Waeburania 9:14 - Pokomo

¹⁴ D̯ubva, mwazi wa Kirist̯o una nguvu zaid̯i za kuidheresa myojo yehu, hutsekaiya kuhenda mazuka, ela hupate kuhenda miro ya Muungu eye mojo. Koro kwa nguvu za huyu Ruhu Mudheru eyenaishi maishi, Kirist̯o kadziyavya kwa Muungu dza mvuugiya isiyo kapet̯a.

Waeburania 9:14 ပူးပေါင်းရင်းမြစ်များ

Matayo 12:28

Ela mimi nyakuyavyani mpepfo nzuka kwa nguvu za Ruhu jwa Muungu, kuyanga kwamba Uhaju wa Muungu umamudzia.

Matayo 16:16

Simioni Pet̯ero kambukuya kamba, “Wewe ndiwe huyu *Kirist̯o Mwana jwa Muungu eye mojo.”

Matayo 20:28

Koro hat̯a nami mimi Mwana jwa Ad̯amu sikudzia kuhumikijwa, ela nidza dza muhumisi. Na pia nidzia kuyayavya maisha yangu yawe mupfonyo wa wenji.”

Matayo 7:11

Haya, ikiwa kwamba nywinywi mwiwo wazuka t̯u, mumanya kuwapfa wana wenu vija vyema vyema, ehe fat̯i Baba jwenu jwa yuwinguni anawahendea wema chima ga, awaḍe weonamuyomba?

Luka 1:74

kwamba anahupfonya kuyawa kwa nyabva wehu, na ahupfe kumuhumikia pfasipfo oga wa nyabva wehu.

Luka 12:24

Amaa t̯ayayoweni makuraḅu. Ntayaime na wala ntayavune. Ntaya vihaa wala pfantu pfaḍepfonse pfa kuwekea bvaro, ela Muungu anayaisa. Ehe fat̯i nywinywi, kwa Muungu ntamukwaa na maana zaid̯i kuchia nyuni?

Luka 12:28

Ikiwa kwamba mani t̯u, yeyonamea yeo makondeni, keso yakanyuuka na yakatsomwa, Muungu anayavwika malele mema dzevihivi, ehe fat̯i nywinywi anamuvwika chima ga? E nywinywi muna faro ndoḍo t̯i!

Luka 4:18

“Ruhu jwa Ḅwana ka dzuu yangu, ndookomu kanitsana niwasumwiiye makowesa *Maagu Mema. Kanihuma niwalalabviye wafungwa kufungujwa kwao, na kuona kawii kwa ntumbu matso, na kuwahendeza weokuonejwani watseonejwa kawii.

Yohana 3:34

Huyu ahumijwe ni Muungu anasumwiiya vyuuwo vya Muungu, koro Muungu anamumpa Ruhu jwakwe pfasipfo chima.

Mahendo 1:2

hat̯a nsiku adzeyoakihwajwa dzuu mbinguni. Asidzahwajwa dzuu mbinguni, kawaḍama kwa nguvu za Ruhu Mudheru hawa wantu atsaniyeo dza *ntumi wakwe.

Mahendo 10:38

Musikia dzuu ya Yesu jwa Nazareti, na namuna ya Muungu amutsaniyevyo kwa kumumpa Ruhu Mudheru na uwezo. Kwa dzambo ḍya kwamba Muungu ewa nae, Yesu kenda kula pfantu akihenda mambo mema na kupfonya wantu wonse wa Shaat̯ani angiziyeo mikononi.

Mahendo 14:15

“Nywinywi wantu, kut̯i mwakuhendani hivi? Naswi hu wanaad̯amu dzanywi! Hudzia kumusumwiiya Maagu Mema, muiyatse hi miungu yenu isiyo maana, mumuperukiye Muungu eye mojo, aumbiye yuwingu na nsi, rukanga na vyonse vivyo kuzimuye.

Mahendo 15:9

Nkakuyanga ugaragara kahi yehu Wayahud̯i na wantu wa vyeet̯i vingine. Kaidheresa myojo yao kwa dzambo wahikiza.

Warumi 1:20

Hangu kuumbwa kwa lumwengu, wantu wesakuviona hiviḍe vyonse vya Muungu aumbiyevyo. Yani kuchiiya na kwa hivi aumbiyevyo, wanaad̯amu wesakuuona hu Umuunguwe na uwezowe usiwo chima, ingawa jeje mwenye nkaonekane na matso. Ndookomu ntawa kipfangizo kiḍechonse cha kutsamut̯ii Muungu!

Warumi 1:4

Dzuu ya udheru wakwe wa kimuungu, Yesu Kirist̯o Ḅwana jwehu katsanwa kuwa Mwana jwa Muungu eye na uwezo mukuu hapfaḍe epfofufujwa kuyawa kwa wafu.

Warumi 11:12

Ikiwa kwamba hivi vya hawa Waisiraeli waudziziyevyo hu mupango wa Muungu t̯u, wantu wa vyeet̯i vingine wavodhyegwa dzevihivi, ehe fat̯i wadzepfomuujia Muungu kaḅisa kaḅisa? Aju lumwengu ntajunapata mvoni ya mafara!

Warumi 11:24

Nywinywi musiokuwa Waisiraeli mwaa dza mahambi ya muzeituni wa bad̯ani yakomezejweyo kwa sina ḍya muzeituni wa kiyad̯a. Na hiḍi si dzambo ḍya kawaiḍa. Hawa Waisiraeli waa dza mahambi ya muzeituni wa kiyad̯a. Ndookomu ni rahisi muno kwa Muungu kuwakuḅali Waisiraeli dza wantuwe kawii, koro ndiwo haya mahambi ya hu muzeituni wa kiyad̯a yakentejweyo.

Warumi 6:13

Namutseziyatsa sehemu ziḍezonse za mii yenu ziihumikie nabvise kwa kuhenda mazuka. Ishinu dziyavyeni kwa Muungu koro muyawa kufwani na sasa mumapfegwa maisha mapfya. Kula kiiriiri cha mii yenu nakihumike kwa kazi nyema ya Muungu.

Warumi 6:22

Ela sasa kwa kwamba mwisakuwekwa huru kuyawana na nabvise na mwisakuwa wahumwa wa Muungu, hi faiḍa mwiyokupatani ni kwamba mwakuhendezwani kuwa wadheru, na mwisowe mudzapata maisha ya kuunga na yuungo.

1 Wakorint̯o 15:45

Koro haya matsoro yamba, “Huyu muntu jwa d̯ura, yani Ad̯amu, kawa kiumbe chicho mojo.” Ela huyu Ad̯amu jwa mwiso, ndiye huyu Ruhu eyenawapfa wantu maisha ya kuunga na yuungo.

2 Wakorint̯o 5:21

Kirist̯o nkakuhenda nabvise iḍeyonse, ela Muungu kamuhendeza kuwa mvuugiya ya nabvise zehu, ili kwamba, kwa njia ya Kirist̯o, Muungu ahuhendeze kuwa wadheru, dza vyakwe jeje aivyo mudheru.

2 Wakorint̯o 6:16

*Hekalu ya Muungu inakajwadze ni masanamu? Koro swiswi hu Hekalu ya Muungu eye mojo. Dza vya Muungu aneneyevyo akyamba, “Makao yangu nayambaka kwa wantu wangu, kisa nami naishi kahi yao. Nawa Muungu jwao, nao wanawa wantu wangu.”

Wagalatia 2:19

Mimi nami, nikiishi nsii ya hi Sharia, ela nifungujwa na humu Shariani nipate kumuishia Muungu.

Waefeso 2:5

Ingawa hwiwa dza wantu hufwiyeo kwa dzambo ḍya mazuka hwiyohukihenda, Muungu kahufufuya dza viviḍe amufufwiiyevyo *Kirist̯o na kahupfa maisha mapfya pfamodza nae. Mupfonywa kwa t̯ei ya Muungu t̯u.

Waefeso 5:2

Ishini maisha ya kuwa na matsako kwa wangine dza vya *Kirist̯o ahutsakiyevyo hat̯a akidziyavya maishaye dza mvuugiya kwa dzambo ḍyehu. Hii ni mvuugiya imutsakizieyo Muungu.

1 Watesalonike 1:9

Hao wantu wonse hao, wakunenani namuna muhukaraḅishiyevyo urembo hwipfokudza kwenu. Na wakunenani na namuna muyatsiyevyo kuyomba miungu ya masanamu mukimuperukia huyu Muungu jwa ḍugha eye mojo.

1 Timoteo 1:17

Huyu Haju eyenat̯awala maishi na kuunga na yuungo, asiyeonekana, na eye Muungu jeje heket̯u, hunamumpa shad̯u na hila maishi na maishi! Amina.

1 Timoteo 3:15

Ela ikiwa kwamba nikawa kudza, hi ḅaruwa inakumanyisa hivi hwivyonamala kudzihwaa kuzimuni mwa tsanganiko ḍya wantu wa huyu Muungu eye mojo. Hiḍi tsanganiko ndiḍyo hi nguzo na musinji wa faro ya Kikirist̯o.

Tito 2:14

Jeje kadziyavya maishaye kwa dzambo ḍyehu, ahupfonye na mazuka yonse na kuhudheresa na nabvise zehu, huwe wantuwe jeje heket̯u weo na hamu ya kuhenda mambo mema.

Waeburania 1:3

Huyu Mwana kakuyangaani na marembo ya Muungu, na jeje ka ḍa na Muungu. Jeje ndiye eyekujuwekani lumwengu yuzima kwa nguvu za chuuwoche. Kahudheresa nabvise zehu kisa kakaa mukono kuyume wa Muungu awee mbinguni.

Waeburania 10:10

Na kwa kwamba Yesu Kirist̯o kahenda miro ya Muungu, hudhereswa nabvise kwa njia ya hi mvuugiya ya mwiiwe mwenye, ayaviyeyo mweedha mumodza t̯u.

Waeburania 10:12

Ela ae Kirist̯o kadziyavya mweedha mumodza t̯u dza mvuugiya ya kuhunwiiya nabvise zehu ngera zonse, kisa kakaa mukono kuyume wa Muungu.

Waeburania 10:2

T̯ambere wandeewa kwamba wadhereswa nabvise zao ḍugha, ntawandedzionea viwi kwa dzambo ḍya nabvise zao, na ntakundeewa na mvuugiya za kuyavya kawii.

Waeburania 10:22

D̯ubva nahutsegeeye hafufi na Muungu na mojo mumodza pfasipfo kuwa na kajela. Ni huwe na myojo idheresejweyo mazukaye na mii idheresejweyo na madzi masafi.

Waeburania 11:21

Na kwa kwamba Yakobo ewa kamuserefat̯a Muungu, epfofika hafufi kufwa kawavodhya hawa wana wowii wa Yusufu. Makisa kenamia hukuḍe kitswani kwa hiḍi t̯at̯aḍye na kayavya ḍuḍa.

Waeburania 13:12

Ndiyo maana Yesu nae, kafwa nze ya hu mudzi apate kuwadheresa wantu nabvise zao kwa mwaziwe mwenye.

Waeburania 3:12

D̯ubva wandugu, manyani kutseewa hat̯a mumodza jwenu jwa kuwa na mojo mumu wa kutsahikiza hat̯a adzize kuuḅa njia ya Muungu eye mojo.

Waeburania 6:1

D̯ubva amaale nahutsekaiya yayaḍe mayongweezo ya ḍabvu ḍabvu hudziyongweezeyeyo dzuu ya *Kirist̯o. Ishinu nahwende usoni hupate hayaḍe mayongweezo ya kuhuhendeza hungore kiruhu. Ntahunamala kuyaujia yayaḍe mayongweezo ya ḍabvu, ya kwamba huyatse mazuka humuhikize Muungu.

Waeburania 7:16

Jeje nkakuwa mukohani kwa kut̯imiza masharia ya kuwa muntu jwa kyeet̯i kisiku, ela kawa mukohani kwa kwamba haya maishaye ntaya mwiso.

Waeburania 7:27

Yesu nkakwaa dza hawa wakohani wakuu wangine, wa kwamba ni had̯i wayavye mvuugiya nsiku kwa nsiku za kudzidheresa nabvise zao wao nguzi, kisa wayavye na mvuugiya za kudheresa na nabvise za wantu. Jeje kayavya mvuugiya ya kudheresa nabvise za wantu wonse, epfodziyavya mvuugiya kwa Muungu mweedha mumodza t̯u.

Waeburania 9:12

Na Kirist̯o kanjia hapfa Pfantu Pfadheru pfa Mwiso mweedha mumodza t̯u. Na nkakunjia na mwazi wa mbuzi wala wa ngombe, jeje kayavya maishaye mwenye na kahuhendeza huwe huru maishi na maishi.

Waeburania 9:26

T̯ambere si hivyo, Kirist̯o andeewa kwamba kafwa myeedha minji na minji hangu kuumbwa kwa lumwengu. Ela hivi adziyevyo, kadza mweedha mumodza t̯u hizi hizi ngera za nsiku za mwiso hwizokuishini, apate kuhunwiiya nabvise zehu kwa kudziyavya jeje mwenye dza mvuugiya.

Waeburania 9:7

Ela eyeakinjia na kuyawa hapfa pfantu pfadheru pfa mwiso, ni huyu *Mukohani Mukuu jeje heket̯u. Nae ekinjia na kuyawa mweedha mumodza t̯u kwa mwaka. Ekinjia na mwazi wa waḍondo wayavijweo mvuugiya kwa dzambo ḍya nabviseze na nabvise za hawa wantu wahendeyezo pfasipfo kuvimanya.

Waeburania 9:9

Hu ni mufaano kwehu hizi hizi nsiku, wiwokuyangani kwamba haya mat̯ola na hizi mvuugiya zizozikiyavigwa, ntazikuweza kuudheresa hu mojo wa huyuḍe muntu eyeakiyomba.

1 Pet̯ero 1:19

ela mugujwa na mwazi wa thamani wa Kirist̯o, wiwo dza mwazi wa mvuugiya ya mwanambuzi asiye na kapet̯a wala t̯amba.

1 Pet̯ero 2:22

Jeje nka nabvise ahendeeyo, na wala ntaku hat̯a nsiku modza akuliyeokuliyeo muntu.

1 Pet̯ero 2:24

Jeje mwenye kazipfagaaza nabvise zehu mwiini mwakwe epfofwa hapfaḍe muhini mwa mpatsa, ili kwamba hutseewa wahumwa wa nabvise kawii, ela huishi udheruni. Kwa kumad̯aiswa kwakwe hupata kupfowa.

1 Pet̯ero 3:18

Koro Kirist̯o mwenye, kafwa mweedha mumodza t̯u kwa dzambo ḍya wanabvise. Jeje eye muhachi kafwa kwa dzambo ḍya wantu wasikwaa wahachi. Kahenda hivi ili aweze kumuyeha kwa Muungu. Wamuyaga hu mwii, ela kafufuka, na ruhuye yaa mojo.

1 Pet̯ero 4:2

Ndookomu ntamuwezi kuishi maisha ya kunuhwa ni t̯amaa za kibenaad̯amu kawii, ela munaishi maisha ya kuwa na hamu ya kuhenda miro ya Muungu.

1 Yohana 1:7

Ela hukiishi muyangani dza hivi vyakwe aivyo muyangani, hunawa na kuhariana swiswi na swiswi. Na mwazi wa Yesu, Mwana jwa Muungu, unahudheresa nabvise zehu zonse.

1 Yohana 3:5

Mumanya ya kwamba Kirist̯o kadzia kuhunwiiya nabvise zehu, na mumanya ya kwamba jeje nka nabvise.