Wakolosai 1:6 - Pokomo

⁶ Yayaḍe Maagu Mema muyasumwiijweyo nywinywi, ndiyo yeyokusumwiijwani lumwengu yuzima. Yakud̯achaani kula pfantu. Na kula yepfokusumwiijwani, yakuperuyani maisha ya wantu

Wakolosai 1:6 ပူးပေါင်းရင်းမြစ်များ

Matayo 24:14

Na haya *Maagu Mema dzuu ya Uhaju wa Mbinguni yanasumwiijwa lumwengu yuzima ili kula kyeet̯i kiyasikie, ndipfo rhefu, mwiso wa lumwengu unakudza.

Matayo 28:19

D̯ubva endani kwa wantu wa vyeet̯i vyonse mukawahendeze kuwa wanafund̯i wangu, mukiwat̯opya kwa sari ḍya Baba na Mwana na Ruhu Mudheru.

Marko 16:15

Makisa Yesu kawamba wanafund̯iwe, “Endani lumwenguni kwonse, mukayasumwiiye haya *Maagu Mema kwa wantu wonse.

Marko 4:8

Ela mbeju zingine zigwa kuntu kwa mutsanga munono. Zimea, zikuya na zivyaa chima cha nseensee miyongo mihahu zaid̯i ya hiviḍe zishat̯ijwevyo. Zingine zivyaa chima cha miyongo mihandahu na zingine gana, zaid̯i ya hiviḍe zishat̯ijwevyo.”

Yohana 15:16

Nywinywi sinywi munitsaniyeo, ela mimi ndimi nimutsaniyee nywinywi. Na nimuhuma mwende mukavyae matunda yadzeyoonekana, ili kwamba mukimuyomba Baba kiḍechonse kwa sari ḍyangu, anakimumpa.

Yohana 17:19

Mimi nyakudziyavyani jwonse kwako kwa dzambo ḍyao, ili nao wapate kudziyavya wawe wako kaḅisa.

Yohana 4:23

Ngera zakudzani, na hat̯a zisakufika, ambapfo hawaḍe weonamuyomba Muungu ḍugha, wanamuyomba Ruhuni na hachini. Koro wantu weonamuyomba Muungu dza hivi, ndiwo wakwe eonatsaka.

Mahendo 11:18

Wepfosikia hivi, wayatsa hizi alano zao na wamushad̯a Muungu wakyamba, “D̯ubva Muungu kawapfa kupfyehuza mama hat̯a na wantu wa vyeet̯i vingine wapate kukaa mojo!”

Mahendo 12:24

Ela chuuwo cha Muungu kigija kud̯achaa na tsanganiko ḍikuya.

Mahendo 16:14

Mumodza jwa hawa wake weowakihusikiiya ewa Lidia kuyawa Thiatira, muguzi jwa nguo ghali za zambarau. Ewa muke muyomba Muungu, na Ḅwana kamupfenuya mojowe apate kupfindiiya vyuuwo vya Paulo.

Mahendo 26:18

Ni uwapfenuye matso yao na uwaperuye kuyawa kizani wauje muyangani, na wayawe ut̯awalani mwa Shaat̯ani wamuujie Muungu. Ili kwamba, kwa dzambo wanihikiza, Muungu anawayatsia nabvise zao na wadzakaa kuntu kwao kahi ya watsanwa wa Muungu.’

Warumi 1:13

Wandugu zanguni, natsaka mumanye kwamba nikipanga muno kumut̯embeeya. Nikitsaka kudza nihende kazi ili kahi yenu nipate wantu wa kumuhikiza na kumuuḅa Kirist̯o, dza viviḍe nihendeyevyo kahi ya wantu wa vyeet̯i vingine. Ela kula nikitsaka kudza, kunawa na kintu chichonanivingira kudza, na hat̯a hi saasambi sidzapata namfasi.

Warumi 15:19

Na kwa dzambo ḍya vihambwiizo na mafara ya kumakisa nihendeyeyo kahi yao, na kwa nguvu za huyu Ruhu jwa Muungu, wao wayahikiza haya Maagu Mema ya Kirist̯o. Ndookomu kwehii namuna nyenda pfantu kwa pfantu nikisumwiiya haya Maagu Mema dzuu ya Kirist̯o, hangu Yerusalemi hat̯a ḍyimbo ḍya Iluriko.

Warumi 15:28

D̯ubva nikisa kuipfiika Yerusalemi hi mvuugiya iyavijweyo kwa dzambo ḍyao, nanjia charo cha kwenda Uhispania, na nikwakwendani nachia na kwenu.

Warumi 16:26

Dza vya matsoro ya manabii yat̯aḅiriyevyo hangu kae na kae, sasa haya haya maagu yapfenujwa ili kula mumodza aweze kuyasikia na kuyaimuka. Huyu Muungu eyenaishi maishi na maishi, kahuamuru swiswi ntumi wakwe huyawasumwiiye wantu wa vyeet̯i vyonse, ili kula muntu aweze kumuhikiza na kumut̯ii Yesu Kirist̯o.

2 Wakorint̯o 10:14

Nywinywi mwaa kuzimuni mwa hi mimpaka ya Muungu ahuwekeeyo, ndookomu ntahwichia mumpaka hwipfokudza mumpaka Korint̯o kusumwiiya *Maagu Mema dzuu ya Kirist̯o.

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

Waefeso 3:2

Nina hakika musikia kwamba, Muungu kaunimpa hu huu muzigo wa kumusumwiiya nywinywi dzuu ya hi t̯eiye.

Waefeso 4:21

Nina hakika kwamba musumwiijwa dzuu ya Yesu, na mwipfomuserefat̯a muyongweezwa hi ya hachi dzuuye.

Waefeso 4:23

Ela sasa muyatseni Muungu aiperuye hi myojo yenu na mat̯aro yenu.

Waefeso 5:9

Maanaye muntu eyekuishini muyangani anawa muntu mwema, anahenda mambo yeyonamutsakiza Muungu na anawa muntu muhachi.

Wafilipi 1:11

Maisha yenu yadzadzaa mahendo mema ya ḍugha yeyonayehegwa ni Yesu Kirist̯o mwenye. Na kwa hi hii njia, Muungu anashad̯wa na kuhilwa.

Wafilipi 4:17

Si ya kwamba nyakutsakani munit̯oleye vyenu ḅasi, ela nichokutsakani ni kwamba Muungu amuvodhye muno, kwa dzambo ḍya kunimpa ugijo.

Wakolosai 1:10

Ndookomu nanywi munaishi dza hiviḍe vya wantu wa Ḅwana wevyonamala kuishi, na munamutsakiza jeje kwa kula njia. Munagija kuhenda kula aina ya hendo dzema, na munagija kumumanya jeje zaid̯i na zaid̯i.

Wakolosai 1:23

Ela ni had̯i mugije kuyahikiza haya Maagu Mema muyasumwiijweyo, na muyagije gu. Ni had̯i mutseyayekeza haya madzikwat̯yo ya Muungu ayamumpiyeyo kuyawana na haya Maagu Mema. Haya ni yayaḍe maagu mwiyosumwiijwa dzuu ya Kirist̯o, yeyokusumwiijwani lumwengu yuzima. Nami mimi mwenye ni mumodza jwa hawaḍe weokuhumikani kwa dzambo ḍya haya haya Maagu Mema.

1 Watesalonike 1:5

Swiswi ntahukumusumwiiya injili ya vyuuwo vihupfu, ela huhenda na mambo ya kumakisa kwa nguvu za huyu Ruhu Mudheru, hukiwa na uhakika myojoni mwehu kwamba hwakusumwiiyani injili ya hachi. Na pia mumanya namuna huishiyevyo kahi yenu hupate kumuyanga namuna ya kuishi maisha mema.

1 Watesalonike 2:13

Swiswi huna saḅaḅu ya kumuyaviza ḍuḍa Muungu kut̯wa. Na saḅaḅu yehu ni kwamba, hwipfomusumwiiya chuuwo cha Muungu, nywinywi mukihikiza dza chuuwo cha Muungu. Ntamukuchihwaa dza chuuwo cha mwanaad̯amu, ela muchihwaa dza chuuwo cha Muungu ḍugha. Na hichi hichi chuuwo, chakumuhendezani nywinywi muhikiziyeo, muishi maisha mema.

2 Watesalonike 2:13

Nywinywi wandugu mwiwo watsakwa wa Ḅwana, hunatsaka kumwambia ya kwamba, swiswi hunamala kumuyaviza ḍuḍa Muungu kut̯wa kwa dzambo ḍyenu. Muungu kamutsana hangu ḍabvu ili aweze kumupfonya kuchiiya na kwa kudhereswa ni Ruhu Mudheru na kwa kuihikiza hi hachi.

1 Pet̯ero 5:12

Nyakumworeani hi hii ḅaruwa mfufi kwa ugijo wa Sila, nimuserefat̯ie dza ndugu. Nyakumworeani kumungiza mojo na nikishuhuḍia kwamba haya ndiyo matsako ya ḍugha ya Muungu. D̯ubva yagijeni na nguvu.