Wafilipi 1:28 - Pokomo

²⁸ Hawa weokumupfingani namutsewashooga hat̯a kachuchu. Na hivi vinawahendeza wanahambuya tswee kwamba wao wanashindwa ela nywinywi munashinda, koro eyenamumpa kushinda ni Muungu.

Wafilipi 1:28 ပူးပေါင်းရင်းမြစ်များ

Matayo 10:28

Namutsewashooga hawaḍe weonaweza kumuyaga mii ḅasi na hali ntawa uwezo wa kuziyaga ruhu zenu. Ela mushoogeni Muungu, koro jeje ana uwezo wa kungiza *mohoni mwii na ruhu ya muntu, na avinange-nange tswee.

Marko 3:3

Yesu kamuhana huyuḍe muntu ahinamfiye hu mukono kamwamba, “Nzoo hapfa usoni.”

Luka 3:6

Wantu wonse wadzaiona njia ya mupfonyo wa Muungu.’ ”

Yohana 16:8

Na adzepfokudza, kadzajuyanga huju lumwengu hi ya hachi dzuu ya nabvise, na dzuu ya kut̯alijwa hachi usoni kwa Muungu na dzuu ya hukumu.

Mahendo 28:28

Paulo kesa na kuwamba, “D̯ubva mumanye ya kwamba, maagu ya mupfonyo yapfiikijwa wantu wa vyeet̯i vingine. Wao wanayasikiiya!”

Warumi 8:17

Kwa kwamba hu wanawe, ḅasi hizi mvoni aziwawekeeyezo wantuwe hunazipata, na hunazipfokea pfamodza na Kirist̯o, kwa kwamba kula kintu cha Muungu amumpiyecho Kirist̯o, naswi pia nchehu. Ela hukitsaka kunjia maremboni pfamodza na Kirist̯o, ni had̯i hukuḅali kukunta d̯ina dza viviḍe vyakwe akuntiyevyo d̯ina.

1 Watesalonike 2:2

Nywinywi wenye, mumanya namuna ya wantu wa mudzi wa Filipi wahukuntisiyevyo d̯ina na kuhuhendea mambo mazuka mazuka. Ela hat̯a vivyo, Muungu kahupfa mojo wa kudza kwenu hudzehumusumwiiye haya maagu yakwe mema, hat̯a ingawa huku kwenu nako kwiwa upinzani mukali.

Waeburania 13:6

D̯ubva hunaweza kunena pfasipfo oga, hwambe, “Ḅwana ndiye mugijiija jwangu, siwezi kuwa na oga. D̯ubva mwanaad̯amu anaweza kunihenda kintu ga mimi?”

Upfenuo wa Yohana 2:10

Mudzakuntiswa d̯ina zaid̯i na zaid̯i mahafufini. Ela namutseshooga. T̯asikiani, Shaat̯ani njwakumuyehea maḍemo ya kuhendeza wangine wenu wangizwe magerenzani. Munawa d̯inani kwa muḍa wa nsiku kumi. Nywinywi hat̯a ni kufwa fwani, ela namutseiyekeza faro yenu. Nami namumpa t̯ubvo ḍya maisha ya kuunga na yuungo.