Wakolosai 1:27 - Pokomo

²⁷ Muungu kaona vyema kuiwapfenwiiya wantuwe hi hii ngadzi, ili waweze kumanya kwamba hu ni mupangowe mukuu, wiiwo na maana muno kwa hat̯a wantu wa vyeet̯i vingine. Na hu mupangowe ni kwamba Kirist̯o aishi myojoni mwenu, ili muweze kuwa na uhakika kwamba mudzawa pfamodza nae maremboni mwakwe.

Wakolosai 1:27 ပူးပေါင်းရင်းမြစ်များ

Matayo 13:11

Yesu kawambukuya kawamba, “Nywinywi muḍyaalijwa kuimanya siri ya Uhaju wa Mbinguni, ela wangine ntawakuḍyaalijwa.

Luka 17:21

Na wala ntaku jwa kwamba, ‘T̯ayowa, hu Uhaju wa Muungu huuno hapfa!’ Ambu ambe, ‘Huuḍe hapfaḍe!’ Koro Uhaju wa Muungu wa kahi yenu.”

Yohana 14:17

Huyu huyu Mugijiija ni huyu Ruhu Mudheru eyenayanga wantu hi ya hachi. Ela huju lumwengu ntajuwezi kumupfokea, maanaye ntajumudzi na wala ntajukwakumuhambuyani. Nywinywi le mumumanya, kwa dzambo ḍya kwamba ka pfamodza nanywi na anawa kuzimuni mwenu.

Yohana 14:20

Na hiyo hiyo nsiku ikifika, ndipfo mudzepfomanya ya kwamba mimi na Baba hu kintu kimodza, nami nanywi hu kintu kimodza.

Yohana 14:23

Yesu kamwambukuya kamwamba, “Muntu akinitsaka mimi, anayagija haya mayongweezo yangu. Na muntu dzae, Baba anamutsaka. Na mimi na Baba hunahenda makao yehu kwakwe.

Yohana 17:26

Mimi nikumanyisa kwao na nagija kukumanyisa kwao, ili wapate kuwatsaka wangine dza hivi vyako unitsakiyevyo mimi, nao wanawa na uharia nami.”

Yohana 6:56

Kula eyenaḍya mwii wangu na kunwa mwazi wangu, anawa na uharia nami, nami nawa na uharia nae.

Warumi 11:33

Hu wema wa Muungu eonahuyanga ni mukuu kuchia mama za wanaad̯amu! Mvidhyoye na mipango eyonayo ntahunaweza kuipima. Ya Muungu eyonahuna kuhenda, hat̯a hukiḍema kuyat̯aria na mvidhyo iiyodze, ntahunaweza kuyarorot̯a meshi! Na hat̯a hukiḍema kuzimamat̯a njiaze, ni ga jwa kuziimuka?

Warumi 2:4

Ambu kwakumubalifani Muungu kwa dzambo ḍya kwamba jeje ni munanso muno kwako? Yani kwakuonani kwamba jeje si muharaka jwa kukuadhiḅu na kakukuit̯isiani! Munamba nkwaona hat̯a kwamba hu huu wemawe wonse eokukuhendeani, kakukupfani namfasi nangere ili upate kupfyehuza mama?

Warumi 5:2

Kirist̯o kahupfa njia ya kuifikia hi hii t̯ei ya Muungu huipatiyeyo hi hii saasambi kwa dzambo ḍya faro zehu. Ndookomu naswi hunatsekea kwa haya madzikwat̯yo hwiyonayo, ya kwamba Muungu kadzahungiza maremboni mwakwe.

Warumi 8:10

Hat̯a ingawa mii yenu idzafwa kwa dzambo ḍya nabvise, huyu Ruhu jwa Kirist̯o anagija kumumpa maisha mapfya, kwa kwamba Kirist̯o ka myojoni mwenu. Koro Kirist̯o ndiye amuhendezeye kuwa wahachi usoni kwa Muungu.

Warumi 9:23

Na pia ekitsaka kuhuyanga swiswi ahufwiiyeo t̯ei, namuna aivyo mut̯ei. Ekitsaka kuhuyanga uwezowe kwa dzambo ḍya kwamba swiswi ndiswi ahutsaniyeo huwe dza hiviḍe aivyo.

1 Wakorint̯o 3:16

Ntamudzi kwamba nywinywi mu *Hekalu ya Muungu, na kwamba Ruhu jwa Muungu kakuishini kuzimuni mwenu?

2 Wakorint̯o 2:14

Ela Ḅwana ashad̯we! Swiswi hwiwo hariani mwa Kirist̯o, Muungu kahuweka dza maheka wa Kirist̯o. Kahuhendeza humuuḅe Kirist̯o dza maheka akwakuyangani ushindi wakwe. Muungu kakuhutumiani swiswi kusumwiiya haya maagu dzuu ya Kirist̯o kula pfantu, yakad̯achaa dza manunkanto.

2 Wakorint̯o 4:17

Hizi d̯ina hwizokukuntani si d̯ina za muḍa muyeya, na hukiziinganya na haya yadzeyokudza, si d̯ina nkuu za kwambadze. Koro zinahuyehea marembo makuu ya kuishi na Muungu maishi.

2 Wakorint̯o 4:6

Huyu Muungu ambiye, “Nakuyangae muyanga humu kizani,” ndiye jeje ahendezeye muyangawe uhuyangaiye myojoni mwehu. Hu muyanga unahupfa kuyamanya haya marembo ya Muungu, yeyonayangaa humu usoni mwa Kirist̯o.

2 Wakorint̯o 6:16

*Hekalu ya Muungu inakajwadze ni masanamu? Koro swiswi hu Hekalu ya Muungu eye mojo. Dza vya Muungu aneneyevyo akyamba, “Makao yangu nayambaka kwa wantu wangu, kisa nami naishi kahi yao. Nawa Muungu jwao, nao wanawa wantu wangu.”

Wagalatia 2:20

Nifwa kufwa kuzuka dza vya Kirist̯o afwiyevyo muhini mwa mpatsa. Ndookomu sikwakuishini dza nivyonikiishi d̯ura, koro sasa Kirist̯o kakuishini kuzimuni mwangu. Na haya maisha niyokuishini hi hii saasambi, nyakuishini kwa kumuserefat̯a jeje Mwana jwa Muungu, anitsakiye hat̯a akiyayavya maishaye kwa dzambo ḍyangu.

Wagalatia 4:19

Wanangu watsakwa, nipatwa ni tsungu kawii kwa dzambo ḍyenu. Ni tsungu wiwo dza tsungu wa muke jwa kuvyaa, na ntauniyawe mumpaka mudzepfovwaa hu untu wa Kirist̯o.

Waefeso 1:7

Muungu kahukombowa na mwazi wa Kirist̯o ehiyeo epfofwa muhini mwa mpatsa na kahuweka huru. Yani kahuyatsia nabvise zehu. Na kwa hi hii njia, Muungu kahuyanga namuna aivyo mut̯ei kwehu

Waefeso 2:22

Ndookomu kuchiiya na kwa Kirist̯o, nywinywi musiokuwa Wayahud̯i nanywi mwakuunganywani na hawa wantu wonse wa Muungu, muwe Hekalu ya Muungu ya kukaa kuchiiya na kwa huyu Ruhu jwakwe.

Wafilipi 4:19

Na huyu Muungu jwangu niyenamuhumikia namut̯imiziye haḍya zenu zonse kuyawana na jabvawe mwinji eo nao, eonamumpa kuchiiya kwa Kirist̯o Yesu.

Wakolosai 1:5

Nywinywi muwatsaka wantu wonse wa Muungu, kwa kwamba muna madzikwat̯yo ya kwamba, munayapata haya mambo mema muyawekeejweyo mbinguni. Haya haya madzikwat̯yo muyapata hangu mwipfosumwiijwa haya Maagu Mema ya hachi, yani hi Injili.

Wakolosai 2:3

Kirist̯o jeje heket̯u ndiye eyenahupfa mvidhyo ya kuyaimuka urembo haya maagu ya Muungu, yeyo dza nkandi ya thamani.

Wakolosai 3:11

Haya haya maisha mapfya ntaya cha kwamba muntu ni Muyahud̯i ambu hat̯a, ambu muntu kahinywa ambu hat̯a. Ntaya cha kwamba muntu kasoma ambu hat̯a. Ntaya cha kwamba anahwajwa dza baud̯a ambu hat̯a, na wala ntaya cha kwamba muntu ni muhumwa ambu hat̯a. Cha mud̯a ni kwamba Kirist̯o ka dzuu ya wonse, na anaishi kuzimuni mwa wantu wonse wamuhikiziyeo.

1 Timoteo 1:1

Mimi Paulo, ni *ntumi jwa *Kirist̯o Yesu kwa amuri ya Muungu mupfonya jwehu na kwa amuri ya Kirist̯o Yesu, huyu hwiyekudzimukwat̯yani.

Waeburania 6:19

Haya haya madzikwat̯yo ni dza nanga nziho ya kuikumiiza hi myojo yehu. Haya madzikwat̯yo yehu, yaa kwa huyuḍe achiiye na humu mwa huju yukangadzi jwa hi *Hekalu ya mbinguni, akinjia hapfaḍe pfantu pfadheru pfa mwiso pfe Hekalu.

1 Yohana 4:4

Ela nywinywi, wanangu watsakwa, mu wana wa Muungu, na muwashinda hawa manabii wa nsuwe. Muwashinda kwa kwamba, huyu awee kuzimuni mwenu ana nguvu kuchia huyu awee kuzimuni mwa hawa walumwengu.

Upfenuo wa Yohana 3:20

T̯ayowani! Mimi nisumama muḍyangoni nyakubigani hoḍi. Huyuḍe adzeyeisikia saut̯i yangu na akinifungwiiya muḍyango, nanjia mwakwe naḍya pfamodza nae, nae anaḍya pfamodza nami.