Wakolosai 3:13 - Pokomo

¹³ Namutsedhimwa kuit̯isia wenzenu. Wani wantu wa kuyatsiana dza vya Ḅwana amuyatsiiyevyo nywinywi.

Wakolosai 3:13 ပူးပေါင်းရင်းမြစ်များ

Matayo 5:44

Ela mimi nyakumwambiani kwamba watsakeni nyabva wenu, na mukae na kuwayombea hawaḍe weonamukuntisa d̯ina.

Matayo 6:12

Uhuyatsiye mazuka yehu, dzevi hwivyonawayatsiya hawaḍe wahuhendeeyeo mazuka.

Marko 11:25

Na kula mwipfonasumama kuyomba, mukiwa na ngongea na yuḍejwonse, ni had̯i muyatsiyane, ili Baba jwenu jwa mbinguni nae amuyatsiye mazuka yenu.”

Luka 11:4

Uhuyatsiye nabvise zehu, dzevi hwivyonawayatsiya watsovi wehu. Na nkudzohuyehe pfantu pfa kuḍemwa.’ ”

Luka 23:34

Makisa Yesu kamba, “Baaba, wayatsiye! Koro ntawadzi weḍyokuhendani.”] Hawa asikari wazigawana hizi nguoze kahi yao kwa kuzibigia kura.

Warumi 15:7

D̯ubva ikaani mukikaraḅishana vit̯aroni mwenu dza hiviḍe vya Kirist̯o amukaraḅishiyevyo uhajuni mwa Muungu, ili Muungu apate kushad̯wa.

2 Wakorint̯o 2:10

Mukiyatsia muntu kwa haya ahendeyeyo, nami pia huyo muntu nimuyatsia. Ikiwa kwamba nimuyatsia muntu, kwa tsowa ḍiḍeḍyonse ḍya kwamba ayatsijwe, namuyatsia usoni kwa *Kirist̯o kwa dzambo ḍyenu.

2 Wakorint̯o 6:6

Swiswi hudziyanga kuwa wahumisi wa Muungu kwa udheru wehu, kwa namuna huimanyiyevyo hi hachi, kwa kuit̯isa kwehu na kwa wema wehu. Na pia hudziyanga kuwa wahumisi wa Muungu kwa kupfegwa huyu Ruhu Mudheru, kwa tsako ḍyehu ḍya ḍugha kwa wangine,

Wagalatia 6:2

Tsukwiiyanani mizigo yenu nywinywi na nywinywi, na kwa hi hii namuna munawa kuiuḅani sharia ya *Kirist̯o.

Waefeso 4:2

Nywinywi meshi wani wantu wa kutsadziona na muwe wampowe kwa wangine. Wani wantu wa kuit̯isa, na yanganani matsako kwa kutsadhimwana.

Waefeso 4:32

Ishinu wani wantu wa kuhendea wenzenu mema na muwe wat̯ei kwa wangine. Wani wantu wa kuyatsiana dza vya Muungu amuyatsiiyevyo kuchiiya na kwa Kirist̯o.

Waefeso 5:2

Ishini maisha ya kuwa na matsako kwa wangine dza vya *Kirist̯o ahutsakiyevyo hat̯a akidziyavya maishaye dza mvuugiya kwa dzambo ḍyehu. Hii ni mvuugiya imutsakizieyo Muungu.

Wakolosai 3:12

Kwa kwamba Muungu kamutsana muwe wantuwe watsakwa, weo wadheru, ni had̯i muwe wantu wat̯ei na muwe na myojo myema kwa wangine. Wani wantu wa kutsadzihwaa, wani wampowe, na muwe wantu wa kuit̯isa.

Yakobo 2:13

Koro muntu asiyekuwa mut̯ei kwa wangine, Muungu nae nkawezi kuwa mut̯ei kwakwe nsiku ya hukumu. Na muntu mut̯ei kwa wangine, nkawezi kuwa na oga wa kuhukumigwa.

1 Pet̯ero 2:21

Muungu kamuhana muishi dzevihivi, koro hat̯a Kirist̯o kakuntiswa d̯ina kwa dzambo ḍyenu; akiyanga mufaano ili nanywi mumugwe mongo.