Waefeso 4:28 - Pokomo

²⁸ Ikiwa kwamba wiwa u mwivi, sasa yatsa wivi. Yavya hwekaḍyo kudzilachia kantu na upate cha kuwapfa na hawaḍe weo na t̯uri.

Waefeso 4:28 ပူးပေါင်းရင်းမြစ်များ

Luka 19:8

Ela Zakayo kasumama kamwamba Ḅwana, “Ḅwana, nahwaa nusu ya vija nivyo navyo, naviwapfa makowesa. Na ikiwa kwamba niwa nihwaa kuwa kwa muntu kuchia chima na makulekule, namuujiza myeedha mine zaid̯i.”

Luka 3:8

Ikiwa kwamba mupfyehuza mama ḍugha, ḅasi ishini maisha ya kuyanga kwamba muziyatsa nabvise zenu. Na wala namutsedzihwaiya kwamba mu wadheru usoni kwa Muungu kwa kwamba mu kivyazi cha Iburahimu. Koro hachi nyakumwambiani, Muungu anaweza kuyahwaa haya mawe haya, na ayapfyehuze kuwa yuvyee jwa Iburahimu.

Yohana 12:6

Yud̯a nkakunena hivi kwa dzambo ḍya kwamba ewa na muud̯ama ya masikini ḍugha, ela kanena hivi kwa kwamba, jeje ewa ndiye mut̯unza nkandi ya hawa wanafund̯i. Na ewa kabarat̯a kukaa na kuinyafura kachuchu kachuchu akaitumia kwa haḍya zakwe mwenye.

Yohana 13:29

Ela kwa dzambo ḍya kwamba Yud̯a ewa ndiye huyu mut̯unza nkandi jwao, wangine wao wat̯ara ya kwamba Yesu ewa kamwamba ende akaguye vija vye nsikunkuu. Na wangine wat̯ara ya kwamba kamwamba endeakawapfe kintu masikini.

Warumi 12:13

Hivi mwivyonawa navyo, wageyeni na wantu wa Muungu wangine weo na t̯uri. Na pia ikaani na kuwakaraḅisha wageni madzumbani mwenu.

1 Wakorint̯o 4:12

Hwakudzikukani kwa kudzihendea kazi na mikono yehu. Wantu wakihutsola aswi hunawavodhya; wakihukuntisa d̯ina, swiswi hunait̯isa.

2 Wakorint̯o 8:12

Koro muntu eye na mojo wa kuyavya, Muungu anapfokea hichiḍe echonaweza kuyavya; si ya kwamba anamuyoweeya muntu ayavye asichokuwa nacho.

2 Wakorint̯o 8:2

Hawa wahikiza wa Makedonia wapatwa ni maḍemo makali muno kwa dzambo ḍya hizi d̯ina wakuntiyezo, ela tsekea yao, iyokuwa nkuu muno, ntaikuwayawa. Na umasikini wao wonse, wayavya wevyokuwa navyo na mojo wa ubalicha.

Wagalatia 6:10

D̯ubva, nahuhende mambo mema kwa wantu wonse kula hwipfonapata namfasi. Na haswa nahuwahendeye mema hawaḍe weo wahikiza wenzehu.

1 Timoteo 6:18

Waamuru wahende mema, wawe majabva wa mahendo mema, wawe wabalicha na wawe wantu wa kugeana wevyonavyo.

Tito 3:14

Hawa wantu wehu ni kudziyongweeza kuhendea wantu mema, wayavye vyao kwa wantu weo na t̯uri wa ḍugha. Nawatsekaiya kuishi maisha yasiyo maana.

Tito 3:8

Hivi ni vyuuwo vya ḍugha. Natsaka uyangizie hiḍu haya mambo, ili kwamba hawaḍe wamuhikiziyeo Muungu, wamuud̯amie kuhenda mambo mema. Wakihenda hivi ni urembo na vina maana kwa kula muntu.