Waeburania 9:12 - Pokomo

¹² Na Kirist̯o kanjia hapfa Pfantu Pfadheru pfa Mwiso mweedha mumodza t̯u. Na nkakunjia na mwazi wa mbuzi wala wa ngombe, jeje kayavya maishaye mwenye na kahuhendeza huwe huru maishi na maishi.

Waeburania 9:12 ပူးပေါင်းရင်းမြစ်များ

Marko 3:29

Ela yuḍejwonse adzeyemukufuru Ruhu Mudheru, nkawezi kuyatsijwa meshi. Huyo anawa kwamba ana nabvise ya maishi.”

Luka 1:68

“Ḅwana Muungu jwa Isiraeli ashad̯we, koro kadzia kuhugija swiswi hwiwo wantuwe.

Mahendo 20:28

Dzit̯unzeni wenye na kuwat̯unza wahikiza wonse wayatsijweo mikononi mwenu ni Ruhu Mudheru. Wani wat̯ikisa wa tsanganiko ḍya Muungu, aḍidzigwiiyeḍyo kwa mwazi wa Mwanawe.

Waefeso 1:7

Muungu kahukombowa na mwazi wa Kirist̯o ehiyeo epfofwa muhini mwa mpatsa na kahuweka huru. Yani kahuyatsia nabvise zehu. Na kwa hi hii njia, Muungu kahuyanga namuna aivyo mut̯ei kwehu

Wakolosai 1:14

Kuchiiya na kwa mwazi wa huyu Mwanawe, Muungu kahukombowa kuyawana na uhumwa wa nabvise, na kahuyatsia nabvise zehu.

1 Watesalonike 1:10

Na pia, wakunenani namuna mwivyokumuindiiyani huyu Mwana jwa Muungu, yani Yesu, adze kuyawa mbinguni. Na huyu huyu Yesu ndiye jwa Muungu amufufwiiye kuyawa kwa wafu na ndiye ahupfonyeye na ngoro ya Muungu idzeyokudza.

Tito 2:14

Jeje kadziyavya maishaye kwa dzambo ḍyehu, ahupfonye na mazuka yonse na kuhudheresa na nabvise zehu, huwe wantuwe jeje heket̯u weo na hamu ya kuhenda mambo mema.

Waeburania 1:3

Huyu Mwana kakuyangaani na marembo ya Muungu, na jeje ka ḍa na Muungu. Jeje ndiye eyekujuwekani lumwengu yuzima kwa nguvu za chuuwoche. Kahudheresa nabvise zehu kisa kakaa mukono kuyume wa Muungu awee mbinguni.

Waeburania 10:19

D̯ubva wandugu zanguni, kwa dzambo ḍya kufwa kwa Yesu, hupata ujangina wa kunjia hapfa pfantu pfadheru pfa mwiso.

Waeburania 10:4

Maanaye, mwazi wa mbuzi na ngombe ntauwezi kumudheresa muntu nabviseze hat̯a kachuchu.

Waeburania 13:12

Ndiyo maana Yesu nae, kafwa nze ya hu mudzi apate kuwadheresa wantu nabvise zao kwa mwaziwe mwenye.

Waeburania 5:9

Na epfoit̯imiza hi kaziye kawa ndiye muntu jwa kuwapfonya maishi hawaḍe wantu wonse weonamut̯ii jeje.

Waeburania 7:27

Yesu nkakwaa dza hawa wakohani wakuu wangine, wa kwamba ni had̯i wayavye mvuugiya nsiku kwa nsiku za kudzidheresa nabvise zao wao nguzi, kisa wayavye na mvuugiya za kudheresa na nabvise za wantu. Jeje kayavya mvuugiya ya kudheresa nabvise za wantu wonse, epfodziyavya mvuugiya kwa Muungu mweedha mumodza t̯u.

Waeburania 9:13

Kuuḅana na adha, mwazi wa ngombe na mbuzi pfamodza na ivu ḍya mwana ngombe ayavijwe mvuugiya, vikifwit̯ijwa-fwit̯ijwa wantu, vinaihendeza mii yao kuwa midheru.

Waeburania 9:14

D̯ubva, mwazi wa Kirist̯o una nguvu zaid̯i za kuidheresa myojo yehu, hutsekaiya kuhenda mazuka, ela hupate kuhenda miro ya Muungu eye mojo. Koro kwa nguvu za huyu Ruhu Mudheru eyenaishi maishi, Kirist̯o kadziyavya kwa Muungu dza mvuugiya isiyo kapet̯a.

Waeburania 9:15

D̯ubva Kirist̯o kahenda ndiye huyu muntu jwa kahi jwa hiḍi ḍamano ipfya. Kawa muntu jwa kahi ili kwamba hawaḍe wonse wa Muungu ahaniyeo kuwa wantuwe, wapfokeye hi ahad̯i ya Muungu awawekeeyo iwe yao maishi. Kirist̯o kawa mukinakahi kwa kwamba, ndiye afwiye ili awapfonye wantu kuyawana na nabvise zao wahendeyezo ngera ya hiḍi ḍamano ḍya d̯ura.

Waeburania 9:19

Cha d̯ura, Musa kawambia hawa wantu haya yonse yorejweyo humu Shariani. Kisa kahwaa mwazi wa wana ngombe na mbuzi utsanganyijweo na madzi, kaufwit̯ia-fwit̯ia hichi chuo che *Sharia na hawa wantu wonse. Kaufwit̯a-fwit̯a na mahambi ya muhisopo yalingilijweyo na manyala ya ranji ya zazi iwivwiyeyo.

Waeburania 9:28

Kirist̯o nae kayavigwa dza mvuugiya mweedha mumodza t̯u, ya kunuya nabvise za wenji. Kadzakudza mweedha wa pfii kuwapfonya hawaḍe weokuyoweeyani kudzakwe, nkakwakudza kawii kutsukuya nabvise za wantu.

Waeburania 9:7

Ela eyeakinjia na kuyawa hapfa pfantu pfadheru pfa mwiso, ni huyu *Mukohani Mukuu jeje heket̯u. Nae ekinjia na kuyawa mweedha mumodza t̯u kwa mwaka. Ekinjia na mwazi wa waḍondo wayavijweo mvuugiya kwa dzambo ḍya nabviseze na nabvise za hawa wantu wahendeyezo pfasipfo kuvimanya.

Upfenuo wa Yohana 5:9

Wamwimbia wiya mupfya wakyamba, “Wewe unamala kuchihwaa hichi chuo, uivunze hi mihuri yakwe. Koro wewe kuyagwa, na kwa mwaziwo, kumukombowea wantu Muungu. Wewe kumukombowea wantu, wa kuyawa kula nsi na kyeet̯i na lugha.