Waeburania 9:11 - Pokomo

¹¹ Sasa, *Kirist̯o kesakuwa Mukohani Mukuu jwa haya mema hwiyokuonani. Jeje kanjia humu mwa hiḍi hema ḍya maana ḍikamilikiyeḍyo na kula kintu. Hiḍi si hema ḍimbakijweḍyo na mikono ya wanaad̯amu na wala si ḍya huju huju lumwengu.

Waeburania 9:11 ပူးပေါင်းရင်းမြစ်များ

Matayo 11:3

Kawamba, “Endani mukamuuze kwamba jeje ndiye ayu Masiya hwiyekuyoweeyani kwamba anakudza, ambu huindiiye muntu yungine?”

Matayo 2:6

‘Mudzi wa Betilehemu wiwo ḍyimbo ḍya Yud̯aya, ni mudzi muḍoḍo. Ela si mudzi wa kubalifika hat̯a kachuchu kahi ya midzi yonse ya Yud̯aya. Koro kuyawa Betilehemu kudzavyajwa haju adzeewayongowa wantu wa Isiraeli.’ ”

Marko 14:58

“Swiswi wenye humusikia akinena akyamba, ‘Mimi nainanga hi *Hekalu hii imbakijweyo na mikono ya wanaad̯amu. Kisa kwa nsiku ntahu nambaka ingine isiyombakwa na mikono ya wanaad̯amu.’ ”

Yohana 1:14

Huyu eyeakihanwa Chuuwo kawa mwanaad̯amu na kaishi kahi yehu. Huuona uwezowe mukuu, yani uwezo eo nao dza Mwana jeje heket̯u jwa huyu Baba. Kahuyanga winji wa matsakoye kwehu na kahupfa kumanya kula kintu dzuu ya Muungu.

Yohana 4:25

Huyu muke kamwamba Yesu, “Nimanya ya kwamba huyu *Masiya (eyenahanwa *Kirist̯o) njwakudza. Na adzepfokudza, anahuimusya kula kintu.”

Mahendo 7:48

Ela Muungu awee dzuu nkanaishi nyumba zimbakijwezo ni wantu. Dza vya nabii aneneyevyo akyamba,

2 Wakorint̯o 4:18

Haya hwiyokuyoweeyani si mambo hwiyonaona na matso, ela ni mambo yasiyoonekana. Haya yeyonaonekana na matso nza muḍa t̯u, ela haya yasiyoonekana na matso yanakaa maishi.

2 Wakorint̯o 5:1

Koro humanya ya kwamba, ikiwa kwamba hiḍi hema ḍya hi mii yehu hapfa lumwenguni ḍikujwa, huna nyumba ya Muungu mwenye ahumbakiiyeyo mbinguni. Wala iyo ntaikumbakwa na mikono ya wanaad̯amu, na inakaa maishi.

Wakolosai 2:11

Na kwa dzambo mwaa hariani mwa Kirist̯o, mwaa dza wantu muhinyijweo. Si ya kwamba muhinywa kimwii, ela muhinywa kiruhu, koro Kirist̯o kazimunwiiya hizi t̯amaa zenu nzuka nzuka mwizokuwa nazo.

Waeburania 10:1

Hi *Sharia ya Kiyahud̯i ni dza picha iyo mawizawiza ya hayaḍe mambo yenye. Ni mazimbozimbo t̯u ya hayaḍe yeyokudzani. Hawa wantu wekiyavya mvuugiya zizo kwa zizo kut̯wa kula mwaka. Ela hizo hizo mvuugiya ntazikuweza kuwahendeza wagulufu hawaḍe weowakimuyomba Muungu.

Waeburania 12:27

Hichi chuuwo cha “kawii,” chakuyangani tswee kwamba, kula kiumbijwecho kidzasukuswa kisa kinujwe. Hiviḍe visivyosukusika t̯u, ndivyo vya kuhafa.

Waeburania 13:14

Koro huju huju lumwengu siyo makao yehu ya maishi, swiswi hwakuyoweeyani hu mudzi wehu udzeokudza.

Waeburania 2:17

Ndiyo maana iwa imumala kuwa dza wanaad̯amu wangine wonse kwa kula namuna, ili apate kuwa *Mukohani Mukuu jwao eye mut̯ei na eyenahikizika kwa uhumisiwe kwa Muungu, ili kwamba hawa wantu wapate kuyatsijwa nabvise zao.

Waeburania 3:1

D̯ubva nywinywi wandugu zangu watsakwa, muhanijweo ni Muungu na mwiwo wantuwe, muyoweni Yesu. Jeje ndiye huyu *ntumi na *Mukohani Mukuu jwa hi faro yehu hwiyonat̯ima.

Waeburania 4:15

Na huyu Mukohani Mukuu jwehu ni muntu aumanyiye udhaifu wehu. Jeje kaḍemegwa dzaswi na kula njia, ela nkakugwa nabviseni.

Waeburania 7:1

Melekized̯eki ewa haju jwa mudzi wa Salemi na *mukohani jwa Muungu awee dzuu. Iburahimu epfoyawa vihani, ashindiyeko mahaju mane, Melekized̯eki kenda kamut̯angera na kamuvodhya.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.

2 Yohana 1:7

Humu lumwenguni kuhika waalimu wenji na wenji weo na makulekule. Hawa ni wantu weokudzizani kuhikiza ya kwamba Yesu *Kirist̯o kadza dza mwanaad̯amu. Wantu dzao ni wapfinga Kirist̯o na ni wantu weonakulakula.