Waefeso 1:9 - Pokomo

⁹ kaihupfenwiiya hi ngadziye kuchiiya na kwa Kirist̯o. Kahenda hivi kwa kwamba wiwa ni mupangowe.

Waefeso 1:9 ပူးပေါင်းရင်းမြစ်များ

Matayo 13:11

Yesu kawambukuya kawamba, “Nywinywi muḍyaalijwa kuimanya siri ya Uhaju wa Mbinguni, ela wangine ntawakuḍyaalijwa.

Luka 12:32

Nywinywi kit̯aro changu kiḍoḍo, namutseshooga, koro ni tsekea ya Baba jwenu kumumpa nywinywi uhajuwe.

Luka 2:14

“Shad̯u nza Muungu awee dzuu mbinguni, na naghea iwe lumwenguni, kwa wantu atsakizijweo nao!”

Mahendo 13:48

Hawa wantu wa vyeet̯i vingine wepfosikia hichi chuuwo watsekea na wamushad̯a Ḅwana kwa maaguye. Na hawaḍe wa Muungu atsaniyeo kuwa na maisha ya kuunga na yuungo, wagala wahikiza.

Mahendo 2:23

Muungu ewa kesakuhuna kwamba Yesu angizwe mikononi mwenu. Koro iwa miroye mwenye, na evimanya vyonse hat̯a visidzahendeka. Nanywi mumuyaga, kwa kuhendeza wantu wanabvise wamupfatsike muhini mwa mpatsa.

Mahendo 4:28

Wet̯ut̯aa kuhenda kula kintu uhuniyecho hangu d̯ura kwa nguvuzo na miroyo mwenye kwamba vinawa.

Warumi 11:25

Wandugu zanguni, kuna siri modza natsaka muiimuke ili kwamba mutsekudzanjia kudzionani. Waisiraeli wangine wahendezwa wawe na myojo myumu watseewa na haḍya ya kumuhikiza *Kirist̯o. Ela saa ya Muungu adzeyokwisa kuwatsana hawa wantu wa vyeet̯i vingine vyonse kuwa wantuwe, ndipfo pfa myojo ya hawa Waisiraeli idzepfot̯epoka na wadzamuhikiza Kirist̯o.

Warumi 8:28

Humanya kwamba Muungu anahenda kula dzambo ḍipate kuwa dzema kwa hawaḍe wamutsakiyeo na awahaniyeo kuuḅana na mupangowe kwao.

1 Wakorint̯o 1:21

Koro Muungu, kwa mupangowe mwenye, kavihendeza vitsewezakana kwa wantu kumumanya kwa njia ya mvidhyo yao ya kilumwengu. Ishinu, Muungu kahuna kuwapfonya hawaḍe weonahikiza, kwa njia ya haya maagu hwiyonasumwiiya, ya wangine weyonakwamba nza uḍyura.

Wagalatia 1:12

Mimi sikuipfegwa ni mwanaad̯amu yuḍejwonse wala kuiyongweezwa ni muntu. Huyu ainipfenwiiye ni Yesu Kirist̯o mwenye.

Wagalatia 1:15

Ela Muungu kwa t̯ei yakwe, kanitsana hangu mahumboni mwa mama na kanihana nimuhumikiye. Kahuna

Wagalatia 1:16

kumunipfenwiiya huyu Mwanawe ili nipate kusumwiiya haya *Maagu Mema dzuuye, kwa wantu wa vyeet̯i. Akimamunipfenwiiya Mwanawe akisa, sikulacha maghaghisa ya mwanaad̯amu yuḍejwonse,

Waefeso 1:11

Kula dzambo Muungu anaḍihenda dza evyonatsaka. Jeje kahuna kuhutsana hangu kae na kae huwe wantuwe kwa kuhungiza hariani mwa Kirist̯o.

Waefeso 1:8

pfasipfo chima. Na kwa mvidhyoye na umanyiwe,

Waefeso 3:11

Muungu kahuna kuhenda hivi hangu kae na kae kaḅila lumwengu ntajudzaumbwa. Ne saasambi kesakuvit̯imiza kuchiiya na kwa Kirist̯o Yesu Ḅwana jwehu.

1 Timoteo 3:16

Na ya kwamba hi ngadzi ye faro yehu ni nkuu, hayo hayo ntaya kajela. Kirist̯o kadza lumwenguni dza mwanaad̯amu, na kayanganywa ni huyu Ruhu kwamba ni muhachi. Kaonegwa ni malaika, na nsumwiizi dzuuye zisumwiijwa kwa vyeet̯i vingine vyonse. Kahikizwa ni wantu wa lumwengu yuzima, na kahwajwa kwenda kwa Muungu mbinguni dzuu.

2 Timoteo 1:9

Jeje kahupfonya na kahuhana huwe wantuwe mwenye. Ela si kwa dzambo ḍya mahendo yehu, kenge ni kwa kusuḍi ḍyakwe mwenye na kwa dzambo ḍya t̯eiye. Kahufwiya t̯ei kwa njia ya Kirist̯o Yesu, hat̯a kaḅila lumwengu ntajudzaumbwa.