Waefeso 3:19 - Pokomo

¹⁹ Nyakumuyombeani kwamba muweze kuḍiimuka hiḍi hiḍi tsako ḍya Kirist̯o ḍichiiyeḍyo kuimuka kwa wanaad̯amu, ili kwa kula namuna muweze kuwa na hu ukamilifu wa Muungu eo nao.

Waefeso 3:19 ပူးပေါင်းရင်းမြစ်များ

Matayo 5:6

Wadzawa na tsekea iyodze hawaḍe weo na nzaa na nchiu ya kuhenda miro ya Muungu, koro Muungu kadzawakusya.

Yohana 1:16

Na kuyawana na winji wa matsakoye kwehu, hwonse kahuhendea wema mwinji na mwinji.

Yohana 17:3

Na maisha ya kuunga na yuungo, ni kukumanya wewe wiye Muungu jwa ḍugha wewe heket̯u, pfamodza na kunimanya nami mimi Yesu *Kirist̯o unihumiye.

Warumi 8:35

D̯ubva ni ga eyenaweza kuhut̯anya na tsako ḍya Kirist̯o kwehu? Yuhangaiko ambu mad̯ina, vinaweza kuhut̯anya na tsako ḍya Kirist̯o? Kukuntiswa d̯ina, nzaa ambu umasikini vinaweza kuhut̯anya na tsakoḍye? Ehe hat̯ari iḍeyonse ambu kifo vinaweza kuhut̯anya? Moro ntaviwezi!

Warumi 8:39

Ntaku kiḍechonse chicho mbinguni dzuu ambu lumwengu jwa wafu, wala kingine kiḍechonse kiumbijwecho, chichonaweza kuhut̯anya na namuna ya Muungu ahutsakiyevyo kuchiiya na kwa Kirist̯o Yesu.

2 Wakorint̯o 5:14

Hwakuhendani hivi kwa dzambo ḍya kwamba hwakut̯awaligwani ni tsako ḍya Kirist̯o kwehu. Huhikiza kwamba, jeje muntu mumodza kafwa kwa dzambo ḍya wantu wonse, ndookomu ni dza kwamba wantu wonse wafwa huku kufwakwe.

Wagalatia 2:20

Nifwa kufwa kuzuka dza vya Kirist̯o afwiyevyo muhini mwa mpatsa. Ndookomu sikwakuishini dza nivyonikiishi d̯ura, koro sasa Kirist̯o kakuishini kuzimuni mwangu. Na haya maisha niyokuishini hi hii saasambi, nyakuishini kwa kumuserefat̯a jeje Mwana jwa Muungu, anitsakiye hat̯a akiyayavya maishaye kwa dzambo ḍyangu.

Waefeso 1:23

ḍiḍyo dza hu mwiiwe. Kirist̯o ndiye eyenakipfa ukamilifu kula kintu chicho kula pfantu. Na jeje mwenye kakamilika kwa kuungana na hu mwiiwe, yani hiḍi tsanganiko.

Waefeso 3:18

Muungu namumpe nywinywi na wantu wangine wonse wa Muungu, uwezo wa kuimuka namuna ya Kirist̯o ahutsakiyevyo. Koro jeje kahutsaka tsako ḍisiḍyo chima wala ḍisiḍyopimika.

Waefeso 5:2

Ishini maisha ya kuwa na matsako kwa wangine dza vya *Kirist̯o ahutsakiyevyo hat̯a akidziyavya maishaye dza mvuugiya kwa dzambo ḍyehu. Hii ni mvuugiya imutsakizieyo Muungu.

Waefeso 5:25

Nywinywi wayume nanywi, watsakeni wakazenu dza vya Kirist̯o aḍitsakiyevyo hiḍi tsanganiko hat̯a akiḍifwiya.

Wafilipi 1:7

Gula nina hachi ya kumuhwaiya dzevihivi, koro nimutsaka muno. Na hangu nipfokuwa huru kuyahehea na kuyangizia nguvu haya Maagu Mema, na hat̯a hivi hivi niivyo mufungwa, nywinywi nyonse mushirikiana pfamodza nami hizi mvoni za Muungu animpiyezo.

Wafilipi 4:7

Ndookomu hi naghea ya Muungu husiyoiimuka na mama za kiwanaad̯amu, inamuingamaza. Kwa njia ya hi hii naghea, *Kirist̯o Yesu anagija kumut̯awala myojo yenu na akili zenu.

Wakolosai 1:10

Ndookomu nanywi munaishi dza hiviḍe vya wantu wa Ḅwana wevyonamala kuishi, na munamutsakiza jeje kwa kula njia. Munagija kuhenda kula aina ya hendo dzema, na munagija kumumanya jeje zaid̯i na zaid̯i.

1 Pet̯ero 1:8

Ingawa ntamukumuona Yesu na matso, mumutsaka. Na ingawa hi hii saasambi ntamukwakumuonani, mumuhikiza. Mwakutsekeani na tsaiko kuu muno, ḍisiḍyoweza hat̯a kuneneka,

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.