Wakolosai 3:12 - Pokomo

¹² Kwa kwamba Muungu kamutsana muwe wantuwe watsakwa, weo wadheru, ni had̯i muwe wantu wat̯ei na muwe na myojo myema kwa wangine. Wani wantu wa kutsadzihwaa, wani wampowe, na muwe wantu wa kuit̯isa.

Wakolosai 3:12 ပူးပေါင်းရင်းမြစ်များ

Matayo 24:22

T̯ambere hizo hizo nsiku ntazindehendezwa mfufi, ntakundeewa jwa kupfona. Ela kwa dzambo ḍya watsanwa wa Muungu, hizo nsiku zihendezwa mfufi.

Matayo 24:24

Koro kudzat̯upuka manabii wa nsuwe na wantu wadzeodzihana Kirist̯o. Wadzahenda mafara ya kumakisa na kuyanga vihambwiizo garagara, ili t̯ambere indewezekana waweze kuwaarya hat̯a hawa watsanwa wa Muungu.

Matayo 24:31

Jeje kadzawahuma malaikawe na saut̯i ya t̯arumbet̯a nkuu, nao wadzawat̯ut̯aisa wantuwe wonse awatsaniyeo. Wadzawat̯ut̯aisa kuyawa mpembe zonse za lumwengu, hangu ḍanda modza ya huju lumwengu hat̯a ḍanda ingine.”

Marko 13:20

T̯ambere Ḅwana nkandezihendeza mfufi hizo hizo nsiku, ntakundeewa jwa kupfona. Ela kwa dzambo ḍya watsanwawe, hizo nsiku kazihendeza mfufi.

Marko 13:22

Koro kudzat̯upuka manabii wa nsuwe na wantu wadzeodzihana Kirist̯o. Wadzahenda mafara ya kumakisa na kuyanga vihambwiizo garagara, ili t̯ambere indewezekana waweze kuwaarya hawa watsanwa wa Muungu.

Marko 13:27

Kadzawahuma malaikawe, nao wadzawat̯ut̯aisa watsanwa wakwe wonse kuyawa mpembe zonse za lumwengu.”

Luka 1:78

Koro Muungu jwehu ni mumpowe na munanso. Anahuyeheya mupfonya adzeewa dza dzuwa, ḍiḍyokutsembuzani kwehu.

Luka 18:7

Jeje t̯u akihenda dzavyo, ehe fat̯i Muungu, nkanawahendea hachi hat̯a awa wantuwe weonamuyomba siku na musikahi? Anawa mumpompowe kwambukuya viiyo vyao?

Warumi 1:7

Ndookomu nyakumworeani nywinywi wantu wonse mwiwo Rumi. Nywinywi mu wantu mutsakijweo ni Muungu na akimuhana muwe wantuwe wadheru. Muungu Baba na Ḅwana jwehu Yesu Kirist̯o nawamuvodhye na kumumpa naghea nto.

Warumi 13:14

Ishinu ni had̯i mumuyatse Ḅwana jwehu Yesu Kirist̯o amuyongowe kwa kula dzambo, na muyatse kut̯aria kuuḅa t̯amaa nzuka nzuka za kibenaad̯amu.

Warumi 9:11

Ela hangu hawa wana wepfokuwa ntawadzavyajwa, na wepfokuwa ntawadzahenda dzambo ḍiḍeḍyonse dzema ambu zuka, Muungu kanena na mama jwao kamwamba, “Kyeet̯i cha huyu mukuu, kidzahumikia kyeet̯i cha huyu muḍoḍo.” Ndookomu vinayanga tswee kwamba Muungu anamutsana muntu kuuḅana na hiviḍe evyonapanga mwenye. Nkamutsane muntu kwa dzambo ḍya mahendoye.

1 Wakorint̯o 13:4

Muntu akiwa na matsako kwa mwenziwe anamuit̯isia na kuwa mwema kwakwe; nkawezi kuwa na wivu ambu kudzishad̯a na wala kudziona.

2 Wakorint̯o 6:6

Swiswi hudziyanga kuwa wahumisi wa Muungu kwa udheru wehu, kwa namuna huimanyiyevyo hi hachi, kwa kuit̯isa kwehu na kwa wema wehu. Na pia hudziyanga kuwa wahumisi wa Muungu kwa kupfegwa huyu Ruhu Mudheru, kwa tsako ḍyehu ḍya ḍugha kwa wangine,

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

Waefeso 1:4

Jeje kahutsana huwe wantuwe hangu lumwengu ntajudzaumbwa ili ahungize hariani mwa Kirist̯o. Kahutsana huwe wantu wadheru na husiwo t̯amba zuka ḍiḍeḍyonse usoni kwakwe. Na kwa kwamba Muungu kahutsaka,

Waefeso 4:2

Nywinywi meshi wani wantu wa kutsadziona na muwe wampowe kwa wangine. Wani wantu wa kuit̯isa, na yanganani matsako kwa kutsadhimwana.

Waefeso 4:24

Ishini haya maisha mapfya mupfegejweyo kwa miro ya Muungu. Haya ni maisha ya kuhenda yeyo ya hachi na kuyanga udheru wa ḍugha kwa dzambo ḍya kuimanya hi hachi.

Waefeso 4:32

Ishinu wani wantu wa kuhendea wenzenu mema na muwe wat̯ei kwa wangine. Wani wantu wa kuyatsiana dza vya Muungu amuyatsiiyevyo kuchiiya na kwa Kirist̯o.

Wafilipi 1:8

Hat̯a Muungu mwenye kamanya kwamba nyakunenani hachi, nikyamba nimutsaka na tsako dza hiḍiḍe ḍya Kirist̯o Yesu mwenye.

1 Watesalonike 5:15

Manyani muntu atsemuipfa halo mwenziwe kwa zuka amuhendeeḍyo. Nywinywi kut̯wa, ḍemani muno kuhendeana mema nywinywi na nywinywi na kuwahendea mema wantu wangine wonse.

2 Timoteo 1:9

Jeje kahupfonya na kahuhana huwe wantuwe mwenye. Ela si kwa dzambo ḍya mahendo yehu, kenge ni kwa kusuḍi ḍyakwe mwenye na kwa dzambo ḍya t̯eiye. Kahufwiya t̯ei kwa njia ya Kirist̯o Yesu, hat̯a kaḅila lumwengu ntajudzaumbwa.

2 Timoteo 2:10

D̯ubva, nabea mazuka yonse kwa dzambo ḍya watsanwa wa Muungu, ili nao wapate kupata mupfonyo kuyawa kwa Kirist̯o Yesu, pfamodza na maisha ya kuunga na yuungo.

Tito 1:1

Mimi Paulo, muhumisi jwa Muungu na *ntumi jwa Yesu *Kirist̯o, nyakukworeani wewe Tito. Nihumigwa niwambake faroni watsanwa wa Muungu na niwayongoze kuimanya hi hachi iyonayongweezwa ni ḍini yehu.

1 Pet̯ero 1:2

Muungu Baba jwehu kamutsana hangu kae, na mut̯engwa ni Ruhu jwakwe. Nanywi mumut̯ii Yesu Kirist̯o nae kamudheresa na mwaziwe. Muungu namuvodhye na kumumpa nagheaye kwa winji.

2 Pet̯ero 1:10

D̯ubva wandugu zangu, hendani kula mwichonaweza ili muyange kwamba Muungu kamutsana na kamuhana ḍugha! Mukihenda hivyo ntamunagwa nabviseni meshi.

1 Yohana 4:19

Muungu ndiye ahutsakiye jeje d̯ura, na ndiyo maana naswi huna matsako.

2 Yohana 1:13

Hawa wana wa imbuḍyo atsanijwe ni Muungu, nao wakukedhya nto.

Upfenuo wa Yohana 17:14

Yadzaungana pfamodza nae kujwana viha na huyu Mwana Mbuzi. Ela huyu Mwana Mbuzi na wantuwe kadzawashinda wonse, koro jeje ni Haju jwa mahaju na ni Ḅwana jwa maḅwana wonse. Na hawaḍe wonse weo wakwe ni wantu awatsaniyeo na akiwahana kuwa wakwe, na ni wahikizika.”