Wagalatia 2:4 - Pokomo

⁴ na kwiwa wantu weowakitsaka ahinywe. Hawa ni wantu wadzihendezeyeo kuwa wahikiza, wakidzinyeeza-nyeeza wakidzingiza humu kit̯aroni mwehu. Wahunjiiya dza wad̯ozi wakitsaka kunanga hu uhuru wehu hwiwo nao hariani mwa *Kirist̯o Yesu, kwa kuhuhendeza wahumwa wa *Sharia ya Kiyahud̯i.

Wagalatia 2:4 ပူးပေါင်းရင်းမြစ်များ

Luka 5:38

Mvinyo mpya ni had̯i ingizwe kwa mifuko ya nchingo mpya!

Mahendo 15:1

Kenge wantu wangine wayawiyeo Yud̯aya wadza Antiokia waḍabva kuwayongweeza hawa wandugu wamba, “Mukitsahinywa dza vya *Sharia ya Musa imumalievyo, ntamut̯oweza kupfonywa.”

Mahendo 15:24

Husikia kwamba mudzijwa ni wantu wangine wa hichi kit̯aro chehu, wadziyeo wakimwambia vyuuwo vimungizievyo chengeo na kuḍanganika. Ela swiswi ntahukuwaḍama kudzahenda dzavyo.

Mahendo 20:30

Ngera zidzakudza za wantu wangine wa kit̯aro chenu wenye kunena nsuwe ili wawahendeze hawa wahikiza wawauḅe.

Warumi 8:15

Kwa kwamba Muungu nkakumumpa Ruhu jwa kumuhendeza wahumwa woga kawii, ela kamumpa Ruhu jwa kumuhendeza wana wa Muungu. Na huyo huyo Ruhu ndiye eyenahuwezesa hukwakumuyombani Muungu hukamuhana Baba jwehu.

2 Wakorint̯o 11:13

Hao hao wantu si ntumi wa ḍugha, mbwa nsuwe. Kazi yao nza makulekule na kudzihendeza dza ntumi wa Kirist̯o.

2 Wakorint̯o 11:17

Nikwakudzionani dzevihivi sikwakuuḅani hivi vya Ḅwana evyonatsaka hat̯a, nyakuhendekani dza ḍyura.

2 Wakorint̯o 11:20

Munait̯isia hat̯a wantu weonamuhendeza nywinywi dza wahumwa, ambu weonadzihendeza dza ndumi kwenu, ambu weonamuḍyuurisa, ambu weonadzihwaa dza wakuu, ambu weonamuhendea mazuka yangine menji na menji.

2 Wakorint̯o 11:26

Kuzimuni mwa vyaro vyangu vinji na vinji, nit̯ongana na hat̯ari za kuvuka matsana yadzaiyeyo na hat̯ari za wadhara. Nit̯ongana na hat̯ari za Wayahud̯i wenzangu na za wantu wasikwaa Wayahud̯i. Nit̯ongana na hat̯ari midzini, mbandani, na ḅaharini. Na nit̯ongana hat̯a na hat̯ari za wantu weonadzihana Wakirist̯o, katsi huku sivyo.

2 Wakorint̯o 3:17

Ḅwana ndiye huyu Ruhu. Na pfa Ruhu jwa Ḅwana epfonawa, hapfo kuna uhuru.

Wagalatia 1:7

Hayo hayo mayongweezo siyo hi injili ya hachi hat̯a. Kuna wantu weokutsakani kuinanga hi Injili ya Kirist̯o na wakumungizani kuḍanganika.

Wagalatia 4:25

Hagari kasumamia Murima wa Sinai wiwo Araḅuni. Kaa dza Yerusalemi ya yeo ambayo wantuwe ni wahumwa wa Sharia.

Wagalatia 4:3

Hat̯a naswi, *Kirist̯o asidzakudza, hwiiwa wahumwa wa masharia na maadha ya kilumwengu.

Wagalatia 5:1

*Kirist̯o kahuweka huru hupate kutsaishi dza wahumwa. D̯ubva ni musumame urembo, na mutseishi dza wahumwa kawii.

Wagalatia 5:10

Ela hat̯a vivyo, kwa dzambo ḍya uharia wehu kuzimuni mwa Ḅwana, nina uhakika kwamba ntamuwezi kuwa na mat̯aro garagara na haya yangu. Na huyu muntu eyekumwaaryani, hat̯a akiwa muntu ga, Muungu anamuhukumu t̯u.

2 Timoteo 3:6

Wangine wao wanadzingiza madzumbani mwa wantu, wakaheka akili za wake wasio musumamo, wazihopfejweo ni mpuha ya nabvise zao na wakit̯awaligwa ni kula aina ya t̯amaa.

Yakobo 1:25

Ela muntu akigija kuyauḅa haya mayongweezo yeyo mema na yeyonahuweka huru, na akitsakwaarerwa kuhenda hivi vya hichi chuuwo chivyonamwambia, Muungu anamuvodhya.

1 Pet̯ero 2:16

Ikaani dza wantu weo huru. Ela namutseutumia hu uhuru wenu kuhenda mazuka; kenge ikaani dza wahumisi wa Muungu.

2 Pet̯ero 2:19

Wanawaahid̯ia wantu uhuru, na hali wao wenye ni wahumwa wa mambo yeyonayeha mananzi. Kwa dzambo ḍya kwamba muntu anawa muhumwa jwa dzambo ḍiḍeḍyonse ḍimut̯awaliyeḍyo.

1 Yohana 4:1

Watsakwa, namutsemuhikiza kula muntu eyenakwamba ana Ruhu. Ishinu waḍemeni nguzi muwaone kwamba huyu ruhu jwao weyenae njwa Muungu ḍugha ambu hat̯a. Koro humu lumwenguni, kwisakuhandaiya manabii wa nsuwe wenji na wenji.

Yud̯a 1:4

Nyakunenani hivi kwa kwamba kuna wantu wangine wasiomumanya Muungu wadzinyeezeyeo-nyeezeyeo wakinjia kahi yenu. Hawa hawa wantu wakuyongweezani kwamba, at̯i hunaweza kugija kuishi maisha ya kuuḅa t̯amaa nzuka nzuka za kimwii koro Muungu anahufwiya t̯ei. Hukumu ya hawa hawa wantu iyavigwa hangu kae na kae, koro wamukana huyu Ḅwana jeje heket̯u hwiyenae, yani Yesu Kirist̯o.