Wagalatia 1:8 - Pokomo

⁸ Ela nichokumwambiani ni hichi: Ikiwa kwamba mumodza jwehu ambu hat̯a malaika jwa kuyawa mbinguni kadza kamusumwiiya injili ingine iyo garagara na hiḍe hwiyomusumwiiya, Muungu namufat̯ule kwa moho usiwozimika!

Wagalatia 1:8 ပူးပေါင်းရင်းမြစ်များ

Matayo 25:41

Yesu kagija kunena kamba, “Makisa huyu haju kadzawaperukia hawaḍe weo mukono tsonso wakwe awambe, ‘Haya ninukiani hapfa nywinywi wantu muḍuijweo! Endani kwa moho usiozimika maishi, welekanyijweo kwa dzambo ḍya Shaat̯ani na malaikawe.

Marko 14:71

Pet̯ero kayapfa kamba, “Hachi nayapfa usoni kwa Muungu kwamba, huyo huyo muntu mwiyekunenani simudzi! Na ikiwa kwamba nyakunenani nsuwe, ḅasi Muungu nanihukumu!”

Mahendo 23:14

Makisa wawaḍaabvat̯a hawa wakohani wakuu na wazee wa Kiyahud̯i wenda wawamba, “Huḍya muma pfamodza wa kutsaaḍya kiḍechonse hat̯a hudzepfomuyaga Paulo.

Warumi 16:17

Na sasa wandugu zanguni, nyakumuyombani kwamba mudzit̯unze na hawa wantu weonayongweeza mayongweezo ya kwaarya wantu, yakayeha kutsaimukana na wantu wakaḅaikana vit̯aro vit̯aro. Haya weyokuyongweezani ni garagara na haya mayongweezo muyongweezejweyo. Wantu dzao wakaiyeni kuye.

Warumi 9:3

kwa dzambo ḍya hawa wandugu zangu, Waisiraeli. Hat̯a nat̯amani kwamba heri Muungu andeniḍuwa mimi mwenye na anit̯anye na Kirist̯o kafu, t̯ambere hiḍyo hiḍyo ḍindeweza kuwapfonya!

1 Wakorint̯o 12:3

D̯ubva natsaka mumanye ya kwamba, ntaku muntu eyenawa kuyongojwani ni Ruhu jwa Muungu eyenaweza kwamba, “Yesu naḍujwe.” Na ntaku eyenaweza kwamba, “Yesu ni Ḅwana,” ikiwa kwamba nkakwakuyongojwani ni Ruhu Mudheru.

1 Wakorint̯o 16:22

Yuḍejwonse asiyemutsaka Ḅwana, huyo kaḍujwa. Ḅwana jwehu, nzoo!

Wagalatia 1:9

Hukuḍe nyuma hwiivinena, na sasa nyakuviujiani kawii: Yuḍejwonse eyekumusumwiiyani injili iyo garagara na hiḍe mupfokeeyeyo, Muungu namufat̯ule kwa moho usiwozimika!

Wagalatia 3:10

Hawaḍe wonse weonadzikwat̯ya kuuḅa hi Sharia wa nsii ya ḍuo. Koro vyoregwa kwamba, “Yuḍejwonse asiyegija kuuḅa kula chorejwecho humu Shariani, huyo kaḍujwa.”

Wagalatia 3:13

Ela Kirist̯o kahukombowa kuyawana na hiḍi ḍuo ḍye Sharia epfoḍidzihwaiya kwa dzambo ḍyehu. Koro vyoregwa kwamba, “Yuḍejwonse apfatsikijwe muhini, Muungu kamuḍuwa.”

Tito 3:10

Na muntu jwa kuyeha migawikano, mukanye ḍya d̯ura na ḍya pfii, na akitsasikia, yawana nae.

2 Pet̯ero 2:14

Hawa ni wantu waḍuijweo, koro ntawa kazi ingine, kazi yao ni kwendea wake mashudha t̯u! Ntawafurume kuhenda nabvise maishi, koro myojo yao ibarat̯a uhamile. Wanawasarat̯a hawaḍe weonaheeka kiurahisi na wakawagisa nabviseni.