Waeburania 7:8 - Pokomo

⁸ Hawa wakohani wa Kilawi weonahwaa hiḍi fungu ḍya kumi, ni wantu wa kwamba mwisowe wanafwa. Ela Melekized̯eki, huyu ahwaiye hiḍi fungu ḍya kumi ḍya Iburahimu, ni muntu eyekuishini, dza vya matsoro yaneneyevyo.

Waeburania 7:8 ပူးပေါင်းရင်းမြစ်များ

Yohana 14:19

Ḅaad̯a ya kit̯emo kifufi chichokudzani, huju lumwengu ntajukudzaniona kawii, ela nywinywi mudzaniona. Na kwa dzambo ḍya kwamba nawa nya mojo kawii, nanywi pia mudzawa mojo.

Yohana 14:6

Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Waeburania 3:16

Awa waisikiiyeo e saut̯i ya Muungu kisa wakidziza kumusikia ni aḍe ga? Ni hawaḍe wantu wonse wa Musa ayawiyeo nao Misiri.

Waeburania 5:6

Na kungine humu matsoroni, Muungu kamwamba, “Wewe unawa Mukohani jwa maishi dza hiviḍe vya Melekized̯eki.”

Waeburania 6:20

Yesu ndiye hudzimukwat̯iyee, na ndiye anjiiye hapfaḍe pfantu pfadheru pfa mwiso kwa dzambo ḍyehu. Kahenda *Mukohani jwehu Mukuu jwa maishi dza hiviḍe vya Melekized̯eki.

Waeburania 7:23

Hawa wakohani wa Kilawi wewa wenji kwa kwamba, ntaku eyeweza kuihenda hi kazi maishaye yonse atseefwa.

Waeburania 7:7

D̯ubva ni hakika kwamba huyu eyenamuvodhya muntu ni mukuu kuchia huyu eyenavodhyegwa.

Waeburania 7:9

D̯ubva muntu anaweza kwamba Iburahimu epfoyavya hiḍi fungu ḍya kumi, Lawi na kivyaziche cha *Walawi weonapfokea fungu ḍya kumi, nao pia wayavya fungu ḍya kumi.

Waeburania 9:27

Mwanaad̯amu korejwa kufwa mweedha mumodza t̯u, kisa adzeasumame hukumuni.

Upfenuo wa Yohana 1:18

Mimi ndimi huyu niye mojo. Niwa nifwa, ela sasa nya mojo maishi na maishi. Mimi nina mamulaka dzuu ya kufwa na dzuu ya lumwengu jwa wafu.