Waefeso 5:25 - Pokomo

²⁵ Nywinywi wayume nanywi, watsakeni wakazenu dza vya Kirist̯o aḍitsakiyevyo hiḍi tsanganiko hat̯a akiḍifwiya.

Waefeso 5:25 ပူးပေါင်းရင်းမြစ်များ

Matayo 20:28

Koro hat̯a nami mimi Mwana jwa Ad̯amu sikudzia kuhumikijwa, ela nidza dza muhumisi. Na pia nidzia kuyayavya maisha yangu yawe mupfonyo wa wenji.”

Yohana 6:51

Mimi ndimi hichi chakuḍya kiyawiyecho mbinguni, chichonapfa wantu maisha. Kula eyenaḍya hichi hichi chakuḍya anakaa mojo maishi. Hichi hichi chakuḍya ni hu mwii wangu, nidzeouyavya kwa dzambo ḍya kujupfa maisha huju lumwengu.”

Mahendo 20:28

Dzit̯unzeni wenye na kuwat̯unza wahikiza wonse wayatsijweo mikononi mwenu ni Ruhu Mudheru. Wani wat̯ikisa wa tsanganiko ḍya Muungu, aḍidzigwiiyeḍyo kwa mwazi wa Mwanawe.

Wagalatia 1:4

Kirist̯o kadziyavya maishaye kahufwiya, apate kuhunwiiya nabvise zehu ili ahupfonye na mazuka ya wantu wa huju huju lumwengu. Hivi kavihenda kuuḅana na miro ya Muungu, eye Baba jwehu.

Wagalatia 2:20

Nifwa kufwa kuzuka dza vya Kirist̯o afwiyevyo muhini mwa mpatsa. Ndookomu sikwakuishini dza nivyonikiishi d̯ura, koro sasa Kirist̯o kakuishini kuzimuni mwangu. Na haya maisha niyokuishini hi hii saasambi, nyakuishini kwa kumuserefat̯a jeje Mwana jwa Muungu, anitsakiye hat̯a akiyayavya maishaye kwa dzambo ḍyangu.

Waefeso 5:2

Ishini maisha ya kuwa na matsako kwa wangine dza vya *Kirist̯o ahutsakiyevyo hat̯a akidziyavya maishaye dza mvuugiya kwa dzambo ḍyehu. Hii ni mvuugiya imutsakizieyo Muungu.

Waefeso 5:24

D̯ubva nywinywi wake ni muwat̯ii wayume wenu kwa kula kintu, dza hiviḍe vya hiḍi tsanganiko ḍivyonamut̯ii Kirist̯o.

Waefeso 5:28

Dza vya Kirist̯o aḍitsakiyevyo hiḍi tsanganiko, kula muyume nae anamala kumutsaka mukaziwe dza adzitsakiyevyo mwenye. Koro muntu akimutsaka mukaziwe kadzitsaka jeje mwenye.

Waefeso 5:33

Hat̯a vivyo, haya yanamuhusu nanywi pia. D̯ubva kula muyume ni had̯i amutsake mukaziwe dza adzitsakiyevyo mwenye, na kula muke ni had̯i amuhile muumewe.

Wakolosai 3:19

Nywinywi wayume nanywi, watsakeni wakazenu na mutseewa wakali kwao.

1 Timoteo 2:6

Jeje kayavya maisha yakwe kuwa ḍiba ḍya kuwapfonya wantu wonse. Na huu ndiwo ushaahiḍi udziyeo na wakati mwema kuyanga kwamba Muungu anatsaka wantu wonse wapfonywe.

1 Pet̯ero 3:7

Nywinywi wayume nanywi, ikaani na umpowe na wakazenu, mukimanya kwamba wake ni viumbe vidhaifu. Wahileni, koro hi t̯ola ya Muungu ya maisha ya kuunga na yuungo, wanaipfokea pfamodza nanywi. Mukikaa nao dza hivi, ntakuwe na kiḍechonse cha kut̯iidhya mayombo yenu kusikijwa.

Upfenuo wa Yohana 5:9

Wamwimbia wiya mupfya wakyamba, “Wewe unamala kuchihwaa hichi chuo, uivunze hi mihuri yakwe. Koro wewe kuyagwa, na kwa mwaziwo, kumukombowea wantu Muungu. Wewe kumukombowea wantu, wa kuyawa kula nsi na kyeet̯i na lugha.