Waeburania 8:6 - Pokomo

⁶ Ela sasa, Yesu kapfegwa kazi ya ukohani iyo na maana zaid̯i kuchia hiḍe ya hawa wakohani wangine. Jeje kakusumamiani ḍamano ḍiḍyo na maana zaid̯i kuchia hiḍiḍe ḍya kae, maanaye ḍina ahad̯i ziizo na maana zaid̯i.

Waeburania 8:6 ပူးပေါင်းရင်းမြစ်များ

Luka 22:20

Dza vivyo, kahwaa na hichi chikombe che mvinyo kachiwapfa wakisa kuḍya, kawamba, “Hichi ni chikombe cha ḍamano ipfya ḍya Muungu, ḍidzeḍyot̯imizwa ni mwazi wangu, mwazi udzeohigwa kwa dzambo ḍyenu.”

Warumi 9:4

Wao ni Waisiraeli, na ni wantu watsanijweo kuwa wana wa Muungu. Muungu kawayanga namuna aivyo na kahenda maḍamano nao na pia kawapfa hi *Sharia yakwe. Wao wanamuyomba jeje Muungu jwa hachi na ndiwo wapfokeeyeo hizi ahad̯i za Muungu.

Waefeso 2:12

Kumbukani kwamba mwiiwa ntamumudzi Kirist̯o kwamba ni ga. Na ntamwiiwa wantu wa kyeet̯i cha Muungu atsaniyecho, mwiiwa dza wageni. Ntamwiiwapfo kwa haya maḍamano ya Muungu ahendeyeyo na wantuwe akiwapfa ahad̯i ya kuwapfonya. Muishi humu lumwenguni pfasipfo madzikwat̯yo yaḍeyonse, na wala ntamwimumanya Muungu.

1 Timoteo 2:5

Koro kuna Muungu mumodza, na kuna na muntu jwa kahi mumodza kahi ya Muungu na wanaad̯amu, nae ni huyu muntu eyenahanwa *Kirist̯o Yesu.

Tito 1:2

Hi hii hachi inahupfa madzikwat̯yo ya kupata maisha ya kuunga na yuungo. Muungu ndiye ahuahid̯iiye swiswi haya haya maisha hangu lumwengu ntajudzaumbwa. Na jeje nkanene nsuwe.

Waeburania 12:24

Nywinywi mudza kwa Yesu, eye muntu jwa kahi jwa hiḍi ḍamano ipfya. Jeje, mwaziwe uhika na uhuwekea ahad̯i ya mambo mema zaid̯i kuchia mwazi wa Habili.

Waeburania 7:22

D̯ubva hi ina maana kwamba Yesu ndiye huyu jwa kuḍit̯imiza ḍamano ḍya Muungu kwa wantuwe, ḍiḍyo dzema zaid̯i.

2 Pet̯ero 1:4

Na kwa dzambo ḍya haya haya maremboye na memaye, kahuahid̯ia kuhupfa mambo makuu muno ya thamani. Na haya ahuahid̯iiyeyo kayahupfa ili kwamba muweze kuishi dza wana wa Muungu. Haya haya kayamumpa ili muweze kupfona kuyawana na haya mambo yeyonawananga wantu wa huju lumwengu, yeyonayehegwa ni t̯amaa nzuka nzuka.