Ela Iburahimu kamwamba, ‘Mwanangu, kumbuka kwamba wewe kupfegwa memayo yonse maishani mwako, huku Lazaro akipata mazuka menji. Ela sasa jeje kakuingamazwani huku awe ukioneswa tsungu.
Yesu kawambukuya kawamba, “Manyani muntu atsekudzamwaarya. Koro wenji wadzadzifwariza kudza kwa sari ḍyangu wakyamba, ‘Mimi ndimi huyu *Masiya,’ na ‘Ngera ya mwiso ifika!’ Ela namutsewahikiza.
Muntu natsedzikulakula. Ikiwa kwamba yuḍejwonse kahi yenu kakudzihwaani dza karo jwa huju huju lumwengu, nadzihendeze ḍyura apate kuwa karo jwa ḍugha.
Mukiwa wantu wa kusikiiya chuuwo cha Muungu na kuchiyatsia pfapfo, mwakudzikulanikulani wenye. Ni muwe wantu wa kusikiiya chuuwo cha Muungu na kuhenda chivyokunenani.
Muntu akwakudzihwaani kwamba jeje ni muntu muchuuwo na huku nkawezi kut̯unza jwiimijwe, huyo kakudzikulanikulani mwenye, na kuwa muntu muchuuwo kwakwe, ntaku maana yaḍeyonse.