Wagalatia 2:2 - Pokomo

² Nyenda kwa dzambo ḍya kwamba Muungu ewa kayanga kwamba nyende. Na nipfokwenda, niwaimusya hawa wayongozi wamanyikaniyeo t̯u hi Injili niyonasumwiiya kwa wantu wa vyeet̯i. Nihenda hivi ili kwamba haya niyokuhendani na hayaḍe niyohenda, yatsekudzatsovyegwa maana.

Wagalatia 2:2 ပူးပေါင်းရင်းမြစ်များ

Matayo 10:16

Yesu kagija kunena na wanafund̯iwe kawamba, “T̯asikiani, nyakumuhumani mwende dza mbuzi za hako kahi ya mahiyeye. D̯ubva wani makaro muno dza nyoka, ela pia ni muwe wampowe dza ndiwa.

Mahendo 15:12

Kit̯aro chonse kiḍunda mya. Wamupfindiiya Baranaba na Paulo wakwakusumwiiyani hivi vihambwiizo na mafara makuu ya Muungu awapfiyeyo kuhenda kahi ya hawa wantu wa vyeet̯i.

Mahendo 15:2

Paulo na Baranaba waḍaat̯iana nao vyumuni dzuu ya hiḍi dzambo. Ndookomu ihunikana kwamba Paulo na Baranaba pfamodza na wantu wangine wa hiḍi tsanganiko ḍya Antiokia, wende Yerusalemi wakaḍikaiye chihako hiḍi dzambo na hawa *ntumi na wazee.

Mahendo 15:4

Wepfofika Yerusalemi, wapfokejwa ni hiḍi tsanganiko, hawa ntumi na hawa wazee. Nao wawasumwiiya hayaḍe yonse ya Muungu ahendeyeyo pfamodza nao.

Mahendo 18:9

Nsiku modza nasiku, Ḅwana kanena na Paulo nzozini kamwamba, “Nkudzoshooge! Gija kusumwiiya pfasipfo kufwa mojo,

Mahendo 23:11

Huḍe sikuwe Ḅwana kasumama hafufi na Paulo na kamwamba, “Dzipfe mojo! Dzevi usumwiiyevyo dzuu yangu hapfa Yerusalemi, ni had̯i Rumi nako wende ukahende dzevi.”

Mahendo 5:34

Ela Mufarisayo mumodza ahanijwe Gamalieli, eyekuwa mwaalimu jwa *Sharia eyeakihilwa muno ni wantu kasumama hapfaḍe gasani. Kayomba hawa ntumi wanujwe kachuchu hapfaḍe gasani.

Warumi 9:16

Ndookomu kutsanigwa kwa muntu, ntakudze kwa muntu kudzihendea hiḍu jeje mwenye ambu kwa kutsaka kwakwe jeje mwenye, ela ni kwa t̯ei ya Muungu.

1 Wakorint̯o 1:23

Ela swiswi hwakusumwiiyani dzuu ya Kirist̯o, apfatsikijwe muhini mwa mpatsa. Na hiḍi hiḍi dzambo, kwa hawa Wayahud̯i ni t̯ukio, na kwa wantu wasiokuwa Wayahud̯i ni uḍyura muhupfu.

1 Wakorint̯o 2:2

Koro niihuna kutsasumwiiya ḍingine ḍiḍeḍyonse, lamud̯a ḍya Yesu *Kirist̯o na kufwakwe muhini mwa mpatsa.

1 Wakorint̯o 9:24

Mumanya ya kwamba mashindano ya mbio yananjijwa ni wantu wenji, ela ni muntu mumodza t̯u eyenashinda hizi mbio akapfegwa t̯ubvo. D̯ubva, d̯aramani dza wantu mwiwokutsakani kushinda hizi mbio mupfegwe t̯ubvo.

1 Wakorint̯o 9:26

Ndiyo maana sidzid̯aramiye ḅasi, na sijwane dza muntu eyekudzipfanukiiyani makonde ḅasi ḅasi.

2 Wakorint̯o 12:1

Gula kudziona kwangu ntaku maana yaḍeyonse, ela mimi nagija kudziona t̯u. Na sasa nanenea mambo ya Ḅwana aniyangiyeyo na akiyanipfenwiiya.

Wagalatia 1:12

Mimi sikuipfegwa ni mwanaad̯amu yuḍejwonse wala kuiyongweezwa ni muntu. Huyu ainipfenwiiye ni Yesu Kirist̯o mwenye.

Wagalatia 1:16

kumunipfenwiiya huyu Mwanawe ili nipate kusumwiiya haya *Maagu Mema dzuuye, kwa wantu wa vyeet̯i. Akimamunipfenwiiya Mwanawe akisa, sikulacha maghaghisa ya mwanaad̯amu yuḍejwonse,

Wagalatia 1:6

Mwakunimakisani t̯i! Hi hii mala mumakumud̯aramani Muungu amuhaniye muishi t̯eini mwakwe, na mumakuuḅani mayongweezo yangine?

Wagalatia 2:6

Hat̯a hawaḍe weokaa dza wayongozi wamanyikaniyeo, wewa ntawa kintu zaid̯i cha kwongeza kwa haya mayongweezo yangu. Na, kwamba hawaḍe wayongozi ni wantu wamanyikaniyeo ambu hat̯a ntavikwakunimud̯ani, koro Muungu nkapime muntu na hiviḍe evyonaonekana nanze.

Wagalatia 2:9

Yakobo, Pet̯ero na Yohana, wewa ndiwo hawa wayongozi wamanyikaniyeo muno. Na wepfosikia namuna ya Muungu aivodhyeevyo hi kazi yangu, wahupfa mikono ami na Baranaba, kuyanga kwamba wakuḅaliana na haya mayongweezo yehu. Husikiana kwamba swiswi husumwiiye wantu wasiokuwa Wayahud̯i nao wakawasumwiiye Wayahud̯i.

Wagalatia 5:7

Dzaambia mwikyenda ureembo! Ayu adziyeakimunjia na kahi akimuhendeza muiyatse hi njia ya hachi ni ga?

Wafilipi 2:16

huku mukikigija gu hichi chuuwo chichonawapfa wantu maisha. Mukihenda dza hivi, ndipfo nami nsiku ya Kirist̯o adzeyokudza nawa na saḅaḅu ya kudzivunia, koro idzayanga tswee kwamba hi kazi nihendeyeyo sikufwa ḅasi.

Wafilipi 2:29

D̯ubva mupfokeyeni na tsekea yonse dza muntu jwa Ḅwana. Wahileni na wangine wonse weo dzae,

1 Watesalonike 3:5

Ndiyo maana, nipfodhimwa kukaa ḅasi pfasipfo kumanya kiḍechonse dzuu yenu, nimuhuma Timoteo kwenu adzeamanye kwamba e faro yenu muigija na nguvu ambu hat̯a! Niiwa na wasiwasi wa kwamba, Shaat̯ani atseewa kwamba kamamungiza maḍemoni na kamuhendeza muiyekeze hi faro yenu, ne kazi yehu ya kufwa na kupfona huhendeyeyo kahi yenu, iwe kwamba huhenda kazi ya ḅasi.

2 Timoteo 4:7

Dza vya muntu jwa mbio, nihenda kula niwezeyecho na hizi mbio nizid̯arama nizisa, na faro yangu sikuiyekeza.

Waeburania 12:1

D̯ubva, kwa kwamba hwakuyojwani ni wingu kuu na kuu ḍya mashaahiḍi wayangiyeo faro zao, nahuyekeze kula chichonahugija-gija na huiyatse hi nabvise iyonatsaka kuhuhabvaka. Nahud̯arame na d̯iḍa hizi mbio hungizijwezo.