Wagalatia 5:2 - Pokomo

² T̯anisikiiyani! Mimi Paulo nyakumwambiani hivi: Ikiwa kwamba mudzingiza kuhinywani ili Muungu apate kumuhwaa kuwa wahachi, ḅasi kwenu, Kirist̯o kafwa ḅasi.

Wagalatia 5:2 ပူးပေါင်းရင်းမြစ်များ

Mahendo 15:1

Kenge wantu wangine wayawiyeo Yud̯aya wadza Antiokia waḍabva kuwayongweeza hawa wandugu wamba, “Mukitsahinywa dza vya *Sharia ya Musa imumalievyo, ntamut̯oweza kupfonywa.”

Mahendo 15:24

Husikia kwamba mudzijwa ni wantu wangine wa hichi kit̯aro chehu, wadziyeo wakimwambia vyuuwo vimungizievyo chengeo na kuḍanganika. Ela swiswi ntahukuwaḍama kudzahenda dzavyo.

Mahendo 15:5

Ela wangine wa hawa wahikiza weokuwa wa kit̯aro cha *Mafarisayo wasumama, wamba, “Ni had̯i hawa wantu wasiokuwa Wayahud̯i wahinywe na wayongweezwe kuiuḅa Sharia ya Musa.”

1 Wakorint̯o 16:21

Mimi Paulo, hi kedhya hi nyakuyorani na mukono wangu mwenye.

2 Wakorint̯o 10:1

Wangine wenu wanakwamba, mimi nipfonawa pfamodza nanywi ni mupfoozi mupfoozi, ela nipfonawa kuye nanywi nahenda mukali. Ela mimi Paulo, nyakunenani nanywi na umpowe na wema dza huḍe wa *Kirist̯o eokuwa nao.

Wagalatia 5:11

Wandugu zangu, t̯ambere mimi nindeewa kusumwiiyani kwamba wantu ni had̯i wahinywe, sindeewa kukuntiswani d̯ina. Koro t̯ambere nindeewa kusumwiiyani hayo hayo ḅad̯ala ya kusumwiiya dzuu ya kufwa kwa Kirist̯o muhini mwa mpatsa, nindeewa sikuwatsowea hawa Wayahud̯i.

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

1 Watesalonike 2:18

Hwiiwa na hamu muno ya kuuja huko kwenu kawii. Mimi Paulo mwenye, niḍema kudza zaid̯i ya mweedha mumodza, ela Shaat̯ani kavihendeza vyumu kwehu kudza.

Filemoni 1:19

Hapfa, mimi Paulo nyakworani na mukono wangu mimi mwenye, kwamba, “Akiwa na rando ḍiḍeḍyonse naḍiipfa mimi.” Na ntai haḍya ya kukukumbusya kwamba, hat̯a nawe una rando kwangu kwa dzambo ḍya haya maisha mapfya upatiyeyo kuchiiya nami.

Filemoni 1:9

Ela kwa dzambo ḍya hivi hutsakananiyevyo, niona kwamba heri nikuyombe kuliko kukuamuru. Ndiyo maana mimi Paulo niiye jarisa, na nifungijwee gerenzani kwa dzambo ḍya Yesu, nyakukuyombani dza ḅamujo.

Waeburania 4:2

Swiswi huyasikia haya *Maagu Mema yasumwiijweyo kwehu, dza viviḍe vya hawa weokuwa hukuḍe yuwandani wayasikiiyevyo. Ela wao, haya Maagu Mema ntayakuwafaiḍi kintu, kwa kwamba ntawakuyahikiza.