Waeburania 6:9 - Pokomo

⁹ Hat̯a ingawa nyakunenani dza hivi, nywinywi le si shaka nanywi waḅamu zangu watsakwa. Nimanya ya kwamba, muna haya mema yeyonayawana na hu mupfonyo mupatiyeo.

Waeburania 6:9 ပူးပေါင်းရင်းမြစ်များ

Marko 16:16

Huyuḍe adzeyehikiza na akit̯opyegwa anapfonywa, ela asiyehikiza anahukumigwa.

Mahendo 11:18

Wepfosikia hivi, wayatsa hizi alano zao na wamushad̯a Muungu wakyamba, “D̯ubva Muungu kawapfa kupfyehuza mama hat̯a na wantu wa vyeet̯i vingine wapate kukaa mojo!”

Mahendo 20:21

Hangu Wayahud̯i hat̯a Wayunani ninena nao muno kwamba wayatse nabvise, wamuperukie Muungu na wamuhikize Ḅwana jwehu Yesu.

1 Wakorint̯o 10:14

D̯ubva waḅamu zangu watsakwa, yatsani kuyomba masanamu!

2 Wakorint̯o 12:19

Waḅamu zangu watsakwa, namutset̯ara kwamba hangu iiḍe hwakuḍemani kudzihehea usoni yenu hat̯a! Muungu ndiye shaahiḍi, kwamba, hwakunenani hi ya hachi dza wantu wamuhikiziyeo Kirist̯o. Yonse hwiyokuhendani, hwakuyahendani kwa dzambo ḍya kumumbaka nywinywi.

2 Wakorint̯o 7:1

Watsakwa, hizi hizi ahad̯i Muungu kazihuwekea swiswi. D̯ubva nahudzidherese kwa kuyatsa kula kintu chichonaihendeza mii yehu na ruhu zehu kutsaawa nd̯eru. Nahuishi maisha ya udheru muhupfu kwa dzambo ḍya kushooga kumutsowea Muungu.

2 Wakorint̯o 7:10

Koro tsungu wa Muungu eonangiza muntu unamumpa kupfyehuza mama, na huku kupfyehuza mama kunamuyehea mupfonyo. Na ntaku jwa kudziut̯i dzuu ya haya haya. Ela tsungu wa kibenaad̯amu unayeha kufwa kiruhu.

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

Waeburania 10:34

Nywinywi muwafwiya t̯ei wafungwa. Na hat̯a vija vyenu vipfohwajwa na nguvu nywinywi mudzikaiya na tsekea, maanaye mwimanya kwamba muna nkandi ya maana iyonakaa maishi.

Waeburania 10:39

Aswi le ntahukwaa wantu hwiwonaujia nyuma na hukaara. Humuserefat̯a Muungu nae anahupfonya.

Waeburania 2:3

D̯ubva hukitsaufwanya mupfonyo mukuu dzohuu, hunapfona kutsahukumigwa? Huyu Ḅwana mwenye ndiye jwa d̯ura aneneye dzuu ya hu huu mupfonyo. Na hawa wamusikiiyeo, wavihuyanga tswee kwamba ni ḍugha.

Waeburania 5:9

Na epfoit̯imiza hi kaziye kawa ndiye muntu jwa kuwapfonya maishi hawaḍe wantu wonse weonamut̯ii jeje.

Waeburania 6:10

Muungu anahendea wantu hiḍe ya hachi. Nkawezi kwaarerwa hi kazi yenu muhendeyeyo ambu matsako mumuyangiyeyo kwa namuna mwivyowagijiija na mwivyokuwagijiijani hawa Wakirist̯o wenzenu.

1 Pet̯ero 2:11

Wandugu zangu mwiwokukaani dza wageni humu lumwenguni, nyakumuyombani mudzichinge na t̯amaa nzuka nzuka za kimwii zizokujwanani na hizi ruhu zenu kut̯wa.

2 Pet̯ero 3:1

Wandugu zangu, hii ni ḅaruwa yangu ya pfii ya kumworea. Kuzimuni mwa ḅaruwa zangu zombii, nimworea kumukumbusya haya mambo muyamanyiyeyo hangu iiḍe ili kwamba muweze kuwa na mat̯aro mema.

1 Yohana 2:7

Watsakwa, hi amuri niyokumworeani si amuri mpya hat̯a, ni iiḍe amuri ya kae mwiyokuwa nayo hangu iiḍe. Hi hii amuri, ni haya maagu ambayo mwisakusumwiijwa.

Yud̯a 1:3

Watsakwa, gula ninkitsaka muno kwamba nimworeye dzuu ya hu mupfonyo huupatiyeo hwonse. Ela niona kwamba ni urembo nimworeye kwamba muyaheheye haya *Maagu Mema muyahikiziyeyo. Hi hachi ya haya haya Maagu Mema, Muungu kaiyavya kwa hawaḍe wonse weo wakwe na ntaiperuke meshi.