Warumi 1:21 - Pokomo

²¹ Koro ingawa wamanya kwamba kuna Muungu, ntawakae na kumuhila dza evyonamala kuhilwa, na wala ntawakae na kumuyaviza ḍuḍa. Ishinu wagala kut̯ara mambo ya upuudhi muhupfu, na ntawaimuke kintu koro akili zao ziwanjia kiza.

Warumi 1:21 ပူးပေါင်းရင်းမြစ်များ

Yohana 3:19

Hi hukumu yao idza na kwamba: Hu muyanga udza lumwenguni, ela wantu watsaka kiza kuliko muyanga, kwa dzambo ḍya kwamba mahendo yao ni mazuka.

Mahendo 26:18

Ni uwapfenuye matso yao na uwaperuye kuyawa kizani wauje muyangani, na wayawe ut̯awalani mwa Shaat̯ani wamuujie Muungu. Ili kwamba, kwa dzambo wanihikiza, Muungu anawayatsia nabvise zao na wadzakaa kuntu kwao kahi ya watsanwa wa Muungu.’

Warumi 1:19

Si ya kwamba at̯i ntawadzi kiḍechonse kuhusu Muungu hat̯a. Koro haya mambo ya kwamba wayamanye dzuuye, Muungu kesakuyawapfenwiiya wazi tswee.

Warumi 1:28

Kwa kwamba wadziza kumuhambuya Muungu, nae Muungu kawayatsa wakidzit̯aria haya mat̯aro yao mazuka mazuka, ili kwamba wakidzihendea ḅasi haya mambo wasiyomala kuyahenda.

Warumi 11:10

Silani matso yao yanjie kiza cha go, watseweza kuona kintu. Myongo yao naiwakutsike kwa dzambo ḍya kutsukuya vimbogo vya mad̯ina kula nsiku.”

Warumi 15:9

Na pia kadza ili kwamba wantu wa vyeet̯i vingine waweze kumushad̯a Muungu kwa dzambo ḍya t̯eiye. Koro haya matsoro yamba, “D̯ubva nakushad̯a wewe nikiwa kahi ya wantu wa vyeet̯i vingine, na nakwimbia meya ya kuḍikuzya sariḍyo.”

2 Timoteo 3:2

Wantu wadzawa na umimi, uhamile, kudziona na uchikodzo. Wadzawa wantu wa vitsolo, wasiowasikia wavyazi wao, wasio ḍuḍa, na kuwa wanabvise wasio ḍini.

1 Pet̯ero 1:18

Mumanya kwamba muipfijwa rando mupate kuwa huru kuyawana na haya mambo yasiyo maana muyaḍaliyeyo kuyawa kwa wabibi zenu. Ntamukugujwa na vija vivyonanangika dza fwedha ambu dhahaḅu,

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.

Upfenuo wa Yohana 14:7

Kalalabva na idzwi kuu kamba, “Mushad̯eni Muungu na kumumpa hila, koro ngeraye ya kuyavya hukumu imaafika! Muvunziyeni nkuhi jeje Muungu aziumbiye mbingu na nsi, ḅahari na kula pfepfo na madzi!”

Upfenuo wa Yohana 15:4

E Ḅwana, jwa kutsakushooga wewe ni ga? Ambu ni ga jwa kutsaḍikuzya sariḍyo? Wewe ndiwe Mudheru wewe heket̯u. Kwa kwamba haya mahendoyo ya hachi yanaonekana wazi tswee, vyeet̯i vyonse vinakuvunzia nkuhi.”