Wakolosai 4:11 - Pokomo

¹¹ Yesu eyenahanwa Yust̯o nae pia kamukedhya nto. Kahi ya hawa wahumisi wenzangu, hawa hawa wohahu ndiwo wahikiza Wayahud̯i t̯u weokunigijiijani kuhenda kazi ya kusumwiiya dzuu ya Uhaju wa Muungu. Hawa wantu wohahu waningiza mojo muno.

Wakolosai 4:11 ပူးပေါင်းရင်းမြစ်များ

Mahendo 10:45

Hawaḍe wahikiza wa Kiyahud̯i wadziyeo pfamodza na Pet̯ero kuyawa Yopa wamaka, wepfoona kwamba hat̯a wantu wa vyeet̯i vingine nao, Muungu kawapfa t̯ola ya Ruhu Mudheru.

Mahendo 11:2

Pet̯ero epfokwenda Yerusalemi, hawaḍe wahikiza wa Kiyahud̯i wamualat̯a, wamwamba,

Warumi 16:3

Nikedhyeani Pirisila na Akwila. Huyu huyu muke na muumewe nihenda nao kazi ya kumuhumikia *Kirist̯o Yesu,

Warumi 4:12

Na pia ni baba jwa kiruhu jwa hawaḍe wonse wahinyijweo na wakimuhikiza Muungu. Si baba jwao kwa dzambo ḍya kuhinywa, ela ni baba jwao kwa dzambo ḍya kwamba wamuhikiza Muungu dza viviḍe vya baba jwehu Iburahimu amuhikiziyevyo hat̯a kaḅila nkadzahinywa.

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

Waefeso 2:11

Nywinywi musiokuwa Wayahud̯i hangu kuvyajwani kwenu, kumbukani mwivyokuwa hapfaḍe d̯ura. Hawa Wayahud̯i, weonadzihana wantu wa Muungu kwa kwamba wahinywa, nywinywi wekimuhana wantu musiwodzahinywa. Ela muntu akihinywa, anaperuka na hapfa dzuu t̯u, maanaye hiḍyo ni hendo ḍya kiwanaad̯amu.

Wafilipi 4:3

Nawe pia ndugu muhikizika, wiye muhenda kazi mwenzangu, natsaka uwasaiḍie hawa wake hawa waimukane. Koro wahenda kazi na hiḍu kunigijiija nikwakuyasumwiiyani haya Maagu Mema. Wanigijiija wao na Kilementi, na hawa wahenda kazi wenzangu wangine wonse, ambao masari yao yoregwa kuzimuni mwa Chuo cha Maisha.

Wakolosai 4:7

Nyakumuhumani Tukiko kwenu adzeamumpe maagu dzuu yangu. Jeje ni ndugu muhikizika humutsakiyee muno. Ni muhumisi mwenzehu eyekunigijiijani kuhenda kazi ya Ḅwana. Nimuhuma byeka adzeamungize mojo na amumpe maagu dzuu ya hali yehu huku huiko.

1 Watesalonike 3:7

D̯ubva wandugu, na d̯ina zehu zonse hupatiyezo na hukuntisijwezo, haya maagu huyeheejweyo ni Timoteo, kwamba amaale mugija kuhikiza, yahungiza mojo.

Tito 1:10

Koro kuna wantu wenji wapinzani na weonawakulakula wenzao na vyuuwo visivyo maana, na hawa haswa ni hawa Wakirist̯o weokuwa wantu wa ḍini ya Kiyahud̯i.

Filemoni 1:1

Mimi Paulo nifungijwee gerenzani kwa dzambo ḍya kuyasumwiiya haya *Maagu Mema dzuu ya *Kirist̯o Yesu, ndimi niyekworani hi hii ḅaruwa pfamodza na ndugu yehu Timoteo. Nyakukworeani wewe ndugu Filemoni wiye muhumisi mwenzehu hukutsakiyee muno.

Filemoni 1:24

Na hawa wahenda kazi wenzangu, aḍe Marko, Arisitako, D̯ema na Luka, nao pia wakukedhya nto.