Wagalatia 3:11 - Pokomo

¹¹ Hivi ni wazi kwamba, Muungu nkamuhwae muntu kuwa muhachi kwa dzambo ḍya kuuḅa hi Sharia. Koro vyoregwa kwamba, “Huyuḍe jwa Muungu eyenamuhwaa kuwa muhachi kwa dzambo ḍya faroye, huyo anaishi maisha ya ḍugha.”

Wagalatia 3:11 ပူးပေါင်းရင်းမြစ်များ

Warumi 1:17

Koro hi injili inahuyanga wazi tswee namuna ya Muungu evyonawahwaa wantu kuwa wahachi usoni kwakwe. Muungu anamuhwaa muntu kuwa muhachi kuuḅana na hiviḍe amuhikiziyevyo Muungu t̯u. Dza vya matsoro yaneneyevyo yakyamba, “Huyuḍe jwa Muungu eyenamuhwaa kuwa muhachi kwa dzambo ḍya faroye, huyo anaishi maisha ya ḍugha.”

Wagalatia 2:16

Kenge humanya ya kwamba Muungu anamuhwaa muntu kuwa muhachi kuchiiya na kwa kumuserefat̯a Yesu Kirist̯o t̯u, si kwa kuuḅa hi Sharia. Ndiyo maana hat̯a naswi, humuserefat̯a Kirist̯o Yesu hupate kuwa wahachi kwa Muungu kuchiiya na kwa faro hwiyonayo kwa Kirist̯o, ela si kwa kuuḅa hi Sharia. Koro Muungu nkanamuhwaa benaad̯amu yuḍejwonse kuwa muhachi kwa dzambo ḍya kuuḅa hi Sharia.

Waeburania 10:38

Wantu wangu, weonahenda miro yangu, wao wananiserefat̯a na wanaishi kwa faro. Ela yuḍejwonse kahi yao adzeyeujia nyuma, huyo sitsakizwe nae.”

Yakobo 1:27

Muntu jwa Muungu Baba jwehu eyenamuhwaa kuwa muntu muchuuwo jwa ḍugha na asiye t̯amba, ni huyuḍe eyenat̯unza wake wachiwa na wana wachiwa weo na d̯ina, na kudzit̯unza mwenye atsedzinanga kwa kuhenda mazuka ya wantu wa huju huju lumwengu.

Yakobo 3:2

Gula ni ḍugha, kwamba wantu wonse hunakaa hukahenda matsowa kut̯wa, ela hawaḍe weonaweza kuzit̯unza hizi nyiimi zao, wao wangora na wanaweza kudzimiza kwa kula hali.

Upfenuo wa Yohana 5:9

Wamwimbia wiya mupfya wakyamba, “Wewe unamala kuchihwaa hichi chuo, uivunze hi mihuri yakwe. Koro wewe kuyagwa, na kwa mwaziwo, kumukombowea wantu Muungu. Wewe kumukombowea wantu, wa kuyawa kula nsi na kyeet̯i na lugha.