Wakolosai 1:10 - Pokomo

¹⁰ Ndookomu nanywi munaishi dza hiviḍe vya wantu wa Ḅwana wevyonamala kuishi, na munamutsakiza jeje kwa kula njia. Munagija kuhenda kula aina ya hendo dzema, na munagija kumumanya jeje zaid̯i na zaid̯i.

Wakolosai 1:10 ပူးပေါင်းရင်းမြစ်များ

Yohana 15:16

Nywinywi sinywi munitsaniyeo, ela mimi ndimi nimutsaniyee nywinywi. Na nimuhuma mwende mukavyae matunda yadzeyoonekana, ili kwamba mukimuyomba Baba kiḍechonse kwa sari ḍyangu, anakimumpa.

Yohana 15:8

Mwipfonavyaa matunda kwa winji, munawa mwakuyangani ya kwamba mu wanafund̯i wangu na wantu wanaona namuna ya Baba aivyo mukuu.

Yohana 17:3

Na maisha ya kuunga na yuungo, ni kukumanya wewe wiye Muungu jwa ḍugha wewe heket̯u, pfamodza na kunimanya nami mimi Yesu *Kirist̯o unihumiye.

Warumi 1:13

Wandugu zanguni, natsaka mumanye kwamba nikipanga muno kumut̯embeeya. Nikitsaka kudza nihende kazi ili kahi yenu nipate wantu wa kumuhikiza na kumuuḅa Kirist̯o, dza viviḍe nihendeyevyo kahi ya wantu wa vyeet̯i vingine. Ela kula nikitsaka kudza, kunawa na kintu chichonanivingira kudza, na hat̯a hi saasambi sidzapata namfasi.

Warumi 4:12

Na pia ni baba jwa kiruhu jwa hawaḍe wonse wahinyijweo na wakimuhikiza Muungu. Si baba jwao kwa dzambo ḍya kuhinywa, ela ni baba jwao kwa dzambo ḍya kwamba wamuhikiza Muungu dza viviḍe vya baba jwehu Iburahimu amuhikiziyevyo hat̯a kaḅila nkadzahinywa.

Warumi 6:4

Hwipfot̯opyegwa, ni dza kwamba hufwa na huzikwa pfamodza na Kirist̯o. Hivi vihendeka ili kwamba naswi huweze kuishi maisha mapfya, dza vya Muungu Baba jwehu amufufwiiyevyo Kirist̯o kuyawa kwa wafu kwa uwezowe mukuu.

2 Wakorint̯o 2:14

Ela Ḅwana ashad̯we! Swiswi hwiwo hariani mwa Kirist̯o, Muungu kahuweka dza maheka wa Kirist̯o. Kahuhendeza humuuḅe Kirist̯o dza maheka akwakuyangani ushindi wakwe. Muungu kakuhutumiani swiswi kusumwiiya haya maagu dzuu ya Kirist̯o kula pfantu, yakad̯achaa dza manunkanto.

2 Wakorint̯o 4:6

Huyu Muungu ambiye, “Nakuyangae muyanga humu kizani,” ndiye jeje ahendezeye muyangawe uhuyangaiye myojoni mwehu. Hu muyanga unahupfa kuyamanya haya marembo ya Muungu, yeyonayangaa humu usoni mwa Kirist̯o.

2 Wakorint̯o 5:9

Ela hwichonaona cha muhimu cha mwiso, ni kwamba, hukiwa nyumbani hapfa hapfa ambu hukuhukuḍe hunatsaka humutsakize jeje.

2 Wakorint̯o 9:8

Muungu ana uwezo wa kumut̯oseza haḍya zenu zonse na hat̯a zaid̯i, ili kwamba akimamut̯oseza na kula njia, munawa na mojo wa ubalicha wa kuyavya kwa kula kazi iyo nyema.

Waefeso 1:17

Nyakumuyombeani kwa Baba jwehu mwenye marembo, eye Muungu jwa Ḅwana jwehu Yesu Kirist̯o. Nyakumuyombeani kwamba Muungu amumpe huyu Ruhu jwa kumumpa mvidhyo na uimufu wa kumumanya jeje zaid̯i na zaid̯i.

Waefeso 2:10

Muungu ndiye ahuhendezeye kuwa kintu kimodza na Kirist̯o Yesu, ili hupate kukaa na kuhenda haya mema ahutsaniiyeyo kwamba huyahende.

Waefeso 4:1

D̯ubva mimi niye mufungwa kwa dzambo ḍya kumuhumikia Ḅwana, nyakumuyombani muishi maisha ya kuyanga kwamba mu wantu wa Muungu ahaniyeo ḍugha!

Waefeso 4:13

Wanahenda hivi mumpaka hwonse huwe kintu kimodza, kwa dzambo ḍya hivi humumanyiyevyo na humuserefat̯iyevyo huyu Mwana jwa Muungu. Ndookomu hwonse hunawa wantu hungoreyeo faroni, na hunawa na ukamilifu dza huḍe wa Kirist̯o eo nao.

Waefeso 5:10

Ḍemani kulacha hikiḍe chichonamutsakiza Ḅwana na mukihende.

Waefeso 5:15

D̯ubva dzit̯unzeni mwenendo wenu! Namutseishi dza wantu maḍyura, ela ishini dza wantu mwiwo na mvidhyo.

Waefeso 5:2

Ishini maisha ya kuwa na matsako kwa wangine dza vya *Kirist̯o ahutsakiyevyo hat̯a akidziyavya maishaye dza mvuugiya kwa dzambo ḍyehu. Hii ni mvuugiya imutsakizieyo Muungu.

Wafilipi 1:11

Maisha yenu yadzadzaa mahendo mema ya ḍugha yeyonayehegwa ni Yesu Kirist̯o mwenye. Na kwa hi hii njia, Muungu anashad̯wa na kuhilwa.

Wafilipi 1:27

Cha mud̯a t̯u ni kwamba, maisha yenu ni yaingane ḍa na hivi vya hi injili ya Yesu Kirist̯o ivyonatsaka. Ni yawe hivi ili kwamba, ninkiweza kudza kwenu ambu ninkitsaweza kudza, nangaa nisikiye kwamba musumama urembo mukiwa na kusuḍi modza, na mukiwa kuiheheani kwa umodza hi faro yenu mwiyonayo kwa haya Maagu Mema.

Wafilipi 4:18

Nisakupfokea ugijo mwema muno kuyawa kwenu, ndookomu sasa nina vinji kuchia hivi nivyonatsaka. Si t̯uri kawii kwa dzambo hizi nt̯unu mumumpiyezo Epafurodito aniyeheye nisakuzipfokea. Hachi zinatsakiza dza harufu nyema ya mvuugiya ya kutsomwa iyonayavigwa kwa Muungu, ikamutsakiza nae akaikuḅali.

Wakolosai 2:19

Wantu dzao ni wantu wayatsiyeo kuyongweeza haya mayongweezo ya hachi dzuu ya Kirist̯o, eye kitswa cha hiḍi tsanganiko. Kirist̯o ndiye eyenaḍigijanisa pfamodza hiḍi tsanganikoḍye, akaḍikuzya kiruhu dza vya Muungu evyonatsaka.

Wakolosai 2:6

D̯ubva, kwa kwamba mumuhikiza Kirist̯o Yesu dza Ḅwana jwenu, ni had̯i mugije kumut̯ii jeje.

Wakolosai 3:20

Nywinywi wana, meshi wat̯iini wavyazi wenu, koro hivi ndivyo vivyonamutsakiza Ḅwana.

Wakolosai 4:5

Hawa wantu wasiokuwa wahikiza ikaani nao na ukaruma, mukiwambia dzuu ya Kirist̯o kula mwipfonapata namfasi.

1 Watesalonike 2:12

Hwikimuingamaza na kumungiza mojo, na hwikimufunda kut̯wa mutseyatsa kuishi maisha ya kuyanga kwamba mu wantu wa Muungu. Koro jeje kamuhana munjie maremboni mwa uhajuwe.

1 Watesalonike 4:1

D̯ubva wandugu zangu, zaid̯i ya yonse, hwakumuyombani na kumuriria kwa sari ḍya Ḅwana jwehu Yesu, muishi maisha ya kumutsakiza Muungu dza humuyongweezeyevyo. Gula humanya ya kwamba ndivyo mwivyokuishini, ela hunatsaka mumutsakize Muungu zaid̯i na zaid̯i.

2 Timoteo 2:4

Ntaku asikari eyenawa kazini, akayatsa kudzitsakiza kwa mukuuwe, akanjia kudzingizani-ngizani kwa maisha ya wantu wa kawaiḍa.

Tito 3:1

Wakumbusye hawa wantuwo wawe wakiwat̯ii kwa kula namuna hawa wat̯awala na wantu weo na mamulaka, na wadzifunge kuhenda kula aina ya dzambo dzema.

Tito 3:14

Hawa wantu wehu ni kudziyongweeza kuhendea wantu mema, wayavye vyao kwa wantu weo na t̯uri wa ḍugha. Nawatsekaiya kuishi maisha yasiyo maana.

Waeburania 11:5

Kwa dzambo ḍya kwamba Henoke ewa kamuserefat̯a Muungu, Muungu kamuhwaa akiwa mojo ḅila kufwa na nkakuonekana kawii. Haya matsoro yamba, Henoke asidzahwajwa kwenda mbinguni dzuu, ewa kaishi maisha ya kumutsakiza Muungu.

Waeburania 13:16

Namutseyatsa kuwahendea mema wangine. Gijiijanani na hiviḍe mwivyonavyo, maanaye mukihenda hivyo, ni dza kuyavya mvuugiya zizonamutsakiza Muungu.

Waeburania 13:21

Nyakumuyombeani kwamba, huyu Muungu eyenangiza naghea, amumpe kula kintu chema mwicho na t̯uri nacho mupate kuhenda miroye. Na nyakuyombani kwamba, kuchiiya na kwa Yesu Kirist̯o, Muungu ahende hayaḍe yeyonamutsakiza kuzimuni mwehu. Na Yesu ashad̯we maishi na maishi, Amina.

2 Pet̯ero 1:8

Ndookomu haya haya yonse yakimudzaa, munawa wantu wa kumuhendea Muungu kazi nyema, na maisha yenu yanamuvyaiya Muungu matunda mema, huku mukigija kumumanya Ḅwana jwehu Yesu Kirist̯o zaid̯i na zaid̯i.

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.

1 Yohana 3:22

Na kula hwichonamuyomba anachihupfa, kwa dzambo ḍya kwamba hwakuzigijani hizi amuri zakwe na kuhenda yeyonamutsakiza.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.

3 Yohana 1:6

Hawa hawa wantu waḍisumwiiya hiḍi tsanganiko dzuu ya haya matsakoyo kwao. Ḍinawa dzambo dzema ukiwangiza kwendeleani na charo chao na njia ya kwamba inamutsakiza Muungu.