Warumi 1:18 - Pokomo

¹⁸ Muungu kakuhuyangani wazi tswee kwamba karejeswa ni haya mazuka na nabvise zonse za wanaad̯amu wezonahenda. Kakuhuyangani kwamba anawahukumu na hukuḍe mbinguni aiko, koro kwa haya mazuka yao weyonahenda, wanaikaiya machingama hi hachi itsemanyikana.

Warumi 1:18 ပူးပေါင်းရင်းမြစ်များ

Warumi 1:19

Si ya kwamba at̯i ntawadzi kiḍechonse kuhusu Muungu hat̯a. Koro haya mambo ya kwamba wayamanye dzuuye, Muungu kesakuyawapfenwiiya wazi tswee.

Warumi 1:28

Kwa kwamba wadziza kumuhambuya Muungu, nae Muungu kawayatsa wakidzit̯aria haya mat̯aro yao mazuka mazuka, ili kwamba wakidzihendea ḅasi haya mambo wasiyomala kuyahenda.

Warumi 1:32

Hawa hawa wantu wamanya tswee kwamba, wantu weonahenda mambo mazuka mazuka dzayo, Muungu anawahukumu kufwa. Ela wao ntaviwamud̯e! Wanagija kuhenda mazuka nangere na kuwangiza mojo na wangine wagije kuhenda mazuka.

Warumi 2:3

Wewe ukwakuwanenani kwamba hawaḍe weonahenda mambo dzayo wanamala kuhukumigwa, na hali nawe pia kwakuyahendani, unat̯ara kwamba e hukumu ya Muungu inakusaza?

Warumi 3:9

D̯ubva hwambedze? Hwambe swiswi Wayahud̯i huna maana kuchia wantu wa vyeet̯i vingine? Moro sivyo kaḅisa! Koro nimaanena hangu hapfo kad̯ura kwamba, Wayahud̯i na wantu wa vyeet̯i vingine, wonse wakut̯awaligwani ni nabvise.

Warumi 4:15

Hi Sharia inawahendeza hawaḍe weonaivunza wakaadhiḅigwa. Ela ikiwa kwamba ntaku sharia, ḅasi ntakuwe na muntu jwa kuadhiḅigwa kwa tsowa ḍya kuvunza sharia.

Warumi 5:6

Koro hwipfokuwa amaale ntahudziwezi hat̯a kachuchu, Kirist̯o kadza na wakati mwema ḍa, na kafwa kwa dzambo ḍyehu hwonse hwiwo wanabvise.

Warumi 5:9

Kwa kwamba Kirist̯o kamahuhendeza kuwa wahachi usoni kwa Muungu kuchiiya na kwa kifoche, ḅasi pia huna uhakika kwamba anahupfonya kuyawana ne hukumu ya Muungu idzeyokudza.

Warumi 6:13

Namutseziyatsa sehemu ziḍezonse za mii yenu ziihumikie nabvise kwa kuhenda mazuka. Ishinu dziyavyeni kwa Muungu koro muyawa kufwani na sasa mumapfegwa maisha mapfya. Kula kiiriiri cha mii yenu nakihumike kwa kazi nyema ya Muungu.

Waefeso 5:6

D̯ubva muntu natsemuḍyuurisa na nsuwe, koro Muungu kadzawahukumu hawaḍe wonse wasiomut̯ii wakakaiya kuhenda mambo mazuka mazuka dzayahaya.

Wakolosai 3:6

Wantu weonahenda mambo dza haya, Muungu kadzawahukumu vyumuni.

2 Watesalonike 2:10

Anakudza na kula aina ya makulekule, awakulekule hawaḍe weokwaarani wadzeohukumigwa. Wakwaarani kwa dzambo ḍya kwamba waidziza hi hachi ya kwamba indeweza kuwapfonya.

2 Watesalonike 2:6

Na pia, mumanya chichokumuvingirani huyu muntu muzuka eyenamupfinga Muungu atset̯upuka hi hii saasambi. Jeje ngeraye ikifika, Muungu anamuyanganya.