kwamba wangine wao si wahikiza wa chuuwo cha Muungu. Koro wakiona namuna mwiivyo kukaani nao na hila na kuwahendea mahendo mema, wananuhika kuwa wahikiza, hat̯a pfasipfo nywinywi kuwambukuya chuuwo.