Warumi 1:28 - Pokomo

²⁸ Kwa kwamba wadziza kumuhambuya Muungu, nae Muungu kawayatsa wakidzit̯aria haya mat̯aro yao mazuka mazuka, ili kwamba wakidzihendea ḅasi haya mambo wasiyomala kuyahenda.

Warumi 1:28 ပူးပေါင်းရင်းမြစ်များ

Mahendo 17:23

Koro nipfonikyenenda nomu mudzini mwenu ninkiyowa huku kuntu mwikonayomba, niona na *madhabahu yorejweyo hivi vyuuwo hivi: ‘Kwa Muungu Asimanyikana.’ D̯ubva huyu mwiyenamuyomba pfasipfo kumumanya, ndiye huyu Muungu niyekumusumwiiyani.

Mahendo 17:32

Wepfomusikia Paulo akihadza mambo ya kufufuka kwa wafu, wangine wamubaladhaiya, ela wangine wao wamba, “Hunatsaka uhusumwiiye haya mambo kawii.”

Warumi 1:18

Muungu kakuhuyangani wazi tswee kwamba karejeswa ni haya mazuka na nabvise zonse za wanaad̯amu wezonahenda. Kakuhuyangani kwamba anawahukumu na hukuḍe mbinguni aiko, koro kwa haya mazuka yao weyonahenda, wanaikaiya machingama hi hachi itsemanyikana.

Warumi 1:21

Koro ingawa wamanya kwamba kuna Muungu, ntawakae na kumuhila dza evyonamala kuhilwa, na wala ntawakae na kumuyaviza ḍuḍa. Ishinu wagala kut̯ara mambo ya upuudhi muhupfu, na ntawaimuke kintu koro akili zao ziwanjia kiza.

Warumi 1:24

Ndookomu Muungu kawayatsa nangere wadzihendeye haya mambo yao machafu weyonadzisikia kuhenda. Nao wanakaa na kuhendeana mambo machafu wao na wao.

Warumi 1:26

Kwa dzambo ḍyevihivi, Muungu kawayatsa wauḅe hizi t̯amaa zao nzuka nzuka za kimwii. Wake wangine wakuyaani na wake wenzao na hali Muungu nkakuumba kwamba vihendeke dzevyohivyo.

1 Wakorint̯o 15:34

Dziujeni na nyuma na muyatse kuhenda nabvise. Wangine wenu ntawamudzi Muungu, nami nyakuvimwambiani koro vyaa yutswa.

2 Wakorint̯o 10:5

na kunuya kula d̯angara ya kuwavingira wantu kutsamumanya Muungu, iyonawekwa ni wantu weonadziona. Na mama za wantu hunaziheka na kuzihendeza zimut̯ii Kirist̯o.

Waefeso 5:4

Na wala ni kutsaawa na vyuuwo vichafu vichafu ambu visivyo maana na maḍasa mazuka mazuka. Ishinu ni muwe wantu wa kumuyaviza ḍuḍa Muungu kwa haya eyokumuhendeani.

2 Watesalonike 1:8

wakiwa waringwa ni maḅiliḅili ya moho. Kadzawahukumu hawaḍe wonse wasiomumanya Muungu na weonayadziza haya *Maagu Mema ya Ḅwana jwehu Yesu.

2 Timoteo 3:8

Dza hiviḍe vya Yenesi na Yambure wamupfingiyevyo Musa, ndivyo vya hawa wantu wevyokuipfingani hi hachi. Hawa ni wantu weo na akili zifwiyezo na wasiomuhikiza *Kirist̯o ḍugha.

Tito 1:16

Wanakwamba wamumanya Muungu na huku mahendo yao yanayanga ya kwamba ntawamudzi. Hawa ni wantu wa Muungu at̯ukiiyeo, wasiomut̯ii na wala wasioweza kuhenda dzambo dzema ḍiḍeḍyonse.

Filemoni 1:8

Ndookomu kwa dzambo ḍya kwamba hwonse hu ndugu humuhikiziyeo Kirist̯o, sikwakushoogani kukuamuru kwamba uhende hiviḍe wivyonamala kuhenda.

2 Pet̯ero 3:5

Ela wanadziareresa nangere kwamba, kae Muungu kanena chuuwo t̯u, na mbingu ziumbika. Na pia kajuumba huju lumwengu kuyawana na madzi.