Waefeso 1:7 - Pokomo

⁷ Muungu kahukombowa na mwazi wa Kirist̯o ehiyeo epfofwa muhini mwa mpatsa na kahuweka huru. Yani kahuyatsia nabvise zehu. Na kwa hi hii njia, Muungu kahuyanga namuna aivyo mut̯ei kwehu

Waefeso 1:7 ပူးပေါင်းရင်းမြစ်များ

Matayo 20:28

Koro hat̯a nami mimi Mwana jwa Ad̯amu sikudzia kuhumikijwa, ela nidza dza muhumisi. Na pia nidzia kuyayavya maisha yangu yawe mupfonyo wa wenji.”

Matayo 26:28

Koro huu ni mwazi wangu wiwo dza hakikisho ḍya hiḍi ḍamano ḍya Muungu eḍyokuhendani na wantuwe. Ni mwazi wihijweo kwa dzambo ḍya kuyatsia nabvise za wenji.

Matayo 6:12

Uhuyatsiye mazuka yehu, dzevi hwivyonawayatsiya hawaḍe wahuhendeeyeo mazuka.

Marko 14:24

Yesu kawamba, “Huu ni mwazi wangu wiwo dza hakikisho ḍya hiḍi ḍamano ḍya Muungu eḍyokuhendani na wantuwe. Ni mwazi wihijweo kwa dzambo ḍya wenji.

Luka 1:77

Kudzawambia wantuwe kwamba Muungu anawayatsia nabvise zao, koro ndivyo adzevyowapfonya.

Luka 24:47

Na kwa sariḍye, haya Maagu ni had̯i yasumwiijwe kwa vyeet̯i vyonse vya lumwengu, yakiḍabva na Yerusalemi. Na haya maagu ni kwamba, wantu wapfyehuze mama na Muungu anawayatsia nabvise zao.

Yohana 20:23

Mukimuyatsia nabvise muntu yuḍejwonse, huyo kayatsijwa. Mukitsamuyatsia muntu nabvise, huyo nkayatsijwe.”

Mahendo 10:43

Manabii wonse wanena dzuuye, kwamba kula muntu amuserefat̯iye anayatsijwa nabviseze kwa nguvu za sariḍye.”

Mahendo 2:38

Pet̯ero kawambukuya kamba, “Pfyehuzani mama, kula mumodza jwenu, na mut̯opyegwe kwa sari ḍya Yesu Kirist̯o ili mupate kuyatsijwa nabvise zenu. Nae Muungu anamumpa t̯olaye ya Ruhu Mudheru.

Mahendo 20:28

Dzit̯unzeni wenye na kuwat̯unza wahikiza wonse wayatsijweo mikononi mwenu ni Ruhu Mudheru. Wani wat̯ikisa wa tsanganiko ḍya Muungu, aḍidzigwiiyeḍyo kwa mwazi wa Mwanawe.

Mahendo 3:19

D̯ubva pfyehuzani mama, na mumuujie Muungu, ili apate kumuyatsia nabvise zenu.

Warumi 2:4

Ambu kwakumubalifani Muungu kwa dzambo ḍya kwamba jeje ni munanso muno kwako? Yani kwakuonani kwamba jeje si muharaka jwa kukuadhiḅu na kakukuit̯isiani! Munamba nkwaona hat̯a kwamba hu huu wemawe wonse eokukuhendeani, kakukupfani namfasi nangere ili upate kupfyehuza mama?

Warumi 3:24

Ela kwa dzambo ḍya t̯eiye, Muungu kawapfa wanaad̯amu wonse t̯ubvo ḍya kuwahendeza wawe wahachi usoni kwakwe. Kahenda hivi kwa kumuhuma Yesu Kirist̯o adziye akiwayavya nabviseni na akiwaweka huru.

Warumi 3:25

Muungu kamuyavya Yesu awe dza mvuugiya ili kwamba kuchiiya na kwa hu mwaziwe ehiyeo, hawaḍe wamuhikiziyeo wapate kuyatsijwa nabvise zao. Kavihenda nangere ili apate kuwayanga wanaad̯amu kwamba jeje ni muhachi. Koro kae Muungu kawait̯isia wanaad̯amu hat̯a nkakuwahukumu kwa nabvise zao wahendeyezo.

Warumi 9:23

Na pia ekitsaka kuhuyanga swiswi ahufwiiyeo t̯ei, namuna aivyo mut̯ei. Ekitsaka kuhuyanga uwezowe kwa dzambo ḍya kwamba swiswi ndiswi ahutsaniyeo huwe dza hiviḍe aivyo.

1 Wakorint̯o 1:30

Muungu ndiye ahungiziye hariani mwa Kirist̯o Yesu, huyu ahuyangiye mvidhyo ya Muungu. Kirist̯o ndiye ahupfiye kuhwajwa dza wantu wahachi ni Muungu. Ndiye ahupfiye kuwa wadheru na ndiye ahuwekeye huru.

2 Wakorint̯o 8:9

Nywinywi mumanya namuna ya matsako ya Ḅwana jwehu Yesu *Kirist̯o yaivyo makuu kwehu! Jeje, na ujabvawe wonse wa kiruhu, kadza lumwenguni kadzihendeza masikini kwa dzambo ḍyenu. Kahenda hivi apate kumuhendeza nywinywi majabva ya kiruhu.

Waefeso 1:14

Muungu kamuhupfa huyu huyu Ruhu dza dhamana ya kudzahupfa hayaḍe mema yonse ahuahid̯iiyeyo. Haya haya mema kadzayahupfa swiswi hwiwo wantuwe ngera adzeyohuweka huru kaḅisa. Na hivi vinawahendeza wantu wamushad̯e Muungu.

Waefeso 1:18

Pia nyakumuyombeani kwamba amupfenuye akili zenu, mupate kuyaimuka haya madzikwat̯yo amumpiyeyo epfomuhana muwe wantuwe. Na nyakumuyombeani muweze kumanya haya mema menji na menji aahid̯iyeyo kuyawapfa wantuwe.

Waefeso 1:6

D̯ubva nahumushad̯eni Muungu kwa dzambo ḍya namuna ahufwiiyevyo t̯ei muno kuchiiya na kwa huyu Mwanawe mutsakwa.

Waefeso 1:8

pfasipfo chima. Na kwa mvidhyoye na umanyiwe,

Waefeso 2:4

Ela hat̯a vivyo, kwa dzambo ḍya matsakoye makuu kwehu, Muungu kahufwiya t̯ei muno.

Waefeso 2:7

Muungu kahenda hivi ili kwamba, ngera zonse zidzezokudza, wantu waone namuna aivyo mut̯ei kuchia chima kuchiiya na kwa Kirist̯o Yesu.

Waefeso 3:16

Nyakumuyombeani kwamba, kuyawana na winji wa memaye yasiyo chima, amumpe nguvu za kut̯osa za kumukumiiza hi myojo yenu kuchiiya na kwa Ruhu jwakwe.

Waefeso 3:8

Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima.

Wafilipi 4:19

Na huyu Muungu jwangu niyenamuhumikia namut̯imiziye haḍya zenu zonse kuyawana na jabvawe mwinji eo nao, eonamumpa kuchiiya kwa Kirist̯o Yesu.

Wakolosai 1:14

Kuchiiya na kwa mwazi wa huyu Mwanawe, Muungu kahukombowa kuyawana na uhumwa wa nabvise, na kahuyatsia nabvise zehu.

Wakolosai 1:27

Muungu kaona vyema kuiwapfenwiiya wantuwe hi hii ngadzi, ili waweze kumanya kwamba hu ni mupangowe mukuu, wiiwo na maana muno kwa hat̯a wantu wa vyeet̯i vingine. Na hu mupangowe ni kwamba Kirist̯o aishi myojoni mwenu, ili muweze kuwa na uhakika kwamba mudzawa pfamodza nae maremboni mwakwe.

Wakolosai 2:13

Nywinywi mwiiwa dza wantu mufwiyeo kwa dzambo ḍya kuishi maisha ya nabvise na kwa dzambo mwikit̯awaligwa ni t̯amaa zenu nzuka nzuka mwizokuwa nazo. Ela sasa, Muungu kamufufuya kamumpa maisha mapfya pfamodza na Kirist̯o. Jeje kahuyatsia nabvise zehu zonse.

Wakolosai 2:2

Nyakuhendani hivi nipate kumungiza mojo na mupate kutsakana muno, na mupate kuwa dza kintu kimodza. Natsaka muwe na uhakika kaḅisa kwamba hichi chuuwo cha Muungu ncha hachi, ili kwamba hi ngadzi ya Muungu, yani *Kirist̯o, mumuimuke urembo.

1 Timoteo 2:6

Jeje kayavya maisha yakwe kuwa ḍiba ḍya kuwapfonya wantu wonse. Na huu ndiwo ushaahiḍi udziyeo na wakati mwema kuyanga kwamba Muungu anatsaka wantu wonse wapfonywe.

Tito 2:14

Jeje kadziyavya maishaye kwa dzambo ḍyehu, ahupfonye na mazuka yonse na kuhudheresa na nabvise zehu, huwe wantuwe jeje heket̯u weo na hamu ya kuhenda mambo mema.

Tito 3:6

Muungu kamuhukakanyia Ruhu Mudheru kwa winji, kuchiiya na kwa Yesu *Kirist̯o mupfonya jwehu,

Waeburania 9:22

D̯ubva ni kunena kwamba, kuuḅana na hi Sharia, hafufi kula kintu kinadhereswa na mwazi. Pfasipfo mwazi kuhika, ntaku kuyatsijwa nabvise.

1 Pet̯ero 2:24

Jeje mwenye kazipfagaaza nabvise zehu mwiini mwakwe epfofwa hapfaḍe muhini mwa mpatsa, ili kwamba hutseewa wahumwa wa nabvise kawii, ela huishi udheruni. Kwa kumad̯aiswa kwakwe hupata kupfowa.

1 Pet̯ero 3:18

Koro Kirist̯o mwenye, kafwa mweedha mumodza t̯u kwa dzambo ḍya wanabvise. Jeje eye muhachi kafwa kwa dzambo ḍya wantu wasikwaa wahachi. Kahenda hivi ili aweze kumuyeha kwa Muungu. Wamuyaga hu mwii, ela kafufuka, na ruhuye yaa mojo.

1 Yohana 2:12

Nyakumworeani nywinywi wanangu, koro nabvise zenu muziyatsijwa kwa dzambo ḍya Kirist̯o.

1 Yohana 2:2

Na jeje ndiye hi mvuugiya ya kuhuhendeza huyatsijwe nabvise zehu. Na si kuyatsijwa nabvise zehu swiswi t̯u, ela hat̯a na nabvise za wantu wonse!

1 Yohana 4:10

Matsako, ni haya ya kwamba Muungu kahutsaka hat̯a kamuyavya Mwanawe kuwa mvuugiya ya kuyatsijwa nabvise zehu. Si kwamba swiswi hwiimutsaka!

Upfenuo wa Yohana 14:4

Hawa ni hawaḍe wadziwekeyeo wadheru wasiodzichafua na wake na wakiishi maisha ya udheru. Hawa wanamuuḅa huyu Mwana Mbuzi kula epfonakwenda. Wao wakombojwa kahi ya wanaad̯amu wa huju lumwengu wawe dza nsembuko kwa Muungu na huyu Mwana Mbuzi.

Upfenuo wa Yohana 5:9

Wamwimbia wiya mupfya wakyamba, “Wewe unamala kuchihwaa hichi chuo, uivunze hi mihuri yakwe. Koro wewe kuyagwa, na kwa mwaziwo, kumukombowea wantu Muungu. Wewe kumukombowea wantu, wa kuyawa kula nsi na kyeet̯i na lugha.