Waefeso 5:32 - Pokomo

³² Hapfa kuna siri nkuu iyokuneneani namuna ya Kirist̯o na hiḍi tsanganiko waivyo kintu kimodza.

Waefeso 5:32 ပူးပေါင်းရင်းမြစ်များ

Yohana 3:29

Ḅiḅi harusi, muumewe ni huyu ḅwana harusi. Ḅamujwe huyu ḅwana harusi anatsekea kusumama mya amusikiiye huyu ḅwana harusi akwakunenani. Yesu ndiye huyu ḅwana harusi nami ndimi huyu ḅamujwe, ndookomu mimi nina tsekea muno.

2 Wakorint̯o 11:2

Nimumuud̯amia dza hivi vya Muungu amumuud̯amiiyevyo. Koro natsaka muwe wahikizika kwa *Kirist̯o, dza hiviḍe vya mwanamuke evyonawa muhikizika kwa huyu muyume jwa kumuhwaa, akakaa dza mwanamuke galit̯ama hat̯a adzepfoyozwa.

Waefeso 5:31

Na haya matsoro yamba, “Ndiyo maana muntu anamuyatsa ise na nina, anaungana na mukaziwe, nao wowii wanawa mwii mumodza.”

Waefeso 5:33

Hat̯a vivyo, haya yanamuhusu nanywi pia. D̯ubva kula muyume ni had̯i amutsake mukaziwe dza adzitsakiyevyo mwenye, na kula muke ni had̯i amuhile muumewe.

Waefeso 6:19

Niyombeani nami, ili kwamba kula nipfonapata kut̯amuka kunena, Muungu animpe hivi vyuuwo vya kunena, nipate kuwasumwiiya wantu pfasipfo oga dzuu ya hi ngadzi ya haya Maagu Mema.

Wakolosai 2:2

Nyakuhendani hivi nipate kumungiza mojo na mupate kutsakana muno, na mupate kuwa dza kintu kimodza. Natsaka muwe na uhakika kaḅisa kwamba hichi chuuwo cha Muungu ncha hachi, ili kwamba hi ngadzi ya Muungu, yani *Kirist̯o, mumuimuke urembo.

1 Timoteo 3:16

Na ya kwamba hi ngadzi ye faro yehu ni nkuu, hayo hayo ntaya kajela. Kirist̯o kadza lumwenguni dza mwanaad̯amu, na kayanganywa ni huyu Ruhu kwamba ni muhachi. Kaonegwa ni malaika, na nsumwiizi dzuuye zisumwiijwa kwa vyeet̯i vingine vyonse. Kahikizwa ni wantu wa lumwengu yuzima, na kahwajwa kwenda kwa Muungu mbinguni dzuu.

1 Timoteo 3:8

Wahumisi wa matsanganiko nao, ni kuwa wantu wa t̯aḅia nyema na weonahikizika. Ni had̯i watseewa wantu wa kunwa mvinyo muno ambu wantu wahamile wa kudzilachia fwedha.

Upfenuo wa Yohana 21:2

Na niuona hu mudzi mudheru, yani Yerusalemi mpya, ikwakusukani kuyawa mbinguni kwa Muungu. Hu mudzi wiwa upambwa urembo dza ḅiḅi harusi apambijwee na akiwa t̯ayari kwa dzambo ḍya muumewe.