Wakolosai 1:19 - Pokomo

¹⁹ Koro Muungu mwenye katsakizwa kwamba Kirist̯o awe na hu umuungu wakwe wonse.

Wakolosai 1:19 ပူးပေါင်းရင်းမြစ်များ

Luka 10:21

Iyo saa Ruhu Mudheru kamungiza Yesu tsekea, nae kamushad̯a Muungu kamba, “Nakuyaviza ḍuḍa e Baba, wiye Haju jwa mbingu na nsi yonse. Nakuyaviza ḍuḍa kwa kwamba hi hachi kuiwafitsa hawaḍe weonadzihwaa kwamba ni makaro na wamanyi, na kuiwapfenwiiya wantu weo dza wana vichuchu! Ndivyo Baaba, kuona vyema kuhenda hivi hivi koro vikutsakiza.”

Yohana 1:16

Na kuyawana na winji wa matsakoye kwehu, hwonse kahuhendea wema mwinji na mwinji.

Yohana 3:34

Huyu ahumijwe ni Muungu anasumwiiya vyuuwo vya Muungu, koro Muungu anamumpa Ruhu jwakwe pfasipfo chima.

1 Wakorint̯o 1:21

Koro Muungu, kwa mupangowe mwenye, kavihendeza vitsewezakana kwa wantu kumumanya kwa njia ya mvidhyo yao ya kilumwengu. Ishinu, Muungu kahuna kuwapfonya hawaḍe weonahikiza, kwa njia ya haya maagu hwiyonasumwiiya, ya wangine weyonakwamba nza uḍyura.

Waefeso 1:23

ḍiḍyo dza hu mwiiwe. Kirist̯o ndiye eyenakipfa ukamilifu kula kintu chicho kula pfantu. Na jeje mwenye kakamilika kwa kuungana na hu mwiiwe, yani hiḍi tsanganiko.

Waefeso 1:3

Nahumushad̯eni Muungu eye Baba jwa Ḅwana jwehu Yesu Kirist̯o, ahuvodhyeye na kula kintu cha kiruhu cha kuyawa mbinguni, kwa kwamba hwaa hariani mwa Kirist̯o.

Waefeso 1:5

kahuna hangu kae na kae kuhuhendeza wanawe kuchiiya na kwa haya ya Yesu Kirist̯o ahendeeyo. Muungu kahenda hivi kwa kwamba iwa ndiyo miroye.

Waefeso 4:10

Na huyu muntu asukiye akidza lumwenguni, ndiye yuyo apfaiye akyenda akikaa pfantu pfa hila nkuu ya mwiso mbinguni dzuu, ili kwamba akamilishe na kut̯awala kula kintu.

Wakolosai 2:3

Kirist̯o jeje heket̯u ndiye eyenahupfa mvidhyo ya kuyaimuka urembo haya maagu ya Muungu, yeyo dza nkandi ya thamani.

Wakolosai 2:9

Koro Kirist̯o ana umuungu wonse wiwokuishini kuzimuni mwa mwii wa kiwanaad̯amu.

Wakolosai 3:11

Haya haya maisha mapfya ntaya cha kwamba muntu ni Muyahud̯i ambu hat̯a, ambu muntu kahinywa ambu hat̯a. Ntaya cha kwamba muntu kasoma ambu hat̯a. Ntaya cha kwamba anahwajwa dza baud̯a ambu hat̯a, na wala ntaya cha kwamba muntu ni muhumwa ambu hat̯a. Cha mud̯a ni kwamba Kirist̯o ka dzuu ya wonse, na anaishi kuzimuni mwa wantu wonse wamuhikiziyeo.