Wakolosai 3:8 - Pokomo

⁸ Ela sasa, yatsani kula aina ya ngoro, yatsani kuhendeana mambo mazuka mazuka, yatsani vitsolo na vyuuwo vichafu vichafu.

Wakolosai 3:8 ပူးပေါင်းရင်းမြစ်များ

Matayo 5:22

Ela mimi nyakumwambiani kwamba, yuḍejwonse amurejeeye mwenziwe t̯u, nae pia ananjia hukumuni. Na yuḍejwonse amutsoleye-tsoleye mwenziwe na kumuhana muntu asiye maana, nae pia nsiku ya mwiso ka hat̯arini ya kunjia *mohoni.

Marko 7:22

uhamileni, ḍibvani, makulekuleni, ubabad̯eni, ḍeani, kuneneani wangine mazuka, kudzionani na kutsowa akili.

Warumi 13:13

Ni had̯i hukae urembo dza wantu wa Muungu weo muyangani wevyonamala kukaa. Nahutsedzingiza kwa jila nzuka nzuka za kuruma ambu kuhenda uḅari, na wala nahutsedzingiza kuhendani mambo yangine yaḍeyonse machafu. Na pia ni had̯i huyatse mambo ya nkondo na kufwiyana ḍea.

1 Wakorint̯o 3:3

Amaale mwakuishini dza wantu wa huju huju lumwengu! Koro mwipfonafwiyana ḍea na kutsowana nywinywi na nywinywi, vinayanga tswee kwamba mwakuishini dza wantu wa huju huju lumwengu, wasiomumanya Muungu.

2 Wakorint̯o 12:20

Nyakushoogeani kwamba nidzepfokudza kwenu, sikudzatsakizwa na hi hali nidzeyomut̯onga nayo, nami idzanimala kuhenda mambo yasiyomutsakiza nywinywi. Nyakushoogeani kwamba nidzamut̯onga mwakuhehani, mwakufwiyanani ḍea, mwakuwekeanani ngoro, na kuwa na umimi, pfamodza na kuwa na nyano, kamba na ambigwa, kudziona, na kuwa na kutsasikiana.

Wagalatia 5:15

Mukikaiya kuumana na kuḅaana-ḅaana dza binensa, manyani, ambu sivyo munakwisana nywinywi na nywinywi.

Wagalatia 5:20

pfamodza na kuyomba miungu ya nsuwe, tsawi, kukevana, kuheha, kuoneana wivu, ngoro, kudzikuzya na umimi, na mahendo ya kuḅaikana na kudzigijanisa vit̯aro vit̯aro,

Wagalatia 5:26

Nahutseewa wantu wa kudziona, wa kuchichibvana ambu wa kufwiyana ḍea.

Waefeso 4:22

Ndookomu haya maisha mazuka mwiyomukiishi d̯ura yayatseni. Ndiyo mala yamuwozya! Mwiiwa mwaara kwa dzambo ḍya kuuḅa t̯amaa zenu nzuka nzuka.

Waefeso 4:25

D̯ubva, mambo ya kwambiana nsuwe yayatseni. Kula muntu namwambiye mwenziwe hi ya hachi, koro hwonse hu viiriiri vya mwii mumodza.

Waefeso 4:26

Siyatse ngoro ikut̯awale uhende nabvise. Na ngoroyo naitsetswesa dzuwa.

Waefeso 4:29

Namutseewa wantu wa vyuuwo vizuka vizuka. Ishinu mwipfonat̯amuka kunena, nenani vyuuwo vya kuwambaka hawaḍe weonamusikiiya ili vipate kuwafaiḍi.

Waefeso 5:4

Na wala ni kutsaawa na vyuuwo vichafu vichafu ambu visivyo maana na maḍasa mazuka mazuka. Ishinu ni muwe wantu wa kumuyaviza ḍuḍa Muungu kwa haya eyokumuhendeani.

Wakolosai 3:5

D̯ubva yatsani t̯amaa zenu na mahendo yenu mazuka mazuka mwiyokuwa nayo. Yatsani mambo ya uḅari, mambo machafu machafu, na t̯amaa nzuka nzuka zonse za kimwii na muyatse kumiiya mahe vya wantu. Koro kuwa muntu jwa kumiiya mahe vya wantu ni sawa na kuwa muntu jwa kuyomba miungu ya nsuwe.

Wakolosai 3:9

Kwa kwamba muyayatsa haya maisha yenu ya kae na mwakuishini maisha mapfya, namutsekaa mukyambiana nsuwe. Muungu kamumpa haya haya maisha mapfya na kakumuhendezani mugije kuwa dzae, ili mupate kumumanya jeje urembo zaid̯i.

1 Timoteo 1:13

hat̯a ingawa hapfaḍe d̯ura niimunenea mazuka, niimukuntisa d̯ina na kumutsola. Ela Muungu kawa munanso kwangu, kwa dzambo ḍya kwamba niwa sidzamuhikiza Kirist̯o, na niwa sidzi niyonikihenda.

1 Timoteo 1:20

Wangine wao ni aḍe Hamena na Alekizanda, niwangiziyeo mikononi mwa Shaat̯ani, wapate kudziyongweeza kutsamukufuru Muungu.

Waeburania 12:1

D̯ubva, kwa kwamba hwakuyojwani ni wingu kuu na kuu ḍya mashaahiḍi wayangiyeo faro zao, nahuyekeze kula chichonahugija-gija na huiyatse hi nabvise iyonatsaka kuhuhabvaka. Nahud̯arame na d̯iḍa hizi mbio hungizijwezo.

Yakobo 2:7

Siwo pia weonaḍikufuru eḍi sari ḍya hila ḍya ayu mwiye wakwe?

1 Pet̯ero 2:1

D̯ubva, dzikanyeni na kula namuna ya mazuka. Dzikanyeni na makulekule na umbiimbii, na muyatse nyano na kufwiyana ḍea.

2 Pet̯ero 2:18

Humu manwani mwao, vyuuwo vya kudziona na visivyo maana vinawamba bvaa! Wanakaa na kuwagisa nabviseni hawa wahikiza wanana kwa kuwayongweeza kwamba wakikaa na kudzit̯oseza hizi t̯amaa zao za kimwii.

2 Pet̯ero 2:7

Ela hat̯a vivyo kamupfonya Loti, koro ewa muntu mwema eyeakiishi kahi ya wantu wazuka muno. Loti ekihangaika muno mojoni mwakwe dzuu ya haya mahendo mazuka mazuka eyoakiyaona na hawa wantu, nsiku ḅaad̯a ya nsiku.

Yud̯a 1:13

Haya mahendo yao mazuka mazuka yanadziyavya nze tswee dza hiviḍe vya mawimbi makali ya ḅahari yevyonabiga na kuyavya povu ḍya uchafu. Wao waa dza hiziḍe nyoha zizonadzichiiya ḅasi humu yuwinguni, yani hiziḍe nyoha zizonachia zikaariya kuntu kwa kiza cha go.

Yud̯a 1:8

Hivi hivi ndivyo vya hawa waalimu wa nsuwe waivyo. Haya mandoho yao weyonayoha yanakaa na kuwahendeza wakaingiza mii yao kuhendani mambo machafu. Wanakaa na kunyira mamulaka ya Muungu na kuvitsola-tsola ḅasi viumbe vya mbinguni.

Upfenuo wa Yohana 16:9

Wantu wabigwa ni dzuwa ḍya mwangango, na wanjia kumukufuruni huyu Muungu eye na mamulaka dzuu ya haya haya mabigo. Ela ntawakupfyehuza mama na wala ntawakumushad̯a Muungu.