Wakolosai 2:5 - Pokomo

⁵ Koro hat̯a ingawa sikwaa pfamodza nanywi kimwii, nya pfamodza nanywi kiruhu. Nitsekea muno kusikia kwamba mugija kumuhikiza Kirist̯o na mojo, na mwakuishini kuuḅana ne hachi.

Wakolosai 2:5 ပူးပေါင်းရင်းမြစ်များ

Mahendo 2:42

Hawa wonse wagija kuyongweezwa ni hawa ntumi, wakikaa pfamodza dza ndugu, wakihariana chakuḍyani na kumuyomba Muungu pfamodza.

Mahendo 20:21

Hangu Wayahud̯i hat̯a Wayunani ninena nao muno kwamba wayatse nabvise, wamuperukie Muungu na wamuhikize Ḅwana jwehu Yesu.

1 Wakorint̯o 11:34

Na ikiwa kwamba muntu yuḍejwonse ana nzaa, naḍye nyumbani kwakwe, ili mwipfonatsanganika mutsekudzahukumigwa. Na dzuu ya haya mambo yangine, nanena nanywi nidzepfokudza.

1 Wakorint̯o 14:40

Ela kula kintu ni kuhendeka urembo na kwa mupango.

1 Wakorint̯o 15:58

D̯ubva wandugu watsakwa, sumamani kiyume na mutset̯et̯eleka. Dziyavyeni kuihenda kazi ya Ḅwana kut̯wa, mukimanya ya kwamba hweka ḍyenu kwa kazi ya Ḅwana ntaḍiwezi kuhika ḅasi.

1 Wakorint̯o 16:13

Nywinywi wani matso. Faro yenu igijeni muno na namutseewa woga. Wani wantu mwiwo na nguvu.

Wakolosai 2:1

Natsaka mumanye namuna nimumuud̯amiyevyo nywinywi wahikiza mwiwo Kolosai, na wenzenu weo mudzi wa Laodekia, pfamodza na wahikiza wangine wonse husiodzaonana hat̯a na matso.

1 Watesalonike 2:17

Wandugu zangu, hwipfohendezwa hukit̯ana nanywi na nguvu, hut̯ana hi mii t̯u kwa muḍa, ela mat̯aro yehu yonse yewa yaa kwenu. Mwiihungiza udhuma mukali muuno, naswi huḍema kula njia hudzehumut̯embeeye kawii.

1 Watesalonike 3:8

Na kwa kwamba amaale mugija kumuserefat̯a Ḅwana, nangaa naswi le sasa hunapata sinzizi.

Waeburania 3:14

Koro hukigija kumuhikiza Kirist̯o na nguvu, dza viviḍe hwivyomuhikiza d̯ura, hunapfokea hayaḍe yonse ya Muungu adzeyowapfa hawaḍe weo wantu wa Kirist̯o.

Waeburania 6:19

Haya haya madzikwat̯yo ni dza nanga nziho ya kuikumiiza hi myojo yehu. Haya madzikwat̯yo yehu, yaa kwa huyuḍe achiiye na humu mwa huju yukangadzi jwa hi *Hekalu ya mbinguni, akinjia hapfaḍe pfantu pfadheru pfa mwiso pfe Hekalu.

1 Pet̯ero 5:9

D̯ubva zigijeni faro zenu muno, na mut̯aragiane nae; mukimanya ya kwamba hat̯a hawa wahikiza wenzenu wa lumwengu yuzima, nao wakukuntanani nezihizi d̯ina mwizokukuntani nywinywi.