Waefeso 1:17 - Pokomo

¹⁷ Nyakumuyombeani kwa Baba jwehu mwenye marembo, eye Muungu jwa Ḅwana jwehu Yesu Kirist̯o. Nyakumuyombeani kwamba Muungu amumpe huyu Ruhu jwa kumumpa mvidhyo na uimufu wa kumumanya jeje zaid̯i na zaid̯i.

Waefeso 1:17 ပူးပေါင်းရင်းမြစ်များ

Matayo 11:25

Makisa Yesu kayomba kamba, “Nakuyaviza ḍuḍa e Baba, wiye Haju jwa yuwinguni na nsi yonse. Nakuyaviza ḍuḍa kwa kwamba hi hachi kuiwafitsa hawaḍe weonadzihwaa kwamba ni makaro na wamanyi, na kuiwapfenwiiya wantu weo dza vyana vichuchu!

Matayo 11:27

Makisa Yesu kamba, “Baba kanimpa mawezo dzuu ya kula kintu. Ntaku yuḍejwonse amumanyiye huyu Mwana, lamud̯a Baba jeje heket̯u. Na ntaku yuḍejwonse amumanyiye huyu Baba lamud̯a huyu Mwana na hawaḍe wonse wa huyu Mwana atsaniyeo kumuyanganya huyu Baba kwao.”

Matayo 16:17

Yesu kamwamba, “Kuvodhyegwa muno wewe Simioni mwana jwa Yona! Koro hiḍi hiḍi dzambo nkukuḍipfenwiijwa ni mwanaad̯amu yuḍejwonse, ela kuḍipfenwiijwa ni Baba jwangu jwa yuwinguni.

Matayo 20:33

Nao wamwambukuya wamwamba, “Ḅwana, hunatsaka kuona.”

Matayo 6:13

Nkudzohuyehe pfantu pfa kuḍemwa, ela uhupfonye mazukani. [Koro Uhaju mbwako, na nguvu na marembo, hat̯a pfasipfosia. Amina.’]”

Luka 12:12

Koro hiyo hiyo saa ikifika Ruhu Mudheru anamuyongweeza pfapfo hiviḍe vya kunena.”

Luka 2:14

“Shad̯u nza Muungu awee dzuu mbinguni, na naghea iwe lumwenguni, kwa wantu atsakizijweo nao!”

Luka 21:15

Koro nidzamumpa ud̯ubat̯a na karo wa kwamba hat̯a wazuka wenu ntawakudzaweza kuvidziza ambu kuvikana hivi mudzevyonena.

Yohana 14:17

Huyu huyu Mugijiija ni huyu Ruhu Mudheru eyenayanga wantu hi ya hachi. Ela huju lumwengu ntajuwezi kumupfokea, maanaye ntajumudzi na wala ntajukwakumuhambuyani. Nywinywi le mumumanya, kwa dzambo ḍya kwamba ka pfamodza nanywi na anawa kuzimuni mwenu.

Yohana 14:26

Ela huyu Mugijiija, yani huyu Ruhu Mudheru jwa Baba adzeyemumuhumia kwa sari ḍyangu, kadzamuyongweeza kula kintu. Jeje kadzamukumbusya hayaḍe yonse nimwambiiyeyo.

Yohana 16:3

Wao wanamuhendea dza hivyo, kwa kwamba ntawanidzi mimi wala Baba.

Yohana 17:3

Na maisha ya kuunga na yuungo, ni kukumanya wewe wiye Muungu jwa ḍugha wewe heket̯u, pfamodza na kunimanya nami mimi Yesu *Kirist̯o unihumiye.

Yohana 20:17

Yesu kamwamba, “Sinigije, koro mimi sidzapfaa kwenda kwa Baba. Ela enda kwa hawa wandugu zangu ukawambe ya kwamba, nyakwendani kwa Baba, eye Baba jwenu pia, nyakwendani kwa Muungu jwangu eye Muungu jwenu pia.”

Mahendo 6:10

Ela ntawakumuweza kwa yuḍaat̯o, koro Ruhu Mudheru kamumpa karo wa kunenea.

Mahendo 7:2

Sit̯efano kambukuya kamwamba, “Wababa zangu na wandugu zangu, nipfindiiyani! Huyu Muungu mwenye nguvu kamut̯upukia bibi jwehu Iburahimu epfokuwa Mesopotamia, asidzakwenda kuishini Harani.

Warumi 1:28

Kwa kwamba wadziza kumuhambuya Muungu, nae Muungu kawayatsa wakidzit̯aria haya mat̯aro yao mazuka mazuka, ili kwamba wakidzihendea ḅasi haya mambo wasiyomala kuyahenda.

Warumi 15:6

ili nyonse muweze kuungana pfamodza mukimushad̯a huyu Muungu, eye Baba jwa Ḅwana jwehu Yesu Kirist̯o.

1 Wakorint̯o 12:8

Huyu Ruhu anamumpa vyuuwo vya mvidhyo muntu huyu, na muntu yungine yuyo Ruhu mumodza anamumpa vyuuwo vya umanyi.

1 Wakorint̯o 14:6

D̯ubva wandugu, nikidza kwenu na nikikaiya kunena na lugha ngeni, nawa na maana ga kwenu? Siwe na maana yaḍeyonse, lamud̯a nidze na mambo ya Muungu aniyangiyeyo, ambu umanyi musiku, ambu Maagu ya Muungu, ambu nidze na mayongweezo masiku.

1 Wakorint̯o 2:10

Ela swiswi, haya haya mambo Muungu kayahupfenwiiya kwa njia ya Ruhu jwakwe. Koro huyu Ruhu ndiye amanyiye kula kintu, kamanya hat̯a hizi ngadzi nkuu nkuu za Muungu.

1 Wakorint̯o 2:8

Ntaku hat̯a mumodza jwa hawa wat̯awala wa huju huju lumwengu eyeimanya hi hii mvidhyo. T̯ambere wandeewa kwamba waimanya, ntawandemupfatsika muhini mwa mpatsa Ḅwana jwa marembo.

2 Wakorint̯o 12:1

Gula kudziona kwangu ntaku maana yaḍeyonse, ela mimi nagija kudziona t̯u. Na sasa nanenea mambo ya Ḅwana aniyangiyeyo na akiyanipfenwiiya.

Waefeso 1:3

Nahumushad̯eni Muungu eye Baba jwa Ḅwana jwehu Yesu Kirist̯o, ahuvodhyeye na kula kintu cha kiruhu cha kuyawa mbinguni, kwa kwamba hwaa hariani mwa Kirist̯o.

Waefeso 3:5

Hangu kae na kae hi hii ngadzi ntaikumanyigwa ni muntu. Ela sasa, Ruhu Mudheru kaiwapfenwiiya hawaḍe wantu watsanijweo byeka ni Muungu kuwa *ntumi na manabii wakwe.

Waefeso 4:13

Wanahenda hivi mumpaka hwonse huwe kintu kimodza, kwa dzambo ḍya hivi humumanyiyevyo na humuserefat̯iyevyo huyu Mwana jwa Muungu. Ndookomu hwonse hunawa wantu hungoreyeo faroni, na hunawa na ukamilifu dza huḍe wa Kirist̯o eo nao.

Wafilipi 3:15

Ndookomu hwonse hungoreyeo kiruhu hunamala kuwa na mat̯aro dzayahaya. Na ikiwa kwamba wangine wenu wana mat̯aro yangine, Muungu anayawapfenwiiya haya niyokumwambiani.

2 Timoteo 2:25

Akwakuwafundani hawa weonamupfinga, ni awafunde na umpowe. Pfangine Muungu anawapfa kupfyehuza mama, na wanaimanya hi hachi.

Tito 1:1

Mimi Paulo, muhumisi jwa Muungu na *ntumi jwa Yesu *Kirist̯o, nyakukworeani wewe Tito. Nihumigwa niwambake faroni watsanwa wa Muungu na niwayongoze kuimanya hi hachi iyonayongweezwa ni ḍini yehu.

Yakobo 2:1

Wandugu zangu, nywinywi dza wantu mumuhikiziyeo Ḅwana jwehu Yesu *Kirist̯o, mwenye marembo yonse, namutseewa wantu wa upend̯eleo.

2 Pet̯ero 1:3

Kwa uwezo wa Muungu amumpiyeo, Yesu kahupfa kula kintu hwichonamala kuwa nacho ili huweze kuishi maisha ya udheru. Kavihupfa kuchiiya na kwa kumumanya jeje ahuhaniye huwe na maremboye na wemawe.

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.

Upfenuo wa Yohana 7:12

Wamba, “Amina. Muungu jwehu anamala kushad̯wa kwa dzambo ḍya uwezowe mukuu, mvidhyoye na nguvuze. Jeje anamala kukuzwa na kuyavizwa ḍuḍa na kuhilwa maishi na maishi. Amina.”