Wakolosai 4:3 - Pokomo

³ Ikaani mukihuyombeya naswi, ili Muungu apate kuhufungwiiya njia ya kuisumwiiya wantu hi ngadzi dzuu ya *Kirist̯o. Koro mimi nya gerenzani kwa dzambo ḍya kusumwiiya haya haya maagu dzuu ya Kirist̯o.

Wakolosai 4:3 ပူးပေါင်းရင်းမြစ်များ

Matayo 13:11

Yesu kawambukuya kawamba, “Nywinywi muḍyaalijwa kuimanya siri ya Uhaju wa Mbinguni, ela wangine ntawakuḍyaalijwa.

Mahendo 14:27

Wepfofika Antiokia, waḍit̯ut̯aisa tsanganiko ḍyonse pfamodza, na wawasumwiiya hawa wantu hayaḍe yonse ya Muungu ahendeyeyo pfamodza nao, na namuna awapfiyevyo namfasi wantu wa vyeet̯i vingine kuwa wahikiza.

Warumi 16:25

D̯ubva hwonse nahumushad̯eni Muungu! Jeje ndiye eyenaweza kuikumiiza hi faro yenu mwiyonayo kwa Kirist̯o. Haya *Maagu Mema dzuu ya Yesu Kirist̯o niyonakaa na kusumwiiya, ndiyo yeyonamumpa kukumiiya faro zenu. Kae haya haya yewa yafitswa dza ngadzi kwa myaka na myaka, ela sasa yayavigwa wekeani tswee.

1 Wakorint̯o 16:9

Hapfa nina namfasi nyema muno ya kuhenda kazi ya maana, hat̯a ingawa wapinzani wangu nao ni wenji.

1 Wakorint̯o 4:1

Swiswi huhwaeni dza wahumisi wa *Kirist̯o hwiwo na kazi ya kusumwiiya hizi ngadzi za hachi ya Muungu.

2 Wakorint̯o 2:12

Nipfokwenda Tiroa kusumwiiya *Maagu Mema dzuu ya Kirist̯o, Ḅwana kanifungwiiya njia ya kuhenda kazi hukuhukuḍe.

Waefeso 3:1

Mimi Paulo nifungwa gerenzani kwa dzambo ḍya kuhenda kazi ya *Kirist̯o Yesu animpiyeyo, ya kumusumwiiya nywinywi musiokuwa Wayahud̯i.

Waefeso 3:3

Muungu kainipfenwiiya hi ngadziye iyofitsika kwa wantu. Nami nisakumworea kwa uchuchu dzuu ya hi hii ngadzi.

Waefeso 3:4

Na mukisoma hivi nyoreyevyo, munaona kwamba niimuka hi ngadzi ya Muungu, ambayo kwamba ni dzuu ya Kirist̯o.

Waefeso 3:9

Nipfegwa kuwaimusya wantu wonse dzuu ya hi hii ngadzi ya Muungu aumbiye kula kintu. Hi ni ngadzi eyoiwafitsa wantu hangu myaka na myaka ichiiyeyo.

Waefeso 4:1

D̯ubva mimi niye mufungwa kwa dzambo ḍya kumuhumikia Ḅwana, nyakumuyombani muishi maisha ya kuyanga kwamba mu wantu wa Muungu ahaniyeo ḍugha!

Wafilipi 1:19

koro nimanya kwamba kwa dzambo ḍya haya mayombo yenu na hu ugijo wa huyu Ruhu jwa Kirist̯o Yesu, nayatsigwa huru.

Wafilipi 1:7

Gula nina hachi ya kumuhwaiya dzevihivi, koro nimutsaka muno. Na hangu nipfokuwa huru kuyahehea na kuyangizia nguvu haya Maagu Mema, na hat̯a hivi hivi niivyo mufungwa, nywinywi nyonse mushirikiana pfamodza nami hizi mvoni za Muungu animpiyezo.

Wakolosai 1:26

Kwa myaka na myaka ichiiyeyo, Muungu ewa kayaweka haya haya maagu dza ngadzi. Ela sasa kayawapfenwiiya hawaḍe wonse weo wakwe wayaimuke.

Wakolosai 4:18

Mimi Paulo nyakumworeani hi hii kedhya na mukono wangu mwenye. Namutsekwaarerwa kuniyombea hivi niivyo gerenzani. T̯ei ya Muungu naiwe pfamodza nanywi. Ikaani naghea.

1 Watesalonike 5:25

Wandugu, gijani kuhuyombea naswi.

2 Timoteo 1:16

Ela Ḅwana naifwiye t̯ei nyumba ya Onesiforo, kwa dzambo ḍya kuningiza mojo kwakwe myeedha minji. Wala kuwa gerenzani kwangu, ntakukumugiza jeje yutswa.

2 Timoteo 2:9

Na kwa dzambo ḍya haya haya Maagu Mema niyonasumwiiya, nyakukuntiswani d̯ina, na ninjia hat̯a kufungwani minyoro dza kwamba niwa muhenda mazuka. Ela chuuwo cha Muungu ntakiwezi kufungwa minyoro.

2 Timoteo 4:2

Sumwiiya hichi chuuwo. Wewe gija kukisumwiiya ngera zonse, uwe wakatiwe ambu utseewa wakatiwe. Kisumwiiye kuwafunda wantu, kuwabusa na kuwangiza mojo, na wayongweeze na umpowe.

Filemoni 1:22

Natsaka uniwekeye chumba cha kudza nikae, koro nina mat̯umaini kwamba Muungu anayasikia haya mayombo yenu na ananiyatsa niuje huko kwenu si hat̯a kae.