Wagalatia 2:8 - Pokomo

⁸ Waimuka ya kwamba, huyu Muungu amutsaniye Pet̯ero dza *ntumi kwa hawa Wayahud̯i, ndiye anitsaniye mimi dza ntumi kwa wantu wa vyeet̯i.

Wagalatia 2:8 ပူးပေါင်းရင်းမြစ်များ

Mahendo 1:25

ahwae pfantu pfa uhumisi dza ntumi. Hu ni uhumisi wa Yud̯a ayatsiyeo kwenda ekonamala kuwa.”

Mahendo 1:8

Ela Ruhu Mudheru adzepfomusukia, munadzazwa nguvu. Munawa mashaahiḍi wangu hangu Yerusalemi na nsi yonse ya Yud̯aya, Samaria, na hat̯a yukungo jwa lumwengu.”

Mahendo 15:12

Kit̯aro chonse kiḍunda mya. Wamupfindiiya Baranaba na Paulo wakwakusumwiiyani hivi vihambwiizo na mafara makuu ya Muungu awapfiyeyo kuhenda kahi ya hawa wantu wa vyeet̯i.

Mahendo 19:26

Nanywi wenye mwakudzioneyani na kusikia haya ya Paulo eyokuhendani. Anakwamba hi miungu iyonaumbwa ni wantu si miungu meshi. Na wantu wenji wesakuhikiza ya kwamba haya eyokunenani ni ḍugha. Paulo nkakuhenda hivi hapfa Efeso t̯u, ela hat̯a na hafufi ḍyimbo zima ḍya Asia.

Mahendo 21:19

Paulo kawakedhya makisa kawapfa maagu chorora dzuu ya kula kintu cha Muungu ahendeyecho kahi ya wantu wa vyeet̯i vingine kuchiiya na kwa kaziye.

Mahendo 22:21

Ela Ḅwana kanyamba, ‘Enda, nyakukuhumani kuye kwa hawa wantu wa vyeet̯i vingine.’ ”

Mahendo 4:4

Kenge wantu wenji wasikiiyeo haya ya Pet̯ero na Yohana wasumwiiyeyo, wayahikiza. Ndookomu wayume wamuhikiziyeo *Kirist̯o wenjipfa hat̯a wafika chima cha elefu nsano.

Mahendo 8:17

Makisa Pet̯ero na Yohana wawapfaza mikono hawa wahikiza, nao wamupfokea Ruhu Mudheru.

Mahendo 9:15

Kenge Ḅwana kamwambia Anania, “Enda t̯u koro nimutsana kwa kazi ya mud̯a, aḍihendeze sari ḍyangu ḍimanyikane kwa wantu wa vyeet̯i na kwa mahaju, na kwa wantu wa Isiraeli.

1 Wakorint̯o 15:10

Ela kwa dzambo ḍya t̯ei ya Muungu anifwiiyeyo, nigala hivi niivyo, na hizi mvonize animpiyezo ntazikwenda ḅasi. Koro nihenda kazi na hiḍu kuchia hawa ntumi wangine wonse. Ela haswa haswa simi niihendeye, ni haya mat̯ola ya Muungu animpiyeyo kuihendea hi kazi.

1 Wakorint̯o 9:2

Hat̯a ingawa kwa wangine sikwaa dza ntumi, kwenu nywinywi mimi ni ntumi. Haya maisha yenu nywinywi wenye mwiyokukaani hariani mwa Ḅwana, ni ushaahiḍi kwamba mimi ni ntumi.

Wagalatia 3:5

Koro Muungu nkawezi kumukakanyia Ruhu jwakwe na kuhenda mambo ya mafara kahi yenu at̯i kwa dzambo mwakuiuḅani hi Sharia. Ela anahenda hivi ikiwa kwamba muyahikiza haya Maagu Mema musumwiijweyo.

Wakolosai 1:29

Ndiyo maana hi hii kazi nyakuihendani na hiḍu muno. Nyakujwanani kuihenda na nguvu zangu zonse za Kirist̯o animpiyezo.

1 Watesalonike 2:13

Swiswi huna saḅaḅu ya kumuyaviza ḍuḍa Muungu kut̯wa. Na saḅaḅu yehu ni kwamba, hwipfomusumwiiya chuuwo cha Muungu, nywinywi mukihikiza dza chuuwo cha Muungu. Ntamukuchihwaa dza chuuwo cha mwanaad̯amu, ela muchihwaa dza chuuwo cha Muungu ḍugha. Na hichi hichi chuuwo, chakumuhendezani nywinywi muhikiziyeo, muishi maisha mema.