Wakolosai 3:14 - Pokomo

¹⁴ Na dzuu ya vyonse hivi, tsakanani nywinywi na nywinywi. Koro matsako ndiyo yeyonahuweka hwonse kuwa dza kintu kimodza kaḅisa!

Wakolosai 3:14 ပူးပေါင်းရင်းမြစ်များ

Yohana 13:34

D̯ubva nyakumumpani amuri mpya: Tsakanani dza hivi vyangu nimutsakiyevyo nywinywi.

Yohana 15:12

Na hi amuri yangu niyokumumpani ni hii: Tsakanani dza hivi vyangu nimutsakiyevyo nywinywi.

Yohana 17:23

Wewe uwe na uharia nami, nami niwe na uharia nao, nao wapate kuwa kintu kimodza kaḅisa! Ndookomu lumwengu junapata kumanya ya kwamba wewe ndiwe unihumiye na kuwatsaka wanafund̯i wangu dza unitsakiyevyo mimi.

Warumi 13:8

Namutseewa na rando kwa yuḍejwonse lamud̯a rando ḍya kutsakana nywinywi na nywinywi. Koro matsako ni dza rando ḍisiḍyosia kuipfigwa. Nyakunenani hivi kwa kwamba yuḍejwonse amutsakiye mwenziwe, anawa kakut̯imizani hivi vye *Sharia ivyonatsaka.

Waefeso 1:4

Jeje kahutsana huwe wantuwe hangu lumwengu ntajudzaumbwa ili ahungize hariani mwa Kirist̯o. Kahutsana huwe wantu wadheru na husiwo t̯amba zuka ḍiḍeḍyonse usoni kwakwe. Na kwa kwamba Muungu kahutsaka,

Waefeso 4:3

Huyu Ruhu kamuunganya mugala dza kintu kimodza. D̯ubva ḍemani muno kuishiana na naghea mupate kukaa dza kintu kimodza.

Waefeso 5:2

Ishini maisha ya kuwa na matsako kwa wangine dza vya *Kirist̯o ahutsakiyevyo hat̯a akidziyavya maishaye dza mvuugiya kwa dzambo ḍyehu. Hii ni mvuugiya imutsakizieyo Muungu.

Wakolosai 2:2

Nyakuhendani hivi nipate kumungiza mojo na mupate kutsakana muno, na mupate kuwa dza kintu kimodza. Natsaka muwe na uhakika kaḅisa kwamba hichi chuuwo cha Muungu ncha hachi, ili kwamba hi ngadzi ya Muungu, yani *Kirist̯o, mumuimuke urembo.

1 Watesalonike 4:9

Na, dzuu ya kutsakana nywinywi na nywinywi dza wana wa Muungu, ntaku haḍya kwehu kumworea kiḍechonse, koro Muungu mwenye ndiye amuyongweezeye kutsakana.

1 Timoteo 1:5

Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

Waeburania 6:1

D̯ubva amaale nahutsekaiya yayaḍe mayongweezo ya ḍabvu ḍabvu hudziyongweezeyeyo dzuu ya *Kirist̯o. Ishinu nahwende usoni hupate hayaḍe mayongweezo ya kuhuhendeza hungore kiruhu. Ntahunamala kuyaujia yayaḍe mayongweezo ya ḍabvu, ya kwamba huyatse mazuka humuhikize Muungu.

1 Pet̯ero 4:8

Zaid̯i ya vyonse, tsakanani na mojo, koro matsako yanayeha mayatsiyo ya nabvise nyinji.

2 Pet̯ero 1:7

Mukwakuishini maisha ya kumutsakiza Muungu, ni had̯i muwatsake na mojo mumodza hawa wahikiza wenzenu, na muwatsake wantu wonse pia.

1 Yohana 3:10

Ugaragara kahi ya wana wa Muungu na wana wa Shaat̯ani hunaumanya hidzaa: yuḍejwonse asiyehenda yeyo ya hachi, ambu yuḍejwonse asiyemutsaka ndugujwe, huyo si mwana jwa Muungu.

1 Yohana 3:23

Eyokuhuamuruni huhende ni kwamba, humuhikize Yesu Kirist̯o, huyu Mwanawe, na hutsakane dza vya Kirist̯o ahuamuriyevyo.

1 Yohana 4:21

D̯ubva hi amuri ya Kirist̯o ahupfiyeyo ni hii: ya kwamba, kula amutsakiye Muungu ni had̯i amutsake na ndugujwe.