Waefeso 5:23 - Pokomo

²³ Koro muyume ni kitswa cha muke, dza hiviḍe vya Kirist̯o aivyo kitswa cha hiḍi tsanganiko ḍiḍyo dza hu mwiiwe. Na jeje ndiye mupfonya jwa hiḍi tsanganiko.

Waefeso 5:23 ပူးပေါင်းရင်းမြစ်များ

Mahendo 20:28

Dzit̯unzeni wenye na kuwat̯unza wahikiza wonse wayatsijweo mikononi mwenu ni Ruhu Mudheru. Wani wat̯ikisa wa tsanganiko ḍya Muungu, aḍidzigwiiyeḍyo kwa mwazi wa Mwanawe.

1 Wakorint̯o 6:13

Muntu anaweza kwamba, “Chakuḍya ncha hiḍi humbo, na humbo ndya chakuḍya.” Ela nsikuye Muungu kadzavinanga vyonse. Koro mwii wa muntu si wa kutumika kwa mambo ya uḅari, ela mbwa kumuhumikia Ḅwana, na Ḅwana ndiye mut̯awala jwa mii yehu.

Waefeso 4:15

Ishinu hunagija kuiuḅa hi hachi huku hukiwa na mojo wa kutsakana. Ndookomu kwa kula njia, hunakuya hunawa dza Kirist̯o, eye kitswa cha hiḍi tsanganiko.

Waefeso 5:24

D̯ubva nywinywi wake ni muwat̯ii wayume wenu kwa kula kintu, dza hiviḍe vya hiḍi tsanganiko ḍivyonamut̯ii Kirist̯o.

Wakolosai 1:18

Dza vya kitswa kiivyo kwa mwii, ndivyo vya Kirist̯o aivyo muyongozi jwa hiḍi tsanganikoḍye. Ndiye jwa d̯ura afufukie na akiwa na maisha ya kuunga na yuungo. Ndookomu ka dzuu ya kula kintu.

1 Watesalonike 1:10

Na pia, wakunenani namuna mwivyokumuindiiyani huyu Mwana jwa Muungu, yani Yesu, adze kuyawa mbinguni. Na huyu huyu Yesu ndiye jwa Muungu amufufwiiye kuyawa kwa wafu na ndiye ahupfonyeye na ngoro ya Muungu idzeyokudza.

Upfenuo wa Yohana 19:7

Kwa tsekea nyinji, nahumushad̯eni na kumukuzya jeje. Koro hi harusi ya huyu Mwana Mbuzi imafika, na huyu ḅiḅi harusi kesakudzielekanya kwe harusi.

Upfenuo wa Yohana 5:9

Wamwimbia wiya mupfya wakyamba, “Wewe unamala kuchihwaa hichi chuo, uivunze hi mihuri yakwe. Koro wewe kuyagwa, na kwa mwaziwo, kumukombowea wantu Muungu. Wewe kumukombowea wantu, wa kuyawa kula nsi na kyeet̯i na lugha.