Wagalatia 5:16 - Pokomo

¹⁶ Nichokumwambiani ni kwamba, mwenendo wenu unamala kuyongojwa ni huyu Ruhu jwa Muungu, na ndipfo ntamuwezi kut̯imiza t̯amaa zenu za kimwii.

Wagalatia 5:16 ပူးပေါင်းရင်းမြစ်များ

Warumi 6:12

Ndookomu namutseiyatsa nabvise iit̯awale kawii hi mii yenu ya kufwa. Namutseiyatsa imuhendeze mukidzit̯oseza haḍya zenu nzuka nzuka za kimwii.

Warumi 8:1

Ndookomu sasa hawaḍe weokuishini hariani mwa Kirist̯o Yesu ntawawezi kuhukumigwa.

1 Wakorint̯o 7:29

Nichokunenani, wandugu, ni kwamba, hu muḍa usaiyeo ni mufufi. Na hangu hi hii saasambi, hawaḍe wahwaiyeo nawaishi dza kwamba ntawadzahwaa.

2 Wakorint̯o 7:1

Watsakwa, hizi hizi ahad̯i Muungu kazihuwekea swiswi. D̯ubva nahudzidherese kwa kuyatsa kula kintu chichonaihendeza mii yehu na ruhu zehu kutsaawa nd̯eru. Nahuishi maisha ya udheru muhupfu kwa dzambo ḍya kushooga kumutsowea Muungu.

Wagalatia 3:17

Nichokunenani ni kwamba: Muungu kaweka ḍamanoḍye na Iburahimu, kisa hi Sharia idzaidza nyuma, myaka magana mane na miyongo mihahu ḅaad̯aye. D̯ubva hi Sharia ntaiwezi kuḍivunza hiḍi ḍamano wala kuinuya hi ahad̯i ya Muungu.

Wagalatia 6:8

Akiima kuuḅana na t̯amaa zakwe nzuka nzuka za kiwanaad̯amu, anavuna mananzi kuyawana na hizi t̯amaa zakwe. Ela eyenaima kuuḅana na huyu Ruhu, anavuna maisha ya kuunga na yuungo kuyawana na huyu Ruhu.

Waefeso 2:3

Naswi swiswi, hwonse d̯ura hwiiwa dzao. Hwikidzitsekeza myojo yehu na kula zuka, hukiuḅa t̯amaa zehu nzuka nzuka na mat̯aro yehu ya kiwanaad̯amu. Swiswi, dza wanaad̯amu wangine wonse, hwiiwa wantu wa kwamba Muungu andehuadhiḅu kwa dzambo ḍya kumurejesa na nabvise zehu.

Wakolosai 2:11

Na kwa dzambo mwaa hariani mwa Kirist̯o, mwaa dza wantu muhinyijweo. Si ya kwamba muhinywa kimwii, ela muhinywa kiruhu, koro Kirist̯o kazimunwiiya hizi t̯amaa zenu nzuka nzuka mwizokuwa nazo.

1 Pet̯ero 1:14

Wani wana wat̯iifu kwa Muungu. Na mahendo yenu nayatset̯awaligwa ni hiziḍe t̯amaa mwizokuwa nazo musidzaimanya hi hachi.

1 Pet̯ero 1:22

Na sasa, kwa dzambo muit̯ii hi hachi, mudhereswa kuyawana na nabvise zenu, na muwatsaka na mojo hawa wahikiza wenzenu. D̯ubva tsakanani na mojo ḍugha,

1 Pet̯ero 2:11

Wandugu zangu mwiwokukaani dza wageni humu lumwenguni, nyakumuyombani mudzichinge na t̯amaa nzuka nzuka za kimwii zizokujwanani na hizi ruhu zenu kut̯wa.

1 Pet̯ero 4:6

Koro ndiyo maana haya *Maagu Mema yasumwiijwa hat̯a kwa hawaḍe wafwiyeo kae, ili kwamba ingawa mii yao ifwa, ela ruhu zao ziweze kuishi dza vya Muungu evyokuishini.