Waefeso 3:15 - Pokomo

¹⁵ Koro jeje ndiye aumbiye kula kiumbe chicho mbinguni na lumwenguni.

Waefeso 3:15 ပူးပေါင်းရင်းမြစ်များ

Mahendo 11:26

Epfomuona, kenda nae Antiokia. Nao wowii wakaa na hiḍiḍe tsanganiko kwa mwaka muzima. Na wayongweeza kit̯aro kikuu cha wantu. Hukuḍe Antiokia ndiko kwa d̯ura kwa hawa wamuhikiziyeo Yesu wahanijweko Wakirist̯o.

Waefeso 1:10

Kapanga kwamba ngeraye ikifika, anatsanganya kula kintu kiumbijwecho, chicho mbinguni na lumwenguni kiwe nsii ya mut̯awala mumodza, yani Kirist̯o.

Waefeso 1:21

Kirist̯o ana mamulaka na nguvu dzuu ya mahaju ya mpepfo nzuka na dzuu ya sirikali na nguvu zonse za kiruhu. Sariḍye ni kuu kuchia masari yangine yonse, hangu huju huju lumwengu hat̯a lumwengu judzejokudza.

Waefeso 3:14

Nipfonamamat̯a haya haya yonse ya Muungu ahendeyeyo hat̯a nikyenda nikisa, navunza nkuhi nikamuyomba Muungu Baba jwehu.

Waefeso 3:16

Nyakumuyombeani kwamba, kuyawana na winji wa memaye yasiyo chima, amumpe nguvu za kut̯osa za kumukumiiza hi myojo yenu kuchiiya na kwa Ruhu jwakwe.

Wakolosai 1:20

Na kwa dzambo ḍya hu mwazi wa Kirist̯o uhikiyeo hapfaḍe muhini mwa mpatsa epfoyagwa, Muungu kangiza naghea kahi yakwe na kula kintu kiumbijwecho, chicho mbinguni na lumwenguni.

Upfenuo wa Yohana 2:17

Eye na masikio, nasikiye hivi vya huyu Ruhu evyokuyambiani matsanganiko. Na kula adzeyeshinda, namumpa sehemu ya hiḍe mana ifitsijweyo na namumpa iwe dzeupe ḍyorejweḍyo sari ipfya ḍisiḍyomanyigwa ni yuḍejwonse, lamud̯a huyu adzeyeḍipfegwa.’ ”

Upfenuo wa Yohana 3:12

Kula adzeyeshinda, namuhendeza kuwa nguzo kuzimuni mwa *Hekalu ya Muungu jwangu na wala nkawezi kuiyawa kawii meshi. Nami dzuu yakwe nakwora sari ḍya huyu Muungu jwangu, nae anawa muntu jwa mudzi mupfya wa Muungu yani Yerusalemi mpya idzeyoyawa mbinguni kwa Muungu. Na pia nakwora sari ḍyangu ipfya dzuu yakwe.